ಮಧ್ಯಪ್ರದೇಶ: ಮದುವೆ ಸಂದರ್ಭದಲ್ಲಿ ವಧು ಬ್ಯೂಟಿಪಾರ್ಲರ್ನವರ ಮೊರೆ ಹೋಗಿ ಇನ್ನಷ್ಟು ಸುಂದರವಾಗಿ ಕಾಣಿಸಿಕೊಳ್ಳಲು ಯತ್ನಿಸುವುದು ಸರ್ವೇಸಾಮಾನ್ಯ. ಆದರೆ ಇಲ್ಲೊಂದು ಕಡೆ ಮೇಕಪ್ ತನ್ನ ಲುಕ್ಕನ್ನೇ ಹಾಳು ಮಾಡಿತು ಎಂದು ತೀವ್ರ ಬೇಸರಗೊಂಡ ವಧು ಬ್ಯೂಟಿಪಾರ್ಲರ್ ಮಾಲೀಕರ ವಿರುದ್ಧವೇ ಕೇಸು ದಾಖಲಿಸಿದ್ದಾಳೆ.
ಮಧ್ಯಪ್ರದೇಶದ ಜಬಲ್ಪುರದಲ್ಲಿ ಇಂಥದ್ದೊಂದು ವಿಚಿತ್ರ ಘಟನೆ ನಡೆದಿದೆ. ಬ್ಯೂಟಿಪಾರ್ಲರ್ನವರು ಮಾಡಿದ್ದ ಮೇಕಪ್ ಸರಿ ಇರಲಿಲ್ಲ. ಇದರಿಂದ ನನ್ನ ಲುಕ್ ಹಾಳಾಗಿತ್ತು. ಈ ಬಗ್ಗೆ ಅವರಲ್ಲಿ ತಿಳಿಸಿದಾಗ ಸಮಸ್ಯೆ ಪರಿಹರಿಸುವ ಬದಲು ಅವರು ನಮಗೇ ಬೆದರಿಕೆ ಹಾಕಿದ್ದರು. ಹೀಗಾಗಿ ಪೊಲೀಸರಿಗೆ ದೂರು ನೀಡಲಾಯಿತು ಎಂದು ವಧು ಹೇಳಿಕೊಂಡಿದ್ದಾಳೆ. ಹೀಗಾಗಿ ಕೊಟ್ವಾಲಿ ಪೊಲೀಸ್ ಠಾಣೆಯವರು ಬ್ಯೂಟಿಪಾರ್ಲರ್ನವರ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಡಿ.3ರಂದು ಮದುವೆ ಆಗಲಿದ್ದ ಹಿನ್ನೆಲೆಯಲ್ಲಿ ವಧುವಿನ ಮನೆಯವರು ಜಬಲ್ಪುರದ ಮೊನಿಕಾ ಮೇಕಪ್ ಸ್ಟುಡಿಯೊದ ನಿರ್ದೇಶಕಿ ಮೊನಿಕಾ ಪಾಠಕ್ ಅವರನ್ನು ಸಂಪರ್ಕಿಸಿದ್ದರು. ಈ ಮೇರೆಗೆ ಮೊನಿಕಾ ಮೂರೂವರೆ ಸಾವಿರ ರೂ. ನಿಗದಿ ಮಾಡಿ ಮೇಕಪ್ಗೆ ಒಪ್ಪಿಕೊಂಡಿದ್ದಳು. ಆದರೆ ಮೇಕಪ್ಗೆ ನಿಗಿದಯಾದ ದಿನದಂದು ಮೊನಿಕಾ ಬರದೆ ಅವಳ ಸಿಬ್ಬಂದಿ ಬಂದು ಮೇಕಪ್ ಮಾಡಿದ್ದು, ಲುಕ್ ಕೆಡಿಸಿದ್ದಾರೆ ಎಂದು ವಧು ಆರೋಪಿಸಿದ್ದಳು. ಆಗ ವಧುವಿನ ಕರೆ ಮೇರೆಗೆ ಮೊನಿಕಾ ಆಗಮಿಸಿದ್ದು, ಆಕೆ ಲುಕ್ ಸರಿಮಾಡುವ ಬದಲು ಮತ್ತಷ್ಟು ಕೆಡಿಸಿದ್ದಳು ಎಂದು ವಧು ಹೇಳಿದ್ದಾಗಿ ಪೊಲೀಸರು ತಿಳಿಸಿದ್ದಾರೆ.
ಪುತ್ರನಿಂದಲೇ ಕೊಲೆಯಾದ ಹಿರಿಯ ನಟಿ; ಬ್ಯಾಟ್ನಿಂದ ಹೊಡೆದು ಕೊಂದು ಶವ ನದಿಗೆಸೆದ ಮಗ!
ಅಂಗಡಿ ಹುಡುಗರ ಮೇಲೆ ಹಲ್ಲೆ ಮಾಡಿ 1.90 ಲಕ್ಷ ರೂ. ದೋಚಿದ್ದ ಪುಡಿ ರೌಡಿಗಳ ಬಂಧನ