ನವದೆಹಲಿ: ಹಿರಿಯ ನಾಗರಿಕರ ಕ್ಷೇಮ ಮತ್ತು ವೃದ್ಧಾಪ್ಯದಲ್ಲಿ ಆದಾಯ ಸುರಕ್ಷತೆಯನ್ನು ಖಾತರಿಗೊಳಿಸುವ ಪ್ರಧಾನಮಂತ್ರಿ ವಯವಂದನಾ ಯೋಜನೆ(ಪಿಎಂವಿವಿವೈ)ಯನ್ನು ವಿಸ್ತರಿಸುವ ಪ್ರಸ್ತಾವನೆಗೆ ಕೇಂದ್ರ ಸಚಿವ ಸಂಪುಟ ಬುಧವಾರ ಒಪ್ಪಿಗೆ ನೀಡಿದೆ. ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅಧ್ಯಕ್ಷತೆಯಲ್ಲಿ ನಡೆದ ಸಚಿವ ಸಂಪುಟ ಸಭೆಯಲ್ಲಿ ಈ ಪ್ರಸ್ತಾವನೆ ಪರಿಶೀಲನೆಗೆ ಒಳಪಟ್ಟಿದೆ. ಕೇಂದ್ರ ಸಚಿವ ಸಂಪುಟ ಒಪ್ಪಿಗೆ ನೀಡಿರುವ ಪ್ರಸ್ತಾವನೆಯಲ್ಲಿರುವ ಅಂಶಗಳಿವು:
ಇದನ್ನೂ ಓದಿ: ಓಲಾ ಕ್ಯಾಬ್ ಆರಂಭವಾದರೂ 1,400 ಸಿಬ್ಬಂದಿ ಬೀದಿಗೆ ಬಂದಿದ್ದೇಕೆ?
- ಪಿಎಂವಿವಿವೈಯನ್ನು 2020ರ ಮಾರ್ಚ್ 31ರಿಂದ ಮುಂದಿನ ಮೂರು ವರ್ಷದ ಅವಧಿಗೆ ಅಂದರೆ 2023ರ ಮಾರ್ಚ್ 31ರ ತನಕ ವಿಸ್ತರಿಸುವುದು
ಆರಂಭದಲ್ಲಿ ವಾರ್ಷಿಕ ಶೇಕಡ 7.4 ಬಡ್ಡಿ ದರವನ್ನು 2020-21ರ ಅವಧಿಗೆ ಘೋಷಿಸಲಾಗಿದ್ದು, ನಂತರ ಪ್ರತಿವರ್ಷವೂ ಪರಿಷ್ಕರಣೆಗೊಳ್ಳಲಿದೆ. - ಪ್ರತಿ ವರ್ಷ ಹಣಕಾಸು ವರ್ಷದ ಆರಂಭದಲ್ಲಿ ಅಂದರೆ ಏಪ್ರಿಲ್ 1ರಿಂದ ಅನ್ವಯವಾಗುವಂತೆ ಸೀನಿಯರ್ ಸಿಟಿಜನ್ಸ್ ಸೇವಿಂಗ್ಸ್ ಸ್ಕೀಮ್(ಎಸ್ಸಿಎಸ್ಎಸ್) ನ ಪರಿಷ್ಕೃತ ಬಡ್ಡಿದರ ಘೋಷಿಸಬೇಕು. ಇದಕ್ಕೆ ಗರಿಷ್ಠ ಮಿತಿ ಶೇಕಡ 7.75 ಇರಲಿದೆ.
- ಎಲ್ಐಸಿ ಸೂಚಿತ ಮಾರ್ಕೆಟ್ ರೇಟ್ ಆಫ್ ರಿಟರ್ನ್ ಮತ್ತು ಈ ಯೋಜನೆಯಲ್ಲಿರುವ ಖಚಿತವಾದ ರೇಟ್ ಆಫ್ ರಿಟರ್ನ್ ನಡುವಿನ ವ್ಯತ್ಯಾಸದ ವೆಚ್ಚಕ್ಕೆ ಅನುಮೋದನೆ ನೀಡುವುದು.
ಇದನ್ನೂ ಓದಿ: ಮುಸ್ಲಿಮರ ದುಡ್ಡು ಮುಸ್ಲಿಮರಿಗಷ್ಟೇ, ಕರೊನಾ ನಿಧಿಗೆ ಅಲ್ಲ ಎಂದ ಶಾಸಕ ಜಮೀರ್ ಅಹ್ಮದ್- ಹಣ ಕೊಡುವವರಿಗೂ ಅಡ್ಡಗಾಲು!
- ಈ ಯೋಜನೆಯಲ್ಲಿ ಹೊಸ ಪಾಲಿಸಿಗಳಿಗೆ ಅನ್ವಯವಾಗುವಂತೆ ಮೊದಲ ವರ್ಷ ನಿರ್ವಹಣಾ ವೆಚ್ಚವನ್ನು ಒಟ್ಟು ನಿಧಿಯ ವಾರ್ಷಿಕ ಶೇಕಡ 0.5ಕ್ಕೆ ಸೀಮಿತಗೊಳಿಸುವುದು ಮತ್ತು ಆನಂತರ ಎರಡನೇ ವರ್ಷದಿಂದ ಮುಂದಿನ ಒಂಭತ್ತು ವರ್ಷದ ತನಕ ವಾರ್ಷಿಕ ಶೇಕಡ 0.3 ನಿಗದಿಪಡಿಸುವುದು.
- ಪ್ರತಿವರ್ಷ ಯೋಜನೆಯ ಬಡ್ಡಿದರ ನಿಗದಿಪಡಿಸುವ ಅಧಿಕಾರ ವಿತ್ತ ಸಚಿವರದ್ದಾಗಿರಲಿದೆ. ಯೋಜನೆಯ ಎಲ್ಲ ನಿಯಮ ನಿಬಂಧನೆಗಳಲ್ಲಿ ಬೇರಾವುದೇ ವ್ಯತ್ಯಾಸವಿಲ್ಲ.
ಈ ಯೋಜನೆಯಲ್ಲಿ ಕನಿಷ್ಠ ಹೂಡಿಕೆ ಮೊತ್ತ ಪರಿಷ್ಕರಿಸಿದ್ದು ವಾರ್ಷಿಕ 12,000 ರೂಪಾಯಿ ಪಿಂಚಣಿ ಪಡೆಯಬೇಕಾದರೆ 1,56,658 ರೂಪಾಯಿ ಹೂಡಿಕೆ ಮಾಡಬೇಕು. ಅದೇ ರೀತಿ, ಮಾಸಿಕ 1,000 ರೂಪಾಯಿ ಪಿಂಚಣಿ ಪಡೆಯಬೇಕಾದರೆ 1,62,162 ರೂಪಾಯಿಯನ್ನು ಹೂಡಿಕೆ ಮಾಡಬೇಕು. (ಏಜೆನ್ಸೀಸ್)
Quiz