ಲಂಡನ್: ಜನರಿಗೆ ಎಂತೆಂತದ್ದೋ ವಿಚಿತ್ರ ಆಸೆ, ಕನಸುಗಳು ಇರುತ್ತವೆ. ಅದೇ ರೀತಿ ವಿಚಿತ್ರ ಆಸೆಯೊಂದರ ಬೆನ್ನು ಹತ್ತಿ ಹೋದ ಮಹಿಳೆ, ಸೆಕ್ಸ್ ಆಸೆ ತೀರುವ ಮೊದಲೇ ಸಾವನ್ನಪ್ಪಿರುವ ಘಟನೆ ಬ್ರಿಟನ್ನಲ್ಲಿ ನಡೆದಿದೆ.
52 ವರ್ಷದ ವಾರೆನ್ ಮಾರ್ಟಿನ್ ಕೌಲ್ಟನ್ ಮತ್ತು 38 ವರ್ಷದ ಕ್ಲೇರ್ ವೈಟ್ ದಂಪತಿ ಇತ್ತೀಚೆಗೆ ಒಂದು ರೆಸ್ಟೋರೆಂಟ್ಗೆ ತೆರಳಿದ್ದರು. ವಿಚಿತ್ರ ವಿಚಿತ್ರ ಸ್ಟೈಲ್ನಲ್ಲಿ ಸೆಕ್ಸ್ ಮಾಡಬೇಕೆಂಬಗ ಆಸೆಯೊಂದಿಗೆ ಅಲ್ಲಿಗೆ ತೆರಳಿದ್ದ ದಂಪತಿ ಒಂದು ವಿಶೇಷ ಯೋಜನೆ ಹಾಕಿಕೊಂಡಿದ್ದಾರೆ. ಕಂಠ ಪೂರ್ತಿ ಕುಡಿದು, ಡ್ರಗ್ಸ್ ಸೇವಿಸಿ ಸೆಕ್ಸ್ ಮಾಡಲು ಮುಂದಾಗಿದ್ದಾರೆ. ಅದರಲ್ಲೂ ಕ್ಲೇರ್ಳ ಕೈಗಳನ್ನು ಕಟ್ಟಿ ಹಾಕಿ, ಬಾಯಿಯನ್ನು ಟೇಪ್ನಿಂದ ಮುಚ್ಚಿ ನಂತರ ಸೆಕ್ಸ್ ಮಾಡಿದ್ದಾರೆ.
ಈ ರೀತಿ ಸೆಕ್ಸ್ ಮಾಡುತ್ತಿದ್ದಾಗ ಅಚಾನಕ್ಕಾಗಿ ವಾರೆನ್ಗೆ ನಿದ್ರೆ ಬಂದಿದೆ. ಅಲ್ಲಿಯೇ ಆತ ನಿದ್ರೆಗೆ ಜಾರಿದ್ದಾನೆ. ಇತ್ತ ವಿಪರೀತಿ ಮತ್ತಿನಲ್ಲಿದ್ದ ಕ್ಲೇರ್ ತನ್ನ ಕೈಗೆ ಕಟ್ಟಿದ್ದ ಹಗ್ಗವನ್ನು ಬಿಡಿಸಿಕೊಳ್ಳಲು ಪ್ರಯತ್ನಿಸಿದ್ದಾಳೆ. ಆದರೆ ಅದು ಆಕೆಯಿಂದ ಸಾಧ್ಯವಾಗಿಲ್ಲ. ಸಾಕಷ್ಟು ಸಮಯ ಒದ್ದಾಡಿದ ನಂತರ ಆಕೆ ಅಲ್ಲಿಯೇ ಸಾವನ್ನಪ್ಪಿದ್ದಾಳೆ.
ಬೆಳಗ್ಗೆ ಎದ್ದ ವಾರೆನ್ ಹೆಂಡತಿಯನ್ನು ಕಂಡು ಗಾಬರಿಗೊಂಡಿದ್ದಾನೆ. ತಕ್ಷಣ ಅಲ್ಲಿಂದ ಪರಾರಿಯಾಗಿದ್ದಾನೆ. ರೂಮಿನಲ್ಲಿ ಮಹಿಳೆಯ ಮೃತ ದೇಹ ಕಂಡ ರೆಸ್ಟೋರೆಂಟ್ ಸಿಬ್ಬಂದಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ವಾರೆನ್ ವಿರುದ್ಧ ಪ್ರಕರಣ ದಾಖಲಾಗಿದೆ. ಕ್ಲೇರ್ನ ಕುಟುಂಬಸ್ಥರು ಆಕೆಯ ಸಾವಿನಿಂದಾಗಿ ಅಘಾತಕ್ಕೆ ಒಳಗಾಗಿರುವುದಾಗಿ ಹೇಳಲಾಗಿದೆ. (ಏಜೆನ್ಸೀಸ್)