ಏಷ್ಯನ್​ ಗೇಮ್ಸ್​ 2023; ಪುರುಷ-ಮಹಿಳಾ ಕ್ರಿಕೆಟ್​ ತಂಡವನ್ನು ಕಳುಹಿಸಲು ಅನುಮತಿಸಿದ ಬಿಸಿಸಿಐ

ಮುಂಬೈ: ಸೆಪ್ಟೆಂಬರ್​-ಅಕ್ಟೋಬರ್ ತಿಂಗಳಲ್ಲಿ ಚೀನಾದಲ್ಲಿ ಹ್ಯಾಂಗ್‌ಝೌನಲ್ಲಿ ನಡೆಯಲಿರುವ ಏಷ್ಯನ್​ ಗೇಮ್ಸ್​ 2023ರಲ್ಲಿ ಪುರುಷ ಹಾಗೂ ಮಹಿಳಾ ಕ್ರಿಕೆಟ್​ ತಂಡಗಳು ಭಾಗವಹಿಸಲು ಬಿಸಿಸಿಐ ಅಪೆಕ್ಸ್ ಕೌನ್ಸಿಲ್​​ ಸಭೆಯಲ್ಲಿ ಅನುಮತಿ ನೀಡಲಾಗಿದೆ.

ಸೆಪ್ಟೆಂಬರ್​ 19ರಿಂದ ಶುರುವಾಗುವ ಮಹಿಳೆಯರ ಕ್ರಿಕೆಟ್​ಗೆ ಪೂರ್ಣ ಶ್ರೇಣಿಯ ತಂಡವನ್ನು ಆಯ್ಕೆ ಮಾಡಲಾಗುತ್ತದೆ. ಸೆಪ್ಟೆಂಬರ್​ 27ರಂದು ಆರಂಭವಾಗಲಿರುವ ಪುರುಷರ ಕ್ರಿಕೆಟ್​ ಟೂರ್ನಮೆಂಟ್​ನಲ್ಲಿ ಎರಡನೇ ಶ್ರೇಣಿಯ ತಂಡ ಭಾಗವಹಿಸಲಿದೆ.

ಏಷ್ಯನ್​ ಗೇಮ್ಸ್ ಇತಿಹಾಸದಲ್ಲಿ ಮೂರು ಬಾರಿ ಕ್ರಿಕೆಟ್​ ಆಡಲಾಗಿದೆ. 2014ರಲ್ಲಿಕೊನೆಯದಾಗಿ ಇಂಚಿಯಾನ್‌ನಲ್ಲಿ ಕ್ರಿಕೆಟ್​ ಪಂದ್ಯಾವಳಿಗಳು ನಡೆದಿದ್ದವು. ಆ ವರ್ಷ ಭಾರತ ಕ್ರಿಕೆಟ್​ ತಂಡ ಭಾಗವಹಿಸಿರಲಿಲ್ಲ.

ಇದನ್ನೂ ಓದಿ: ಮೆಟ್ರೋ ಪ್ರಯಾಣಿಕರ ಗಮನಕ್ಕೆ; ಒಂದು ತಿಂಗಳ ಕಾಲ ರೈಲು ಸಂಚಾರ ಸ್ಥಗಿತ

ಅಕ್ಟೋಬರ್​ 5ರಂದು ಭಾರತದ ಆತಿಥ್ಯದಲ್ಲಿ ಏಕದಿನ ವಿಶ್ವಕಪ್​ ನಡೆಯಲಿದ್ದು, ಈ ನಿಟ್ಟಿನಲ್ಲಿ ಬಿಸಿಸಿಐ ಅಂತಾರಾಷ್ಟ್ರೀಯ ವೇಳಾಪಟ್ಟಿಯನ್ನು ಗಮನದಲ್ಲಿಟ್ಟುಕೊಂಡು ಆಟಗಾರರನ್ನು ಕಣಕ್ಕಿಳಿಸಬೇಕಿದೆ.

ಪರಿಣಾಮಕಾರಿ ಯೋಜನೆ, ಸಂವಹನ ಮತ್ತು ಸಮನ್ವಯದ ಮೂಲಕ ಬಿಸಿಸಿಐ ಈ ಸವಾಲುಗಳನ್ನು ಯಶಸ್ವಿಯಾಗಿ ನೀಗಿಸುವ ಗುರಿಯನ್ನು ಹೊಂದಿದೆ. ಭಾರತ ಸರ್ಕಾರದ ನಿರ್ದೇಶನಗಳಿಗೆ ಅನುಗುಣವಾಗಿ ಪುರುಷರು ಮತ್ತು ಮಹಿಳೆಯರ ತಮಡವನ್ನು ಏಷ್ಯನ್​ ಗೇಮ್ಸ್​ನಲ್ಲಿ ಕಣಕ್ಕಿಳಿಸಲು ಯೋಜಿಸಲಾಗಿದೆ ಎಂದು ಬಿಸಿಸಿಐನ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

https://www.vijayavani.net/cop-slaps-grieving-mother-for-refusing-to-hand-over-body-of-9-yr-old-son

https://www.vijayavani.net/tamim-iqbal-reverses-retirement-decision-after-meeting-bangladesh-pm