ಕೆಜಿಎಫ್ ಚಾಪ್ಟರ್ 2 ಸಿನಿಮಾದ ಟೀಸರ್ಗೆ ದಿನಗಣನೆ ಶುರುವಾಗಿದೆ. ಇನ್ನೇನು ಜ.8ರ ಯಶ್ ಜನ್ಮದಿನಕ್ಕೆ ಚಿತ್ರದ ಟೀಸರ್ ಹೊಂಬಾಳೆ ಫಿಲಂಸ್ ಯೂಟ್ಯೂಬ್ ಚಾನಲ್ನಲ್ಲಿ ಬಿಡುಗಡೆಯಾಗಲಿದೆ. ಈ ನಡುವೆಯೇ ಚಿತ್ರದಲ್ಲಿ ರಮಿಕಾ ಸೇನ್ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಬಾಲಿವುಡ್ ನಟಿ ರವೀನಾ ಟಂಡನ್ ಕೆಜಿಎಫ್ ಸಿನಿಮಾ ಬಗ್ಗೆ ಮಾತನಾಡಿದ್ದಾರೆ.
* ಮೊದಲ ಸಲ ಯಶ್ ಜತೆಗೆ ಸ್ಕ್ರೀನ್ ಶೇರ್ ಮಾಡಿಕೊಂಡ ಅನುಭವ ಹೇಗಿತ್ತು
– ನಿಜಕ್ಕೂ ಅದು ಅಮೆಜಿಂಗ್ ಅನುಭವ. ಯಶ್ ವ್ಯಕ್ತಿತ್ವದಲ್ಲಿ ತುಂಬ ಸ್ವೀಟ್. ಅಷ್ಟೇ ಪ್ರತಿಭಾವಂತ ನಟ. ಅವರೊಂದಿಗೆ ನಟನೆ ಮಾಡಿದ್ದು, ಖುಷಿಯ ವಿಚಾರಗಳಲ್ಲೊಂದು.
* ಚಿತ್ರದಲ್ಲಿನ ನಿಮ್ಮ ಪಾತ್ರದ ಬಗ್ಗೆ ಸಣ್ಣ ಎಳೆಯನ್ನು ಹೇಳಬಹುದೇ?
– ನನ್ನ ಪಾತ್ರ ಯಾವುದೆಂದು ಈಗಾಗಲೇ ಎಲ್ಲರಿಗೂ ಗೊತ್ತಿರುವ ವಿಚಾರವೇ. ಆದರೆ, ನನ್ನ ಪಾಲಿಗೆ ಅದು ತುಂಬ ವಿಭಿನ್ನ ಪಾತ್ರ. ರಮಿಕಾ ಸೇನ್ ತುಂಬ ಪವರ್ಫುಲ್ ವ್ಯಕ್ತಿತ್ವದ ಮಹಿಳೆ. ಒಂದಷ್ಟು ಭಾಗದಲ್ಲಿ ನೆಗೆಟಿವ್ ಶೇಡ್ ರೀತಿಯಲ್ಲಿ ಕಾಣಿಸಿದರೂ, ಆ ಪಾತ್ರ ಸಾಗುವ ರೀತಿಯನ್ನು ನೀವ್ಯಾರು ಊಹಿಸಲು ಆಗುವುದಿಲ್ಲ.
* ಯಶ್ ಜತೆ ನಟಿಸಿದ್ದಕ್ಕೆ ನಿಮ್ಮ ಅಭಿಮಾನಿಗಳೂ ಸಖತ್ ಎಗ್ಸೈಟ್ ಆಗಿದ್ದಾರೆ. ನಿಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಯಾವೆಲ್ಲ ಸಂದೇಶಗಳು ಬರುತ್ತಿವೆ.
– ನನ್ನ ಅಭಿಮಾನಿಗಳು ಕೆಜಿಎಫ್ ಅನ್ನೋ ಪ್ಯಾನ್ ಇಂಡಿಯಾ ಸಿನಿಮಾದಲ್ಲಿ ನನ್ನನ್ನು ನೋಡಲು ಕಾತರರಾಗಿದ್ದಾರೆ. ಅದರಲ್ಲೂ ಕೆಜಿಎಫ್ ಮೊದಲ ಭಾಗಕ್ಕೆ ದೊಡ್ಡ ಅಭಿಮಾನಿ ಬಳಗವಿದೆ. ಅದೇ ರೀತಿ ಎರಡನೇ ಭಾಗಕ್ಕೆ ಅದರ ಸಂಖ್ಯೆ ದುಪ್ಪಟ್ಟಾಗಿದೆ. ನನ್ನ ಮೊದಲ ಲುಕ್ ಅಭಿಮಾನಿಗಳಿಗೆ ಇಷ್ಟವಾಗಿದೆ. ತೆರೆಮೇಲೆ ನನ್ನ ಪಾತ್ರವನ್ನೂ ಇಷ್ಟಪಡಲಿದ್ದಾರೆ.
* ಈ ಸಿನಿಮಾದಲ್ಲಿ ನಿಮ್ಮಿಂದ ಆ್ಯಕ್ಷನ್ ಸನ್ನಿವೇಶಗಳನ್ನು ನಿರೀಕ್ಷೆ ಮಾಡಬಹುದೇ?
– ಹ್ಹ ಹ್ಹ.. ಆ ಕೌತುಕವನ್ನು ನೀವು ತೆರೆಮೇಲೆಯೇ ನೋಡಬೇಕು…
* ಈ ಸಿನಿಮಾ ಬಗ್ಗೆ ನಿಮ್ಮ ಅಭಿಪ್ರಾಯ
– ಚಿತ್ರದ ಸ್ಟೋರಿ ಲೈನ್ ಕೇಳಿಯೇ ನಾನು ಸಾಕಷ್ಟು ಆಕರ್ಷಿತಳಾದೆ. ಮೊದಲ ಭಾಗದ ಸಿನಿಮಾ ವೀಕ್ಷಣೆಗೂ ಮುನ್ನ ನಿರ್ದೇಶಕ ಪ್ರಶಾಂತ್ ನೀಲ್ ನನಗೆ ಈ ಪಾತ್ರದ ಕಥೆ ಹೇಳಿದ್ದರು. ಯಾವಾಗ ನಾನು ಸಿನಿಮಾ ನೋಡಿದೆ. ನನ್ನನ್ನು ನಾನೇ ಕಳೆದುಹೋದೆ. ಇದೊಂದು ಹೊಸ ಪೀಳಿಗೆಯ ಸಿನಿಮಾ. ಅದೇ ರೀತಿಯಲ್ಲಿ ಎರಡನೇ ಭಾಗವೂ ಸಿದ್ಧವಾಗಲಿದೆ ಎಂಬುದನ್ನು ತಿಳಿದು ಈ ಸಿನಿಮಾ ಆಯ್ದುಕೊಂಡೆ. ನನ್ನ ಪಾತ್ರವೂ ಅಷ್ಟೇ ಇಂಟ್ರೆಸ್ಟಿಂಗ್ ಆಗಿದ್ದರಿಂದ ಬೇಡ ಎನ್ನಲು ಮನಸಾಗಲಿಲ್ಲ.
* ಹೊಂಬಾಳೆ ಸಂಸ್ಥೆ ಮತ್ತು ಪ್ರಶಾಂತ್ ನೀಲ್ ಜತೆಗಿನ ಶೂಟಿಂಗ್ ಅನುಭವ ಹೇಗಿತ್ತು
– ಪ್ರಶಾಂತ್ ಸಿನಿಮಾ ಕೆಲಸ ತುಂಬ ಪವರ್ಫುಲ್. ಆ ಕಾರಣಕ್ಕೆ ಅವರ ಕೆಲಸ ನನಗಿಷ್ಟ. ಅವರ ಐಡಿಯಾಗಳು ನಿಜಕ್ಕೂ ಇಂಕ್ರೆಡಿಬಲ್. ಮತ್ತೆ ಅಷ್ಟೇ ಕೂಲ್ ಮನುಷ್ಯ.