ಒಟ್ಟಾವಾ: ಡಿಜಿಟಲ್ ಯುಗಕ್ಕೆ ಹೊಂದಿಕೊಳ್ಳುವುದು ನಮ್ಮ ಜೀವನವನ್ನು ಎಷ್ಟು ಸುಲಭಗೊಳಿಸುತ್ತದೆಯೋ ಕೆಲವೊಮ್ಮೆ ಅಷ್ಟೇ ಸಂಕಷ್ಟಕ್ಕೂ ತಂದೊಡುತ್ತದೆ. ಈ ಘಟನೆ ಅದಕ್ಕೆ ಒಂದು ಸಾಕ್ಷಿ. ಮಗನ ಫೋಟೋವನ್ನು ಅಮ್ಮನಿಗೆ ಕಳುಹಿಸಲು ಹೋದ ಮಹಿಳೆಯೊಬ್ಬಳು ತನ್ನ ಗಂಡನೊಂದಿಗೆ ರೊಮ್ಯಾನ್ಸ್ ಮಾಡಿದ ವಿಡಿಯೋವನ್ನೇ ಕಳುಹಿಸಿರುವ ಘಟನೆಯಿದು.
ಕೆನಡಾದ ಕಾರಾ ಟೋನ್ಯನ್ ಹೆಸರಿನ ಮಹಿಳೆ ಸಾಮಾಜಿಕ ಜಾಲತಾಣಗಳಲ್ಲಿ ಯಾವಾಗಲೂ ಸಕ್ರಿಯರಾಗಿರುತ್ತಾರೆ. ಈಗಾಗಲೇ ಮದುವೆಯಾಗಿ ಮಗನಿರುವ ಈಕೆ ತನ್ನ ತಾಯಿಯೊಂದಿಗೆ ಯಾವಾಗಲೂ ಸಂಪರ್ಕದಲ್ಲಿರುತ್ತಾರಂತೆ. ಮೊಮ್ಮಗನನ್ನು ಕಂಡರೆ ಹೆಚ್ಚು ಇಷ್ಟ ಪಡುವ ತಾಯಿಗೆ ತನ್ನ ಮೊಬೈಲ್ನಲ್ಲಿರುವ ಮಗನ ಫೋಟೋಗಳೆಲ್ಲವೂ ಅಟೋಮೆಟಿಕ್ ಆಗಿ ಹೋಗುವಂತೆ ಫೋನ್ನಲ್ಲಿ ಸೆಟ್ಟಿಂಗ್ ಮಾಡಿಟ್ಟುಕೊಂಡಿದ್ದಾರಂತೆ. ಆದರೆ ಈ ರೀತಿ ಮಾಡಿದ್ದೇ ಅವರಿಗೆ ನಾಚಿಕೆ ತರಿಸುವಂತಹ ಕೆಲಸ ಮಾಡಿದೆ.
ಒಂದು ದಿನ ನೋಡಿದಾಗ, ತಾನು ತನ್ನ ಗಂಡನೊಂದಿಗೆ ಕಿಚನ್ನಲ್ಲಿ ರೊಮ್ಯಾನ್ಸ್ ಮಾಡುವ ವಿಡಿಯೋ ತಾಯಿಗೆ ಸೆಂಡ್ ಆಗಿರುವುದು ಕಂಡುಬಂದಿದೆ. ಇದು ಹೇಗೆ ಆಯಿತು ಎಂದು ಕೂಲಂಕುಷವಾಗಿ ಹುಡುಕಿದಾಗ ನಿಜಾಂಶ ತಿಳಿದುಬಂದಿದೆ. ಅಡುಗೆ ಮನೆಯಲ್ಲಿದ್ದ ಫ್ರಿಜ್ನ ಮೇಲೆ ಆಕೆಯ ಮಗನ ಫೋಟೋ ಫ್ರೇಮ್ ಇತ್ತಂತೆ. ವಿಡಿಯೋದಲ್ಲಿ ಆತನ ಫೋಟೋ ಕೂಡ ಕಾಣಿಸಿಕೊಂಡಿದೆ. ಅದನ್ನು ಕಂಡ ಆ್ಯಪ್, ಆ ವಿಡಿಯೋವನ್ನೂ ಮಗನ ವಿಡಿಯೋ ಕೆಟಗರಿಗೆ ಹಾಕಿ, ಕಾರಾಳ ತಾಯಿಗೆ ಕಳುಹಿಸಿಕೊಟ್ಟಿದೆ.
ಈ ವಿಚಾರವನ್ನು ಸ್ವತಃ ಕಾರಾ ಅವರೇ ಟಿಕ್ಟಾಕ್ನಲ್ಲಿ ಹಂಚಿಕೊಂಡಿದ್ದಾರೆ. ಆ ರೀತಿಯ ವಿಡಿಯೋ ಕಳುಹಿಸಿದ್ದಕ್ಕೆ ತನ್ನ ತಾಯಿಯ ಬಳಿ ಕ್ಷಮೆ ಯಾಚಿಸಿದ್ದಾರೆ. (ಏಜೆನ್ಸೀಸ್)
ಭ್ರಷ್ಟಾಚಾರ ಆರೋಪದ ಸುಳಿಯಲ್ಲಿ ಸಿಕ್ಕಿಬಿದ್ದ ಬೆನ್ನಲ್ಲೇ ರಾಜೀನಾಮೆ ಸಲ್ಲಿಸಿದ ಗೃಹ ಸಚಿವ!
ಚಿನ್ನಮ್ಮ ಜೈಲಿಂದ ಬಿಡುಗಡೆಯಾಗಿದ್ದರೂ ಮತ ಹಾಕುವಂತಿಲ್ಲ! ಕುತೂಹಲ ಕೆರಳಿಸಿದ ವೋಟರ್ ಲಿಸ್ಟ್!