ಬೆಂಗಳೂರು: ರಾಜಧಾನಿಯ ಬಯೋಕಾನ್ ಸಂಸ್ಥೆ ಕೋವಿಡ್ ರೋಗಿಳಿಗಾಗಿ ಹೊಸ ಲಸಿಕೆಯೊಂದನ್ನು ಕಂಡು ಹಿಡಿದಿದೆ. ಇದಕ್ಕೆ ಭಾರತೀಯ ಔಷಧ ಮಹಾನಿಯಂತ್ರಕರಿಂದ ಅನುಮತಿಯನ್ನು ಪಡೆದುಕೊಂಡಿದೆ.
ಇಟೋಲಿಜ್ಯುಮ್ಯಾಬ್ (ಅಲ್ಜುಮ್ಯಾಬ್) ಎಂದು ಕರೆಯಲಾಗುವ ಈ ಲಸಿಕೆಯನ್ನು ಬಯೋಕಾನ್ನ ಬೆಂಗಳೂರು ಘಟಕದಲ್ಲಿಯೇ ಉತ್ಪಾದಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ.
ಇದನ್ನೂ ಓದಿ; ಕೋವಿಡ್ ಕೇರ್ ಸೆಂಟರ್ನಲ್ಲಿ ಹಾಸಿಗೆ ಹಂಚಿಕೆಗೆ ಕೇಂದ್ರಿಕೃತ ವ್ಯವಸ್ಥೆ; ಸಚಿವ ಸುಧಾಕರ್ ಭರವಸೆ
ಕರೊನಾಗೆ ಲಸಿಕೆ ಕಂಡು ಹಿಡಿಯುವ ತನಕ ಇತರೆ ಜೀವರಕ್ಷಕ ಔಷಧಗಳ ಅಗತ್ಯವಿದೆ. ಅದರಂತೆ ಇಟೋಲಿಜ್ಯುಮ್ಯಾಬ್ ಸೋಂಕಿನ ಲಕ್ಷಣ ಹೆಚ್ಚಾಗಿರುವ ಹಾಗೂ ಗಂಭೀರ ಪ್ರಕರಣಗಳಲ್ಲಿ ಅಂದರೆ ಶ್ವಾಸಕೋಶದ ಸೋಂಕು ಹೆಚ್ಚಾಗಿರುವವರಿಗೆ ಬಳಸಬಹುದಾಗಿದೆ ಎಂದು ಕಂಪನಿ ಮುಖ್ಯಸ್ಥೆ ಕಿರಣ್ ಮಜುಮ್ದಾರ್ ಷಾ ಹೇಳಿದ್ದಾರೆ.
ಇದರ ಒಂದು ವಾಯಲ್ ಬೆಲೆ ಅಂದಾಜು 8 ಸಾವಿರ ರೂ.ಗಳಾಗಿದ್ದು, ಒಬ್ಬ ರೋಗಿಗೆ ಗರಿಷ್ಠ ನಾಲ್ಕು ವಾಯಲ್ಗಳು ಬೇಕಾಗಬಹುದು ಎಂದು ಅವರು ಮಾಹಿತಿ ನೀಡಿದ್ದಾರೆ.
ಇದನ್ನೂ ಓದಿ; ಆಕ್ಸ್ಫರ್ಡ್ ವಿವಿ ತಜ್ಞರ ಕರೊನಾ ಲಸಿಕೆ ಅಭಿವೃದ್ಧಿಗೆ ಜೀವವನ್ನೇ ಪಣಕ್ಕಿಟ್ಟ ಭಾರತೀಯ…!
ಕರೊನಾ ಲಸಿಕೆ ಸಜ್ಜಾದರೂ ಸೋಂಕು ನಿಯಂತ್ರಣಕ್ಕೆ ಬಾರದೇ ಇರಬಹುದು. ಲಸಿಕೆ ಸಂಪೂರ್ಣ ಯಶಸ್ವಿಯಾಗದೇ ಇರಬಹುದು. ಹೀಗಾಗಿ ಎಲ್ಲ ಸಂಭಾವ್ಯತೆಗಳಿಗಳನ್ನು ಎದುರಿಸಲು ನಾವು ಸಿದ್ಧರಾಗಿರಬೇಕಾಗಿದೆ ಎಂದು ಮಜುಮ್ದಾರ್ ಷಾ ಹೇಳಿದ್ದಾರೆ.