ನವದೆಹಲಿ: ಭಾರತೀಯ ಜನತಾ ಪಕ್ಷದ ಒಟ್ಟು ಆದಾಯದಲ್ಲಿ ಭಾರಿ ಕುಸಿತ ಕಂಡುಬಂದಿದೆ. ಬಿಜೆಪಿಗೆ ಬಂದಿರುವ ಎಲೆಕ್ಟೋರಲ್ ಬಾಂಡ್ಗಳ ಪ್ರಮಾಣದಲ್ಲಿ ತೀವ್ರ ಇಳಿಕೆ ಆಗಿರುವ ಪರಿಣಾಮ ಈ ಆದಾಯ ಕುಸಿತ ಉಂಟಾಗಿದೆ.
ಪಕ್ಷವು ಮೇ 21ರಂದು ಚುನಾವಣಾ ಆಯೋಗಕ್ಕೆ ಸಲ್ಲಿಸಿರುವ ವಾರ್ಷಿಕ ಲೆಕ್ಕಪರಿಶೋಧನಾ ವರದಿಯಲ್ಲಿನ ಅಂಶ ಈ ವ್ಯತ್ಯಾಸವನ್ನು ಬಹಿರಂಗಗೊಳಿಸಿದೆ. ಈ ವರದಿ ಪ್ರಕಾರ ಕಳೆದ ಆರ್ಥಿಕ ವರ್ಷದಲ್ಲಿ ಅಂದರೆ 2020-21ರಲ್ಲಿ ಎಲೆಕ್ಟೋರಲ್ ಬಾಂಡ್ನ ಕೊಡುಗೆ 2,555 ಕೋಟಿ ರೂ.ನಿಂದ 22.38 ಕೋಟಿ ರೂ.ಗೆ ಇಳಿದಿದೆ.
2020-21ರಲ್ಲಿ ಬಿಜೆಪಿಯ ಖರ್ಚು 620.39 ಕೋಟಿ ರೂ. ಆಗಿದ್ದು, ಎಲೆಕ್ಟೋರಲ್ ಬಾಂಡ್ ಮೂಲಕ ಬಂದ ಹಣ 752.33 ಕೋಟಿ ರೂ. ಮಾತ್ರ. ಆದರೆ 2019-20ರಲ್ಲಿ ಪಕ್ಷಕ್ಕೆ ಎಲೆಕ್ಟೋರಲ್ ಬಾಂಡ್ ಮೂಲಕ ಬಂದ ಮೊತ್ತ 3,623 ಕೋಟಿ ರೂ. ಆಗಿದ್ದರೆ 1,651 ಕೋಟಿ ರೂ. ಖರ್ಚಾಗಿತ್ತು. ಒಟ್ಟಿನಲ್ಲಿ ಪಕ್ಷದ ಆದಾಯದ ಪ್ರಮಾಣ ಶೇ. 80 ಕುಸಿತ ಕಂಡಿದೆ.
ಇನ್ನು 2021ರ ಮಾ. 31ರ ಅಂಕಿ-ಅಂಶದ ಪ್ರಕಾರ ಎಲೆಕ್ಟೋರಲ್ ಬಾಂಡ್ ಮೊತ್ತ 22.38 ಕೋಟಿ ರೂ. ಇದ್ದರೆ, 2020ರ ಮಾ. 31ರಂದು ಈ ಮೊತ್ತ 2,555 ಕೋಟಿ ರೂ. ಇತ್ತು. ಇನ್ನು ಲೋಕಸಭೆ ಚುನಾವಣೆ ಬಂದಾಗ ಎಲೆಕ್ಟೋರಲ್ ಬಾಂಡ್ ಕೊಡುಗೆ ಮತ್ತು ಖರ್ಚು ಹೆಚ್ಚಾಗುವುದು ಸಾಮಾನ್ಯ.
ನಾನು ಏನು ಹೇಳುತ್ತೇನೋ ಅದನ್ನು ಮಾತ್ರ ಮಾಡುತ್ತೇನೆ… ಶುರುವಾಯ್ತು ಉಪ್ಪಿ ‘UI’