ಈ ಪ್ರದೇಶದಲ್ಲಿ ಮಂಗಳವಾರ ಜನತೆಯ ಆರೋಗ್ಯ ತಪಾಸಿಸಲಾಯಿತು. ತಾಲೂಕು ವೈದ್ಯಾಧಿಕಾರಿ ಭಾಸ್ಕರ ಮಾತನಾಡಿ, ಕರೊನಾ ಸೋಂಕಿತ ವ್ಯಕ್ತಿಯ ಪ್ರಾಥಮಿಕ ಸಂಪರ್ಕಕ್ಕೆ ಬಂದಿರುವ ಪತ್ನಿ, ತಾಯಿ, ಅಂಗನವಾಡಿ ಸಹಾಯಕಿ, ಆಶಾ ಕಾರ್ಯಕರ್ತೆ, ಕಿರಾಣಿ ಅಂಗಡಿ ಮಾಲೀಕ, ಹೋಟೆಲ್ ಮಾಲೀಕ ಸೇರಿ ಒಟ್ಟು ಆರು ಜನರನ್ನು ಹೊಸಪೇಟೆಯ ಸಾಂಸ್ಥಿಕ ದಿಗ್ಬಂಧನದಲ್ಲಿರಿಸಲಾಗಿದೆ. ಸೋಂಕಿತನು ಮೇ 7 ಮತ್ತು 9ನೇ ತಾರೀಖಿನ ದಿನ ಎರಡು ಬಾರಿ ಕಂಪ್ಲಿಯಲ್ಲಿನ ಸರ್ಕಾರಿ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ಭೇಟಿ ನೀಡಿದ್ದಾನೆ. ಸೋಂಕಿತನ ಸಂಪರ್ಕ ಕುರಿತು ವಿಚಾರಣೆ ನಡೆಸಲಾಗುತ್ತಿದೆ. ಸೋಂಕಿತನ ಪತ್ನಿಯ ಕರೊನಾ ಪರೀಕ್ಷೆಯಲ್ಲಿ ನೆಗಟಿವ್ ಬಂದಿದೆ. ಇಬ್ಬರು ಮೇಲ್ವಿಚಾರಕರ ನೇತೃತ್ವದಲ್ಲಿ ಆಶಾ ಕಾರ್ಯಕರ್ತರು ನಾಲ್ಕು ತಂಡಗಳನ್ನು ರಚಿಸಿದ್ದು, ಕಂಟೈನ್ಮೆಂಟ್ನ ಜನತೆಯ ಆರೋಗ್ಯದ ಮೇಲೆ ನಿಗಾ ಇರಿಸಲಾಗಿದೆ. 28ದಿನ ಆರೋಗ್ಯ ತಪಾಸಣೆ ಮಾಡಲಾಗುವುದು. ಇಲ್ಲಿನ ಯಾರೊಬ್ಬರಿಗಾದರೂ ಶೀತ, ನೆಗಡಿ, ಕೆಮ್ಮು ಕಾಣಿಸಿಕೊಂಡಲ್ಲಿ ಕೂಡಲೇ ಫೀವರ್ ಕ್ಲಿನಿಕ್ಗೆ ಭೇಟಿ ನೀಡಿ ತಪಾಸಿಸಕೊಳ್ಳಬೇಕು ಎಂದು ಹೇಳಿದರು.
