ಮುಂಬೈ: ಕಿಕ್ಕೇರಿದ ಸುದ್ದಿಯ ಹಿನ್ನೆಲೆಯಲ್ಲಿ ಇದೀಗ ಬಾಲಿವುಡ್ ಸಿಡಿದೆದ್ದಿದೆ. ಮಾತ್ರವಲ್ಲ, ಎರಡು ಸುದ್ದಿವಾಹಿನಿ ಹಾಗೂ ಅದರ ನಾಲ್ವರು ನಿರೂಪಕರ ವಿರುದ್ಧ ಖಾನ್ದಾನ್ ಕೋರ್ಟ್ ಮೆಟ್ಟಿಲೇರಿದೆ.
ಬಾಲಿವುಡ್ನಲ್ಲಿನ ಡ್ರಗ್ಸ್ ಮಾಫಿಯಾ ಕುರಿತಂತೆ ಬಿತ್ತರವಾಗಿರುವ ಸುದ್ದಿಯ ಹಿನ್ನೆಲೆಯಲ್ಲಿ ಈ ಮಹತ್ವದ ಬೆಳವಣಿಗೆ ಆಗಿದ್ದು, ಆಮೀರ್ ಖಾನ್, ಸಲ್ಮಾನ್ ಖಾನ್, ಕಬೀರ್ ಖಾನ್, ಅಜಯ್ ದೇವಗನ್, ಅನಿಲ್ ಕಪೂರ್, ಫರ್ಹಾ ಅಖ್ತರ್ ಸೇರಿ 34 ನಿರ್ಮಾಪಕರು/ನಿರ್ಮಾಣ ಸಂಸ್ಥೆಗಳು ಹಾಗೂ ಚಿತ್ರರಂಗಕ್ಕೆ ಸಂಬಂಧಿತ ನಾಲ್ಕು ಸಂಘಟನೆಗಳು ದೆಹಲಿ ಹೈಕೋರ್ಟ್ಗೆ ದೂರು ಸಲ್ಲಿಸಿವೆ.
ಡ್ರಗ್ಸ್ ಪ್ರಕರಣ ಹಿನ್ನೆಲೆಯಲ್ಲಿ ಇಡೀ ಬಾಲಿವುಡ್ಡನ್ನೇ ಅವಹೇಳನಕಾರಿ ಆಗಿ ತೋರಿಸಲಾಗುತ್ತಿದೆ. ಹೀಗಾಗಿ ಸಂಬಂಧಿತ ಚಾನೆಲ್ಗಳು/ನಿರೂಪಕರು ಬಾಲಿವುಡ್ ಗಣ್ಯರ ಬಗ್ಗೆ ಸುದ್ದಿ ಪ್ರಕಟಿಸದಂತೆ ಹಾಗೂ ಅವಹೇಳನಕಾರಿಯಾಗಿ ಇದುವರೆಗೆ ಪ್ರಸಾರ ಮಾಡಿರುವ ಎಲ್ಲ ಕಾರ್ಯಕ್ರಮಗಳನ್ನು ಹಿಂಪಡೆಯುವಂತೆ ದೂರಿನಲ್ಲಿ ಕೋರಲಾಗಿದೆ.
ದ ಫಿಲ್ಮ್ ಆ್ಯಂಡ್ ಟೆಲಿವಿಷನ್ ಪ್ರೊಡ್ಯೂಸರ್ಸ್ ಗಿಲ್ಡ್ ಆಫ್ ಇಂಡಿಯಾ(ಪಿಜಿಐ), ದ ಸಿನಿ ಆ್ಯಂಡ್ ಟಿವಿ ಆರ್ಟಿಸ್ಟ್ ಅಸೋಸಿಯೇಷನ್, ಇಂಡಿಯನ್ ಫಿಲ್ಮ್ ಆ್ಯಂಡ್ ಟಿವಿ ಪ್ರೊಡ್ಯೂಸರ್ಸ್ ಕೌನ್ಸಿಲ್, ಸ್ಕ್ರೀನ್ ರೈಟರ್ಸ್ ಅಸೋಸಿಯೇಷನ್ ಕೂಡ ದೂರುದಾರರಾಗಿದ್ದಾರೆ. (ಏಜೆನ್ಸೀಸ್)