ನವದೆಹಲಿ: ಈಗ ಬೇಸಿಗೆಯ ಕಾಲ. ನೆತ್ತಿ ಸುಡುವಂಥ ಬಿಸಿಲು. ಜತೆಗೆ ಕೋವಿಡ್ 19ನಿಂದಾಗಿ ಮೇ 3ರವರೆಗೆ ಮನೆಗಳಲ್ಲೇ ಕೂರಬೇಕಾದ ಅನಿವಾರ್ಯತೆ. ಹೀಗಾಗಿ ನಮ್ಮ ಪ್ರಿಯವಾದ ಹೋಟೆಲ್ಗೆ ಹೋಗಿ, ಇಷ್ಟವಾದ ಭಕ್ಷ್ಯವನ್ನು ಆಸ್ವಾದಿಸುವುದೂ ಕಷ್ಟವಾಗಿದೆ. ಹಾಗಾಗಿ ದೇಹಕ್ಕೂ ತಂಪಾದ, ಕರೊನಾ ಸೋಂಕಿನಿಂದ ದೂರವುಳಿಯಲು ರೋಗನಿರೋಧಕ ಶಕ್ತಿಯನ್ನೂ ಹೆಚ್ಚಿಸುವ ಪಾನೀಯ ಕುಡಿವುದು ಒಳ್ಳೆಯದಲ್ಲವೇ?
ಆ ಪಾನೀಯ ಯಾವುದು? ಹೇಗೆ ಮಾಡುವುದು ಎಂಬ ನಿಮ್ಮ ಕುತೂಹಲ ತಣಿಸುವ ಮಾಹಿತಿ ಇಲ್ಲಿದೆ.
ಈ ಜ್ಯೂಸ್ ತಯಾರಿಸಲು ಮುಖ್ಯವಾಗಿ ಮೂರು ಸಾಮಗ್ರಿಗಳು ಬೇಕಾಗುತ್ತವೆ. ಬಾಳೆಹಣ್ಣು, ಪೀನಟ್ ಬಟರ್ ಮತ್ತು ಅರಿಷಿಣದ ಪುಡಿ.
ಒಟ್ಟಾರೆ ಬೇಕಾಗುವ ಸಾಮಗ್ರಿಗಳ ಪಟ್ಟಿ ಇಂತಿದೆ: ಒಂದು ಬಾಳೆಹಣ್ಣು, ಒಂದು ಟೇಬಲ್ ಸ್ಪೂನ್ ಪೀನಟ್ ಬಟರ್, ಒಂದು ಟೇಬಲ್ ಸ್ಪೂನ್ ಅರಿಷಿಣದ ಪುಡಿ, ಒಂದು ಟೇಬಲ್ ಸ್ಪೂನ್ ಹಸಿ ಶುಂಠಿ (ಚೆನ್ನಾಗಿ ಹೆಚ್ಚಿಕೊಂಡಿರಬೇಕು), ಒಂದು ಟೇಬಲ್ ಸ್ಪೂನ್ ಚಿಯಾ ಬೀಜ, ಕಾಲು ಕಪ್ ಓಟ್ಸ್, 1 ಕಪ್ ಹಾಲು, ಒಂದು ಚಿಟಿಕೆ ಕಪ್ಪುಮೆಣಸಿನ ಪುಡಿ, ಕಾಲು ಕಪ್ ಬ್ಲ್ಯೂಬೆರೀಸ್ (ಬೇಕಾದರೆ)
ಮಾಡುವ ಬಗೆ: ಮೇಲೆ ಹೇಳಿದ ಎಲ್ಲ ಸಾಮಗ್ರಿಗಳನ್ನು ಮಿಕ್ಸಿ ಜಾರ್ಗೆ ಹಾಕಿ ಚೆನ್ನಾಗಿ ರುಬ್ಬಿಕೊಳ್ಳಬೇಕು. ಇದಕ್ಕೆ ಸ್ವಲ್ಪ ನೀರು ಮತ್ತು ಐಸ್ ಕ್ಯೂಬ್ ಹಾಕಿ ಕುಡಿದರೆ, ತಂಡಾ, ತಂಡಾ ಕೂಲ್, ಕೂಲ್ ಹಾಗೂ ರೋಗನಿರೋಧಕ ಶಕ್ತಿಯೂ ಸೊಂಪು.
ದೇಣಿಗೆಯಾಗಿ ಚೀನಾದಿಂದ ಬಂದವು ಪಿಪಿಇ, ಒಟ್ಟು 50 ಸಾವಿರ ಪಿಪಿಇಗಳ ಗುಣಮಟ್ಟ ಕಳಪೆ