ಕೋಲಾರ: ಜಿಲ್ಲೆಯ ಕೆಜಿಫ್ ತಾಲೂಕಿನ ಕ್ಯಾಸಂಬಳ್ಳಿ ಗ್ರಾಪಂ ಅಭಿವೃದ್ಧಿ ಅಧಿಕಾರಿ ಪ್ರತಿ ಕೆಲಸಕ್ಕೆ ಲಂಚ ಕೇಳುತ್ತಾರೆ ಎಂಬ ವ್ಯಾಪಕ ಆರೋಪದ ನಡುವೆ ಲಾನುಭವಿಯೊಬ್ಬರಿಂದ ತನ್ನ ಅಧೀನದಲ್ಲಿನ ಬಿಲ್ ಕಲೆಕ್ಟರ್ ಮೂಲಕ ಲಂಚ ಪಡೆಯುತ್ತಿರುವರೆನ್ನಲಾದ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಗ್ರಾಪಂ ವ್ಯಾಪ್ತಿಯ ನಾಗಲಪಲ್ಲಿ ಗ್ರಾಮದ ಅನುಕುಮಾರ್ ಎಂಬ ಯುವಕನ ಮನೆಯ ಸ್ವತ್ತಿನ ಮರು ಮುದ್ರಣದ ದಾಖಲೆ ಪತ್ರ ನೀಡುವುದಕ್ಕಾಗಿ ಲಂಚ ಪಡೆಯುತ್ತಿರುವ ದೃಶ್ಯ ವಿಡಿಯೋದಲ್ಲಿದೆ. ಅನುಕುಮಾರ್ ಎರಡು, ಮೂರು ದಿನ ಪಂಚಾಯಿತಿಗೆ ಹೋದರೆ ಸರ್ವರ್ ಇಲ್ಲ ಅಥವಾ ನಿಮ್ಮ ಹೆಸರಿನ ದಾಖಲೆ ಸಿಗುತ್ತಿಲ್ಲ ಎಂದು ಸತಾಯಿಸಿ ಕಳುಹಿಸಿದ್ದಾರೆ. ಬಳಿಕ ಕೆಲಸ ಆಗಬೇಕಾದರೆ 2 ಸಾವಿರ ರೂ. ನೀಡುವಂತೆ ಪಿಡಿಒ ಮತ್ತು ಬಿಲ್ ಕಲೆಕ್ಟರ್ ಬೇಡಿಕೆ ಇಟ್ಟಿದ್ದಾರೆ. ಅದರಂತೆ ಯುವಕ ಲಂಚ ನೀಡುವಾಗ ವಿಡಿಯೋ ಮಾಡಿಕೊಂಡು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾನೆ ಎನ್ನಲಾಗಿದೆ.
50 ರೂ. ಕೆಲಸಕ್ಕೆ 2000 ಡಿಮ್ಯಾಂಡ್:
ಮನೆಯ ಸ್ವತ್ತಿನ ಮರುಮುದ್ರಣದ ಪತ್ರದ ದಾಖಲೆ ಪಡೆಯಲು ಸರ್ಕಾರಕ್ಕೆ 50 ರೂ. ರಸೀದಿ ಹಣ ನೀಡಬೇಕು. ಆದರೆ ಪಿಡಿಒ ಹಾಗೂ ಬಿಲ್ಕಲೆಕ್ಟರ್ ಯುವಕನ ಬಳಿ 3 ಸಾವಿರ ರೂಪಾಯಿ ಕೇಳಿದ್ದಾರೆ. ಕೊನೆಗೆ 2 ಸಾವಿರಕ್ಕೆ ಮಾತುಕತೆ ಮಾಡಿ ಒಂದು ಸಾವಿರ ರೂ. ಅನ್ನು ೋನ್ ಪೇ ಮೂಲಕ ಬಿಲ್ಕಲೆಕ್ಟರ್ ಸುಬ್ರಮಣಿ ಖಾತೆಗೆ ಕಳಿಸಲಾಗಿದೆ. ಇನ್ನೊಂದು ಸಾವಿರ ನೀಡಿದರೆ ಮಾತ್ರ ಪತ್ರ ನೀಡಲಾಗುವುದು ಎಂದು ಪಿಡಿಒ ಹೇಳಿದ್ದಾರೆ ಎಂದು ಬಿಲ್ಕಲೆಕ್ಟರ್ ಸುಬ್ರಮಣಿ ಅನುಕುಮಾರ್ ಜತೆ ೋನ್ ಸಂಭಾಷಣೆಯಲ್ಲಿ ತಿಳಿಸಿದ್ದಾರೆ. “ಮೇಡಂ ಅವರು ನಿನ್ನೆನೇ ಹೇಳಿದ್ರು, ಅವರ ಹತ್ರ ದುಡ್ಡು ಕೇಳಿ ತಗೊಳ್ಳಿ ಅಂತಾ, ಬೇಕಾದ್ರೆ ಒಂದು ಸಾವಿರ ಹಣ ತಗೊಂಡು ಬಂದು ಬಿಡು, ಹಾಗೇ ಪತ್ರ ಕೂಡ ಕೊಡ್ತಾರೆ’ ಎಂಬ ಸಂಭಾಷಣೆ ರೆಕಾರ್ಡ್ ಮಾಡಿಕೊಂಡು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾನೆ.
ವಿಡಿಯೋದಲ್ಲಿ ಏನಿದೆ ?:
ಸಾವಿರ ರೂಪಾಯಿ ಹಣವನ್ನು ತೆಗೆದುಕೊಂಡು ಪಂಚಾಯಿತಿ ಕಚೇರಿ ಬಳಿ ಬರುವ ಫಲಾನುಭವಿ ಅನುಕುಮಾರ್ ಬಿಲ್ಕಲೆಕ್ಟರ್ ಸುಬ್ರಮಣಿಯನ್ನು ಭೇಟಿ ಮಾಡಿ 800 ರೂ. ಕೊಡಲು ಹೋದಾಗ ಅದನ್ನು ನಿರಾಕರಿಸಿದ್ದಾರೆ. ಬಳಿಕ 200 ಸೇರಿಸಿ ಕೊಟ್ಟಾಗ ಅದನ್ನು ತೆಗೆದುಕೊಂಡು ನೇರವಾಗಿ ಪಿಡಿಒ ರಶ್ಮಿ ಅವರ ಟೇಬಲ್ ಕೆಳಗೆ ಹಣ ಹಾಕಿ, ತಮ್ಮ ಪಾಲು ತೆಗೆದುಕೊಂಡು ಬರುವುದು ವಿಡಿಯೋದಲ್ಲಿ ದಾಖಲಾಗಿದೆ.
ಅಮಾನತಿಗೆ ಆಗ್ರಹ:
ಲಂಚ ಪಡೆದಿರುವ ಪಿಡಿಒ ರಶ್ಮಿ ಅವರನ್ನು ಸೇವೆಯಿಂದ ಅಮಾನತುಗೊಳಿಸಬೇಕು ಎಂದು ಸಾರ್ವಜನಿಕರಿಂದ ಆಗ್ರಹ ಕೇಳಿಬಂದಿದೆ. ಡಾ.ಬಿ.ಆರ್.ಅಂಬೇಡ್ಕರ್ ಯುವ ವೇದಿಕೆ ಅಧ್ಯ ಶ್ರೀನಿವಾಸ್ ಮಾತನಾಡಿ, ಪಿಡಿಒ ರಶ್ಮಿ ಕಳೆದ ಹದಿನೈದು ವರ್ಷಗಳಿಂದ ಇಲ್ಲೆ ಇದ್ದಾರೆ. ಅವರ ವಿರುದ್ಧ ಸಾಕಷ್ಟು ಆರೋಪಗಳಿವೆ. ಇದೀಗ ಸಾ ಸಮೇತ ಸಿಕ್ಕಿ ಬಿದ್ದಿದ್ದಾರೆ. ಅವರನ್ನು ಮತ್ತು ಬಿಲ್ ಕಲೆಕ್ಟರ್ ಸುಬ್ರಮಣಿ ಅವರನ್ನು ಅಮಾನತುಪಡಿಸಬೇಕು. ಇಲ್ಲದಿದ್ದಲ್ಲಿ ನಾವು ಲೋಕಾಯುಕ್ತರಿಗೆ ಮತ್ತು ಪೊಲೀಸ್ ಠಾಣೆಗೆ ದೂರು ನೀಡಿ ಕಾನೂನು ಹೋರಾಟ ಮಾಡಲಾಗುವುದು ಎಂದು ಎಚ್ಚರಿಸಿದರು. ಚಿನ್ನದ ನಾಡು ರೈತ ಮತ್ತು ಕೆರೆಗಳ ಸಂರಕ್ಷಣೆ ಸಮಿತಿ ಅಧ್ಯ ಎನ್.ಎಂ.ಶಿವಪ್ರಸಾದ್ ಅಧಿಕಾರಿಯ ವಜಾಕ್ಕೆ ಆಗ್ರಹಿಸಿದ್ದಾರೆ.