ಬೆಂಗಳೂರು: ಸದಾ ಜನರಿಂದ ಗಿಜುಗುಡುತ್ತಿದ್ದ ಹಾಗೂ ಟ್ರಾಫಿಕ್ ಜಾಮ್ನಿಂದ ತುಂಬಿ ತುಳುಕುತ್ತಿದ್ದ ಸಿಲಿಕಾನ್ ಸಿಟಿ ಕರೊನಾ ವೈರಸ್ ಲಾಕ್ಡೌನ್ನಿಂದ ಕಳೆದ ಒಂದು ತಿಂಗಳಿಗೂ ಹೆಚ್ಚು ಕಾಲ ಸ್ತಬ್ಧವಾಗಿದೆ. ಈ ಸಮಯದಲ್ಲಿ ಬೆಂದೆಕಾಳೂರು ಹೇಗೆ ಕಾಣುತ್ತದೆ ಎಂಬ ಕುತೂಹಲ ಎಲ್ಲರಲ್ಲೂ ಇರುತ್ತದೆ. ಅದನ್ನು ನಗರ ಪೊಲೀಸ್ ಇಲಾಖೆ ತಣಿಸಿದೆ.
ಹೌದು, ಲಾಕ್ಡೌನ್ನಿಂದ ಜನರ ಒತ್ತಡವಿಲ್ಲದೇ ಶಾಂತವಾಗಿರುವ ನಗರದ ಪ್ರಸ್ತುತ ಸ್ಥಿತಿಯನ್ನು ನಗರ ಪೊಲೀಸರು ಡ್ರೋನ್ ಕ್ಯಾಮರಾದಲ್ಲಿ ಸೆರೆಹಿಡಿದಿದ್ದು, ಇಂತಹ ವಿಡಿಯೋ ಕಾಣಸಿಗುವುದು ಅಪರೂಪದಲ್ಲಿ ಅತಿ ಅಪರೂಪವಾಗಿದೆ.
ಇದನ್ನೂ ಓದಿ: ಇನ್ನೆಷ್ಟು ದಿನಗಳಲ್ಲಿ ಸಹಜ ಸ್ಥಿತಿಗೆ ಬರುತ್ತೆ ಕರ್ನಾಟಕ? ಕಾರ್ಮಿಕರಿಗೆ ಯಾವತ್ತಿನಿಂದ ಸಿಗುತ್ತೆ ಕೆಲಸ?
ವಿಡಿಯೋದಲ್ಲಿ ಏನಿದೆ?
ನಾಡಪ್ರಭು ಕೆಂಪೇಗೌಡರಿಂದ 1537ರಲ್ಲಿ ಸ್ಥಾಪಿತಗೊಂಡ ಬೆಂಗಳೂರು ಬರೋಬ್ಬರಿ 1.3 ಕೋಟಿ ಜನಸಂಖ್ಯೆಯನ್ನು ಹೊಂದಿರುವ ಮಹಾನಗರ. 24 ಗಂಟೆಯೂ ಸಕ್ರೀಯವಾಗಿರುವ ನಗರ ಮಾರ್ಚ್ 23ರಿಂದ ಕರೊನಾ ಲಾಕ್ಡೌನ್ನಿಂದ ಸ್ತಬ್ಧವಾಗಿದೆ ಎಂಬ ಮಾಹಿತಿಯೊಂದಿಗೆ ಆರಂಭವಾಗುವ 4.9 ನಿಮಿಷದ ವಿಡಿಯೋದಲ್ಲಿ ಬೆಂಗಳೂರಿನ ಟ್ರಾಫಿಕ್ ಜಾಮ್ ಹಾಗೂ ಜನಸಂದಣಿಯ ಮೊದಲಿನ ಸ್ಥಿತಿಯನ್ನು ತೋರಿಸಿ, ಲಾಕ್ಡೌನ್ ಸಮಯದಲ್ಲಿ ವಿಧಾನಸೌಧ, ಮಾರುಕಟ್ಟೆ, ಬೆಂಗಳೂರು ಅರಮನೆ, ಮೆಜೆಸ್ಟಿಕ್, ರೈಲ್ವೆ ನಿಲ್ದಾಣ, ಜಾಮೀಯ ಮಸೀದಿ, ಎಲೆಕ್ಟ್ರಾನಿಕ್ ಸಿಟಿಯ ಎಕ್ಸ್ಪ್ರೆಸ್ ವೇ, ಸಿಲ್ಕ್ ಬೋರ್ಡ್ ಜಂಕ್ಸನ್, ಬ್ರಿಗೇಡ್ ರಸ್ತೆ, ಹೆಬ್ಬಾಳ್ ಫ್ಲೈ ಓವರ್, ಕೆಂಪೇಗೌಡ ಬಸ್ ಟರ್ಮಿನಲ್, ವಿಕಾಸಸೌಧ, ವಿಧಾನಸೌಧ, ಲಾಲ್ಬಾಗ್, ರಾಜ್ಯ ಕೇಂದ್ರ ಲೈಬ್ರರಿ, ಚಿನ್ನಸ್ವಾಮಿ ಸ್ಟೇಡಿಯಂ, ಅಶೋಕ ಪಿಲ್ಲರ್, ಇಸ್ಕಾನ್ ದೇವಸ್ಥಾನ, ವಿಕ್ಟೋರಿಯಾ ಆಸ್ಪತ್ರೆ, ಯುಟಿಲಿಟಿ ಬಿಲ್ಡಿಂಗ್, ಎಂ.ಜಿ.ರಸ್ತೆ, ಪೊಲೀಸ್ ಆಯುಕ್ತರ ಕಚೇರಿ, ಶ್ರೀ ಸರ್ಕಲ್ ಮಾರಮ್ಮ ದೇವಸ್ಥಾನ, ರೇಸ್ ಕೊರ್ಸ್, ನೈಸ್ ರಸ್ತೆ, ಟಿನ್ ಫ್ಯಾಕ್ಟರಿ ಜಂಕ್ಸನ್ ಹಾಗೂ ಹಲಸೂರು ಕೆರೆ ಸೇರಿದಂತೆ ನಗದ ಪ್ರಮುಖ ಸ್ಥಳಗಳ ಹೇಗೆ ಸ್ತಬ್ಧವಾಗಿವೆ ಎಂಬುದನ್ನು ಡ್ರೋನ್ ಕ್ಯಾಮರಾದಲ್ಲಿ ಮನಮೋಹಕವಾಗಿ ಕಟ್ಟಿಕೊಡಲಾಗಿದೆ.
ಇದನ್ನೂ ಓದಿ: ಮೇ 3ರ ನಂತರವಾದರೂ ಮದ್ಯದಂಗಡಿ ಓಪನ್ ಆಗುತ್ತಾ? ಸಿಎಂ ಏನು ಹೇಳ್ತಾರೆ?
ನಗರ ಪೊಲೀಸರು ವಿಡಿಯೋವನ್ನು ಹರಿಬಿಟ್ಟಿದ್ದು ಯೂಟ್ಯೂಬ್ನಲ್ಲಿ ಹರಿಬಿಟ್ಟಿದ್ದು ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ನಗರವು ಮುಕ್ತವಾಗಿ ಉಸಿರಾಡುತ್ತಿದೆ. ನೀವು ಮನೆಯಲ್ಲೇ ಉಳಿದು ಮಹಾಮಾರಿ ಕರೊನಾ ವಿರುದ್ಧ ಹೋರಾಡಿ ಎಂದು ಸಂದೇಶವನ್ನು ಸಾರಿದ್ದಾರೆ.
ಜನರಿಲ್ಲದ ಬೆಂಗಳೂರನ್ನು ಎಂದಾದರೂ ನೋಡಿದ್ದೀರಾ? ಡ್ರೋನ್ ಕಣ್ಣಲ್ಲಿ ಸೆರೆಯಾಗಿದೆ ನೋಡಿ…
ಬೆಂಗಳೂರು: ಸದಾ ಜನರಿಂದ ಗಿಜುಗುಡುತ್ತಿದ್ದ ಹಾಗೂ ಟ್ರಾಫಿಕ್ ಜಾಮ್ನಿಂದ ತುಂಬಿ ತುಳುಕುತ್ತಿದ್ದ ಸಿಲಿಕಾನ್ ಸಿಟಿ ಕರೊನಾ ವೈರಸ್ ಲಾಕ್ಡೌನ್ನಿಂದ ಕಳೆದ ಒಂದು ತಿಂಗಳಿಗೂ ಹೆಚ್ಚು ಕಾಲ ಸ್ತಬ್ಧವಾಗಿದೆ. ಈ ಸಮಯದಲ್ಲಿ ಬೆಂದೆಕಾಳೂರು ಹೇಗೆ ಕಾಣುತ್ತದೆ ಎಂಬ ಕುತೂಹಲ ಎಲ್ಲರಲ್ಲೂ ಇರುತ್ತದೆ. ಅದನ್ನು ನಗರ ಪೊಲೀಸ್ ಇಲಾಖೆ ತಣಿಸಿದೆ.#Bengaluru #Coronavirus #Lockdown #BengaluruCityPolice
Vijayavani ಅವರಿಂದ ಈ ದಿನದಂದು ಪೋಸ್ಟ್ ಮಾಡಲಾಗಿದೆ ಗುರುವಾರ, ಏಪ್ರಿಲ್ 30, 2020
VIDEO| ಇಡೀ ಜಿಂಕೆಯ ದೇಹವನ್ನೇ ಗುಳುಂ ಸ್ವಾಹ ಮಾಡಿದ ದೈತ್ಯ ಹೆಬ್ಬಾವು: ರೋಚಕ ವಿಡಿಯೋ ವೈರಲ್!