ಚಿಕ್ಕಮಗಳೂರು: ಮಳೆಗಾಲದಲ್ಲಿ ಮನೆಯಿಂದ ಹೊರಗೆ ಹೋದರೆ ಯಾವಾಗ ಹೇಗೆ ಅಪಾಯ ಎದುರಾಗುತ್ತದೋ ಎಂದು ಹೇಳುವುದು ಕಷ್ಟ. ಈ ಮಾತಿಗೆ ಪೂರಕ ಎಂಬಂತೆ ಇಲ್ಲೊಂದು ಕಡೆ ಚಲಿಸುತ್ತಿದ್ದ ಕಾರಿನ ಮೇಲೇ ಸರಿಯಾಗಿ ಮರದ ಬೃಹತ್ ಕೊಂಬೆ ಮುರಿದು ಬಿದ್ದಿದೆ.
ಚಿಕ್ಕಮಗಳೂರು ಜಿಲ್ಲೆಯ ಮೂಡಿಗೆರೆ ತಾಲೂಕಿನ ಹಳೇ ಮೂಡಿಗೆರೆಯ ರಸ್ತೆಯಲ್ಲಿ ಈ ಅವಘಡ ಸಂಭವಿಸಿದೆ. ಒಮ್ಮೆ ಬೆಚ್ಚಿಬೀಳಿಸುವಂತೆ ಮಾಡುವ ಈ ದೃಶ್ಯ ರಸ್ತೆ ಬದಿಯ ಮನೆಯೊಂದರಲ್ಲಿನ ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.
ಇದನ್ನೂ ಓದಿ: ಪಿಎಸ್ಐ ನೇಮಕಾತಿ ಹಗರಣ; ಎಡಿಜಿಪಿ ಅಮೃತ್ ಪೌಲ್ ಫಾರ್ಮ್ಹೌಸ್ನಲ್ಲಿ ಪರಿಶೀಲನೆ..
ಕಾರು ಬರುತ್ತಿದ್ದಂತೆ ದೊಡ್ಡದೊಂದು ಕೊಂಬೆ ಸರಿಯಾಗಿ ಅದರ ಬಾನೆಟ್ ಮೇಲೆಯೇ ಬಿದ್ದಿದೆ. ಅದಾಗ್ಯೂ ಚಾಲಕ ತಕ್ಷಣ ಕಾರನ್ನು ನಿಯಂತ್ರಣಕ್ಕೆ ತಂದು ನಿಲ್ಲಿಸಿದ್ದರಿಂದ ಹೆಚ್ಚಿನ ಅಪಾಯ ತಪ್ಪಿದೆ. ಎಲ್ಲಕ್ಕಿಂತ ಹೆಚ್ಚು ಕಾರಿನಲ್ಲಿದ್ದವರೆಲ್ಲರೂ ಒಮ್ಮೆ ಆಘಾತಕ್ಕೆ ಒಳಗಾದರೂ ಯಾವುದೇ ಪವಾಡಸದೃಶ ಎಂಬಂತೆ ಸುರಕ್ಷಿತವಾಗಿ ಪಾರಾಗಿದ್ದಕ್ಕೆ ನಿಟ್ಟುಸಿರು ಬಿಟ್ಟಿದ್ದಾರೆ. ಮೂಡಿಗೆರೆ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಈ ಘಟನೆ ಸಂಭವಿಸಿದೆ.
ಚಲಿಸುತ್ತಿದ್ದ ಕಾರಿನ ಮೇಲೇ ಬಿದ್ದ ಬೃಹತ್ ಕೊಂಬೆ; ಇಲ್ಲಿದೆ ಬೆಚ್ಚಿ ಬೀಳಿಸುವಂಥ ದೃಶ್ಯ..
— Vijayavani (@VVani4U) July 6, 2022
ವಿವರಗಳಿಗೆ https://t.co/YaFZZchf1J ನೋಡಿ pic.twitter.com/mYSbgkuaqV
ಗಜಪ್ರಸವಕ್ಕಾಗಿ ರಸ್ತೆಯೇ ಬಂದ್; 2 ರಾಜ್ಯಗಳ ಮಾರ್ಗದ ಮಧ್ಯೆ 1 ಗಂಟೆ ಸಂಚಾರ ಸ್ಥಗಿತ..