ನವದೆಹಲಿ: ವಿವಾದಾತ್ಮಕ ಹೇಳಿಕೆಗಳಿಂದ ಆಗಾಗ್ಗೆ ಸುದ್ದಿ ಮಾಡುವ ಬಾಲಿವುಡ್ ನಟಿ ಕಂಗನಾ ರಣಾವತ್, ಇದೀಗ ಇನ್ಸ್ಟಾಗ್ರಾಂ ಕಂಪೆನಿಯ ಮೇಲೆ ಗರಂ ಆಗಿದ್ದಾರೆ. ತಮ್ಮ ನೂತನ ಚಿತ್ರ ‘ತಲೈವಿ’ಯ ಪ್ರಮೋಷನ್ ಲಿಂಕ್ಅನ್ನು ತಮ್ಮ ಇನ್ಸ್ಟಾಗ್ರಾಂ ಖಾತೆಯ ಪ್ರೊಫೈಲ್ಗೆ ಸೇರಿಸಲಾಗುತ್ತಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ತಮಿಳುನಾಡಿನ ಮಾಜಿ ಸಿಎಂ ಹಾಗೂ ನಟಿಯಾಗಿದ್ದ ಜೆ.ಜಯಲಲಿತಾ ಅವರ ಜೀವನದ ಮೇಲೆ ಚಿತ್ರಿತವಾದ ಚಿತ್ರ ‘ತಲೈವಿ’ ಬಿಡುಗಡೆಗೆ ಸಿದ್ಧವಾಗಿರುವ ಕಂಗನಾ, ಇನ್ಸ್ಟಾಗ್ರಾಂನಲ್ಲಿ ಅದನ್ನು ಪ್ರಮೋಟ್ ಮಾಡಲು ಸಾಧ್ಯವಾಗುತ್ತಿಲ್ಲ ಎಂದು ಅಪ್ಸೆಟ್ ಆಗಿದ್ದಾರೆ.
ಇದನ್ನೂ ಓದಿ: ನೆರೆಹಾನಿ ಪರಿಶೀಲಿಸಲು ರಾಜ್ಯಕ್ಕೆ ಎನ್ಡಿಆರ್ಎಫ್ ತಂಡಗಳ ಭೇಟಿ
“ನನ್ನ ಪ್ರೊಫೈಲ್ ವಾರಿಫೈಡ್ ಆಗಿದೆ. ಹಾಗಾಗಿ ನಾನು ಏನನ್ನಾದರೂ ಆ್ಯಡ್ ಮಾಡಬೇಕೆಂದರೆ ತಮ್ಮ ಅಂತರರಾಷ್ಟ್ರೀಯ ಬಾಸ್ಗಳ ಅನುಮತಿ ಬೇಕು ಎಂದು ಇನ್ಸ್ಟಾಗ್ರಾಂ ಇಂಡಿಯಾ ಟೀಂ ಹೇಳಿದೆ. ಅದಕ್ಕಾಗಿ ಒಂದು ವಾರದಿಂದ ಕಾಯುತ್ತಿದ್ದೇನೆ. ನಿಮ್ಮ ಈಸ್ಟ್ ಇಂಡಿಯ ಕಂಪೆನಿ ಪ್ರವೃತ್ತಿಯನ್ನು ಬದಲಿಸಿಕೊಳ್ಳಿ” ಎಂದು ಕಂಗನಾ ಜರಿದಿದ್ದಾರೆ.
“ನಾನು ನನ್ನ ತಲೈವಿ ಲಿಂಕನ್ನು ಸೇರಿಸಲು ಅಪ್ಲೈ ಮಾಡಿದಾಗಿನಿಂದ ನನ್ನ ಖಾತೆಯ ಎಡಿಟ್ ಸೆಕ್ಷನ್ ಲಾಕ್ ಆಗಿದ್ದು, ಇನ್ಸ್ಟಾಗ್ರಾಂನ ಅನುಮೋದನೆಗೆ ಕಾಯಬೇಕಾಗಿದೆ. ವೆಬ್ಸೈಟ್ ಸೆಕ್ಷನ್ನಲ್ಲೂ ನನ್ನ ಚಿತ್ರದ ಲಿಂಕನ್ನು ಹಾಕಲು ಸಾಧ್ಯವಾಗುತ್ತಿಲ್ಲ. ಇಂಥ ಅನ್ಪ್ರೊಫೆಷನಲಿಸಂಅನ್ನು ಒಪ್ಪಿಕೊಳ್ಳಲಾಗುವುದಿಲ್ಲ” ಎಂದು ಕಂಗನಾ ಗುಡುಗಿದ್ದಾರೆ. (ಏಜೆನ್ಸೀಸ್)
ಕುಡಿದ ಮತ್ತಿನಲ್ಲಿ ಗಲಾಟೆ: ಹೆಲ್ಮೆಟ್ನಿಂದ ಹೊಡೆದು ಕಂಟ್ರಾಕ್ಟರ್ ಕೊಲೆ
ಸೂಪರ್ ಮಾರ್ಕೆಟ್ನಲ್ಲಿ 6 ಜನರಿಗೆ ಚಾಕು ಇರಿತ… ‘ಉಗ್ರವಾದಿ’ಗೆ ಅಂತ್ಯ ಹಾಡಿದ ಪೊಲೀಸರು