ಚೆನ್ನೈ: ಬಾಹುಬಲಿ ಚಿತ್ರಕ್ಕೆ ಜೀವ ತುಂಬಿದ ಮತ್ತೊಬ್ಬ ನಟ ರಾಣಾ ಡಗ್ಗುಬಾಟಿ. ಭಲ್ಲಾಳದೇವನಾಗಿ ಅವರ ನಟನೆ ಅಮೋಘ. ಇಂಥ ನಟ ಚೆಲುವೆಯೊಬ್ಬಳ ಪ್ರೇಮಪಾಶಕ್ಕೆ ಸಿಲುಕಿದ್ದರು. ಇತ್ತೀಚೆಗೆ ಇವರು ಆಕೆಗೆ ಪ್ರೊಪೋಸ್ ಮಾಡಿದ್ದರು. ಅದಕ್ಕೆ ಆ ಚೆಲುವೆ ಯೆಸ್ ಎಂದಿದ್ದಾಳಂತೆ.
ರಾಣಾ ಅವರೇ ಈ ವಿಷಯವನ್ನು ಟ್ವೀಟ್ ಮಾಡಿದ್ದು, ತಾವಿಬ್ಬರು ಒಟ್ಟಾಗಿ ನಗುತ್ತಿರುವ ಚಿತ್ರದೊಂದಿಗೆ ಆಕೆ ಯೆಸ್ ಎಂದಳು ಎಂದು ಬರೆದಿದ್ದಾರೆ.
ಇದನ್ನೂ ಓದಿ: ಶಿವರಾಜ್ಕುಮಾರ್, ಉಪೇಂದ್ರ ಸಂಭ್ರಮಕ್ಕೆ ಇನ್ನೊಂದು ವಾರವಷ್ಟೇ ಬಾಕಿ!!
ರಾಣಾ ಅವರ ಮದುವೆಯಾಗಲು ಒಪ್ಪಿರುವ ಚೆಲುವೆ ಹೆಸರು ಮಿಹೇಕಾ ಬಜಾಜ್. ಇವರು ಡ್ಯೂ ಡ್ರಾಪ್ ಡಿಸೈನ್ ಸ್ಟುಡಿಯೋ ಎಂಬ ಈವೆಂಟ್ ಮ್ಯಾನೇಜ್ಮೆಂಟ್ ಕಂಪನಿಯನ್ನು ನಡೆಸುತ್ತಿದ್ದಾರೆ. ಇಷ್ಟು ಬಿಟ್ಟರೆ ಅವರ ಬಗ್ಗೆ ಹೆಚ್ಚಿನ ಮಾಹಿತಿ ಲಭಿಸಿಲ್ಲ. ಇವರಿಬ್ಬರ ಪಾಲಕರು ಶೀಘ್ರದಲ್ಲೇ ಮದುವೆ ಮಾತುಕತೆ ಮುಗಿಸಿ, ದಿನಾಂಕ ನಿಷ್ಕರ್ಷಿಸುತ್ತಾರೆ ಎಂದು ಹೇಳಲಾಗಿದೆ.
ತಮ್ಮ ಮನದನ್ನೆ ಮದುವೆಗೆ ಯೆಸ್ ಎಂದ ಸಂದೇಶವನ್ನು ರಾಣಾ ಟ್ವೀಟ್ ಮಾಡುತ್ತಿದ್ದಂತೆ ಅಭಿನಂದನೆಗಳ ಮಹಾಪೂರವೇ ಹರಿದು ಬರುತ್ತಿದೆ. ಶ್ರುತಿ ಹಸನ್, ಸಮಂತಾ ಅಕ್ಕಿನೇನಿ ಮತ್ತು ಹನ್ಸಿಕಾ ಎನ್ಟಿಆರ್ ಕಥಾನಾಯಕಡು ಚಿತ್ರದ ಹೀರೋವನ್ನು ಅಭಿನಂದಿಸಿದ ಮೊದಲಿಗರಾಗಿದ್ದಾರೆ.
And she said Yes 🙂 ❤️ pic.twitter.com/iu1GZxhTeN
— Rana Daggubati (@RanaDaggubati) May 12, 2020
4 ರಾಕೆಟ್ ಲಾಂಚರ್ ಪತ್ತೆ, ಕನಕಪುರಕ್ಕೆ ಬಂದ ಮಿಲಿಟರಿ ಪಡೆ