ಪ್ಯಾರಿಸ್: ಕಾಂಡೋಮ್ ಎನ್ನುವುದು ಗೌಪ್ಯ ವಿಚಾರ ಎನ್ನುವ ಪರಿಸ್ಥಿತಿಯಲ್ಲಿ ನಮ್ಮ ದೇಶವಿದೆ. ಆದರೆ ಈ ದೇಶದಲ್ಲಿ ಹಾಗಿಲ್ಲ. ಕಾಂಡೋಮ್ ಬಳಕೆಯ ಪ್ರಾಮುಖ್ಯೆಯನ್ನು ದೇಶದ ಪ್ರತಿ ಶಾಲೆಗಳಲ್ಲಿ ಹೇಳಿಕೊಡಲಾಗುತ್ತದೆ. ಅಷ್ಟೇ ಅಲ್ಲದೆ ಕಾಂಡೋಮ್ ವಿತರಣಾ ಮಷಿನ್ಗಳನ್ನೂ ಶಾಲೆಗಳಲ್ಲಿ ಅಳವಡಿಸಲಾಗಿದೆ.
ಹೌದು! ನಾವೀಗ ಮಾತನಾಡುತ್ತಿರುವುದು ಫ್ರಾನ್ಸ್ನ ಬಗ್ಗೆ. ಈ ದೇಶದ ಶೇ. 96ಕ್ಕೂ ಹೆಚ್ಚು ಹೈ ಸ್ಕೂಲ್ಗಳಲ್ಲಿ ಕಾಂಡೋಮ್ ವಿತರಣಾ ಮಷಿನ್ಗಳಿವೆ. ಚಿಕ್ಕ ವಯಸ್ಸಿನಲ್ಲಿ ಗರ್ಭಧಾರಣೆ ಮತ್ತು ಏಡ್ಸ್ ಖಾಯಿಲೆಯನ್ನು ಕಡಿಮೆ ಮಾಡುವ ನಿಟ್ಟಿನಲ್ಲಿ ಅಲ್ಲಿನ ಸರ್ಕಾರವೇ ಈ ಯೋಜನೆಗೆ ನಾಂದಿ ಹಾಡಿತ್ತು. 29 ವರ್ಷಗಳ ಹಿಂದೆ ಅಂದರೆ 1992ರಲ್ಲಿಯೇ ಈ ಯೋಜನೆ ಆರಂಭವಾಗಿದೆ. 1992ರಲ್ಲಿ ಸರ್ಕಾರವು ಅಲ್ಲಿನ ಸರ್ಕಾರಿ ಹೈ ಸ್ಕೂಲ್ ಒಂದರಲ್ಲಿ ಕಾಂಡೋಮ್ ವಿತರಣಾ ಮಷಿನ್ ಅಳವಡಿಸಿತ್ತು. ಇದಕ್ಕೆ ಪ್ರಾರಂಭದಲ್ಲಿ ಶಾಲಾ ಆಡಳಿತದಿಂದ ಮತ್ತು ಕೆಲ ಸಾರ್ವಜನಿಕರಿಂದ ವಿರೋಧ ವ್ಯಕ್ತವಾಗಿತ್ತು. ಆದರೆ ಅದಾದ ಮೇಲೆ ಜನರು ತುಂಬು ಮನಸ್ಸಿನಿಂದ ಈ ನಿರ್ಧಾರವನ್ನು ಸ್ವಾಗತಿಸಿದ್ದರು. 2006ರ ವೇಳೆಗೆ ದೇಶದ ಶೇ. 96 ಸರ್ಕಾರಿ ಮತ್ತು ಖಾಸಗಿ ಹೈ ಸ್ಕೂಲ್ಗಳಲ್ಲಿ ಮಷಿನ್ ಅಳವಡಿಕೆಯಾಗಿತ್ತು.
ಫ್ರಾನ್ಸ್ನಲ್ಲಿ ಏಡ್ಸ್ ಸಮಸ್ಯೆ ಹೆಚ್ಚಿದೆ. ಅದೇ ಕಾರಣಕ್ಕೆ ಅಲ್ಲಿ ಆರೋಗ್ಯಯುತ ಲೈಂಗಿಕಕ್ರಿಯೆ ಬಗ್ಗೆ ಹೆಚ್ಚಿನ ಶಿಕ್ಷಣ ನೀಡಲಾಗುತ್ತಿದೆ. ಕೇವಲ ಫ್ರಾನ್ಸ್ ಮಾತ್ರವಲ್ಲ, ಅಮೆರಿಕದ ಖಾಸಗಿ ಶಾಲೆಗಳಲ್ಲೂ ಕಾಂಡೋಮ್ ವಿತರಣಾ ಮಷಿನ್ಗಳನ್ನು ಅಳವಡಿಸಲಾಗಿದೆ. (ಏಜೆನ್ಸೀಸ್)
ಕದ್ದ ಹಣ ನಿರೀಕ್ಷೆಗಿಂತ ಹೆಚ್ಚಿದ್ದಿದ್ದನ್ನು ಕಂಡು ಕಳ್ಳನಿಗೇ ಹಾರ್ಟ್ ಅಟ್ಯಾಕ್! ಅದೇ ದುಡ್ಡಲ್ಲೇ ಟ್ರೀಟ್ಮೆಂಟ್!
ಮಮತಾ ಬ್ಯಾನರ್ಜಿ ಕ್ಷೇತ್ರದಲ್ಲಿ ಚುನಾವಣಾ ಪ್ರಚಾರ ನಡೆಸಿದ್ದ ಬಿಜೆಪಿ ಮುಖಂಡ ನೇಣುಬಿಗಿದ ಸ್ಥಿತಿಯಲ್ಲಿ!