ನವದೆಹಲಿ: 2023 ಬರುತ್ತಿದ್ದಂತೆ ಭಾರತದಲ್ಲಿ ವಾಹನಗಳು ದುಬಾರಿಯಾಗಲಿವೆ. ಭಾರತದ ಪ್ರಮುಖ ವಾಹನ ತಯಾರಕರು ಮುಂದಿನ ತಿಂಗಳಿನಿಂದ ವಿವಿಧ ಮಾದರಿಗಳ ಬೆಲೆ ಏರಿಸುವುದಾಗಿ ಘೋಷಿಸಿದ್ದಾರೆ. ಇದು ಏಪ್ರಿಲ್ 2023 ರಿಂದ ಜಾರಿಗೆ ಬರಲಿದೆ.
ಹೊಸ ಮಾನದಂಡಗಳ ಪ್ರಕಾರ, ವಾಹನ ಚಲಾಯಿಸುವಾಗ ರಿಯಲ್ ಟೈಮ್ ಎಮಿಷನ್ ಮಟ್ಟವನ್ನು ಮೇಲ್ವಿಚಾರಣೆ ಮಾಡಲು ವಾಹನಗಳು ಆನ್‌ಬೋರ್ಡ್ ಅಟೋ-ಎಮಿಷನ್ ಡಿಟೆಕ್ಟರ್ ಸಾಧನವನ್ನು ಹೊಂದಿರಬೇಕು.
ಮಾರುಕಟ್ಟೆಯಲ್ಲಿ ಮುಂಚೂಣಿಯಲ್ಲಿರುವ ಮಾರುತಿ ಸುಜುಕಿ, ಹ್ಯುಂಡೈ, ಟಾಟಾ ಮೋಟಾರ್ಸ್, ಮರ್ಸಿಡಿಸ್-ಬೆನ್ಜ್, ಆಡಿ, ರೆನಾಲ್ಟ್, ಕಿಯಾ ಇಂಡಿಯಾ ಮತ್ತು ಎಂಜಿ ಮೋಟಾರ್ ಬೆಲೆ ಏರಿಸಲಿವೆ. ಈ ಸಂಸ್ಥೆಗಳು ಮುಂದಿನ ತಿಂಗಳಿನಿಂದ ಬೆಲೆಗಳನ್ನು ಹೆಚ್ಚಿಸುವ ಬಗ್ಗೆ ಘೋಷಣೆಗಳನ್ನು ಮಾಡಿದ್ದಾರೆ.
ಹೋಂಡಾ ಕಾರ್ಸ್ ಇಂಡಿಯಾದ ಉಪಾಧ್ಯಕ್ಷ ಕುನಾಲ್ ಬೆಹ್ಲ್ ‘ಕಚ್ಚಾ ವಸ್ತುಗಳ ಆಮದು ವೆಚ್ಚದಲ್ಲಿ ಸ್ಥಿರವಾಗಿ ಏರಿಕೆ ಆಗುತ್ತಿದ್ದು ಮುಂಬರುವ ದಿನಗಳಲ್ಲಿ ಬೆಲೆ ಏರಿಸುವ ಬಗ್ಗೆ ನಾವು ನಿರ್ಧರಿಸಿದ್ದೇವೆ. ನಾವು ನಮ್ಮ ಉತ್ಪನ್ನಗಳ ಬೆಲೆಯನ್ನು ಜನವರಿ 23ರಿಂದ ಪರಿಷ್ಕರಣೆ ಮಾಡಬೇಕಾಗಿದೆ.
ಯಾವ ಯಾವ ಕಂಪೆನಿ ಬೆಲೆ ಏರಿಸಿದೆ?
1) ಹೋಂಡಾ: ಜಪಾನಿನ ಕಾರು ತಯಾರಕ ಕಂಪನಿಯು ತನ್ನ ವಾಹನಗಳ ಬೆಲೆಯನ್ನು ರೂ. 30,000 ವರೆಗೆ ಹೆಚ್ಚಿಸಬಹುದು.
2) ಹ್ಯುಂಡೈ ಇಂಡಿಯಾ: ಬೆಲೆ ಏರಿಕೆಯು ಬೇರೆ ಬೇರೆ ಮಾದರಗಳಲ್ಲಿ ಬೇರೆ3 ಬೇರೆ ರೀತಿ ಇರಲಿದೆ. ಇದು ಜನವರಿ 2023 ರಿಂದ ಜಾರಿಗೆ ಬರಲಿದೆ.
3) ಜೀಪ್ ಇಂಡಿಯಾ: ಬೇರೆ ಬೇರೆ ಮಾಡೆಲ್ನ ವಾಹನಗಳಿಗೆ ಬೇರೆ ಬೇರೆ ರೀತಿ ಬೆಲೆ ಏರಿಕೆ ಆಗಲಿದೆ. ಜೀಪ್ SUV ಗಳು 2-4% ರಷ್ಟು ಬೆಲೆ ಏರಿಕೆಯನ್ನು ಕಾಣಲಿವೆ.
4) ಮಾರುತಿ ಸುಜುಕಿ: ನಿರಂತರವಾಗಿ ಏರುತ್ತಿರುವ ವೆಚ್ಚ ಮತ್ತು ಇತ್ತೀಚಿನ ಹೊಸ ಅವಶ್ಯಕತೆಗಳಿಂದ ಈ ನಿರ್ಧಾರವನ್ನು ಪ್ರಕಟಿಸಲಾಗಿದೆ ಎಂದು ಕಂಪನಿ ಹೇಳುತ್ತಿದೆ.
5) ಟಾಟಾ ಮೋಟಾರ್ಸ್: ಟಾಟಾ ಮೋಟರ್ಸ್ನ ICE ಮತ್ತು EV ಗಳ ಮಾದರಿಗಳಿಗೆ ಬೆಲೆ ಏರಿಕೆಯಾಗಲಿದೆ. ಟಾಟಾ ಕಂಪೆನಿ, ಎಷ್ಟು ಬೆಲೆ ಏರಿಕೆ ಆಗಲಿದೆ ಎನ್ನುವುದನ್ನು ಇನ್ನೂ ಬಹಿರಂಗಗೊಳಿಸಿಲ್ಲ.
6) ಕಿಯಾ ಇಂಡಿಯಾ: ಜನವರಿ 2023 ರಿಂದ ಕಿಯಾ ವಾಹನಗಳು ರೂ. 50,000 ವರೆಗೆ ದುಬಾರಿಯಾಗಲಿವೆ.
7) ಮರ್ಸಿಡೀಸ್ ಬೆಂಜ್: ಈ ಐಷಾರಾಮಿ ಕಾರು ಕಂಪನಿ, ತನ್ನ ಕಾರುಗಳ ಬೆಲೆಗಳನ್ನು 5% ವರೆಗೆ ಹೆಚ್ಚಿಸಲಿದೆ.
8) ಎಂ.ಜಿ ಮೋಟಾರ್: ಕಂಪನಿಯು ತನ್ನ SUV ಬೆಲೆಗಳನ್ನು ಬರೋಬ್ಬರಿ ರೂ. 90,000 ವರೆಗೆ ಹೆಚ್ಚಿಸಲಿದೆ.
9) ಆಡಿ ಇಂಡಿಯಾ: ಆಡಿ ಕಂಪನಿ, ಜನವರಿ 2023 ರಿಂದ ಕಾರಿನ ಬೆಲೆಗಳನ್ನು ಶೇಕಡಾ 1.7 ರಷ್ಟು ಹೆಚ್ಚಿಸಲಿದೆ ಎಂದಬ ಮಾಹಿತಿ ಲಭಿಸಿದೆ. (ಏಜೆನ್ಸೀಸ್)