ಬೆಂಗಳೂರು : ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ) ಕಮಿಷನರ್ ಗೌರವ್ ಗುಪ್ತ ಅವರ ಅಧಿಕೃತ ಟ್ವಿಟರ್ ಖಾತೆಯು ಇಂದು ಬೆಳಿಗ್ಗೆ ಕೆಲವು ಗಂಟೆಗಳು ಹ್ಯಾಕ್ ಆಗಿತ್ತು ಎಂದು ತಿಳಿದುಬಂದಿದೆ. ಹ್ಯಾಕರ್ಗಳು ‘ಗೌರವ್ ಗುಪ್ತ’ ಎಂಬ ಹೆಸರಿನ ಬದಲಿಗೆ ‘ಟೆಸ್ಲಾ’ ಎಂದು ನಮೂದಿಸಿ ಕ್ರಿಪ್ಟೊಕರೆನ್ಸಿಯ ಬಗ್ಗೆ ಕೆಲವು ಟ್ವೀಟ್ಗಳನ್ನು ಮಾಡಿದರು ಎನ್ನಲಾಗಿದೆ.
ಕಮಿಷನರ್ ಅವರ ಖಾತೆ ಹ್ಯಾಕ್ ಆದ ಬಗ್ಗೆ ಬಿಬಿಎಂಪಿ ಮೂಲಗಳು ಇಂಡಿಯನ್ಎಕ್ಸ್ಪ್ರೆಸ್.ಕಾಮ್ಗೆ ತಿಳಿಸಿದ್ದು, ಖಾತೆಯ ನಿಯಂತ್ರಣವನ್ನು ಹಿಂಪಡೆಯುವ ಪ್ರಯತ್ನ ನಡೆದಿದೆ ಎನ್ನಲಾಗಿದೆ. ಈ ಅಧಿಕೃತ ಖಾತೆಯನ್ನು ನಿರ್ವಹಿಸುವ ಬಾಹ್ಯ ಏಜೆನ್ಸಿಯು ಸಮಸ್ಯೆಯನ್ನು ಸರಿಪಡಿಸುತ್ತಿದ್ದು, ಕಮಿಷನರ್ ಗೌರವ್ ಗುಪ್ತ ಅವರಿಗೂ ಮಾಹಿತಿ ನೀಡಲಾಗಿದೆ ಎನ್ನಲಾಗಿದೆ.
ಬಿಟ್ಕಾಯಿನ್ಗಳನ್ನು ಪಡೆಯುವ ಅವಕಾಶವಿರುವ ಈವೆಂಟ್ ಬಗ್ಗೆ ಸುದೀರ್ಘ ಪೋಸ್ಟ್ ಮಾಡಿದ್ದರು ಎನ್ನಲಾಗಿದ್ದು, ಇದೀಗ ಹ್ಯಾಕರ್ನ ಆ ಟ್ವೀಟ್ಗಳನ್ನು ತೆಗೆದುಹಾಕಲಾಗಿದೆ. ಆದರೆ ಬಿಬಿಎಂಪಿಯಿಂದ ಈ ಬಗ್ಗೆ ಯಾವುದೇ ಅಧಿಕೃತ ಸಂದೇಶ ಬಂದಿಲ್ಲ ಎನ್ನಲಾಗಿದೆ. (ಏಜೆನ್ಸೀಸ್)