ಬೆಂಗಳೂರು: ಬಿಗ್ ಬಾಸ್ ಮನೆಯಲ್ಲಿ ಮನಸ್ತಾಪ, ಅಸಮಾಧಾನ, ವಾಗ್ದಾಳಿಗಳು ದಿನದಿಂದ ದಿನಕ್ಕೆ ತೀವ್ರ ತಿರುವುಗಳನ್ನು ಪಡೆದುಕೊಳ್ಳುತ್ತಿದೆ.
ಇದನ್ನೂ ಓದಿ: ಮಳೆಯ ಅಬ್ಬರ: ಈ ರಾಜ್ಯದ 8 ಜಿಲ್ಲೆಗಳ ಶಾಲೆಗಳಿಗೆ ರಜೆ ಘೋಷಣೆ!
ಮೊನ್ನೆಯಷ್ಟೇ ಸವಾಲು ಸ್ವೀಕರಿಸುವ ಟಾಸ್ಕ್ನಲ್ಲಿ ಹಲ್ಲು ಕಚ್ಚಿಕೊಂಡು ಎದುರಾಳಿಗಳು ಕೊಟ್ಟ ಸವಾಲಿಗೆ ಅಸ್ತು ಎಂದು ಆಡಿದ ಸ್ಪರ್ಧಿಗಳು ತಮ್ಮ ತಮ್ಮ ಬೇಸರವನ್ನು ಆಟದ ಮೂಲಕ ಹೊರಹಾಕಿದರು. ಆದ್ರೆ, ಸಂಗೀತಾ ವಿನಯ್, ನಮ್ರತಾ ಅವರೊಂದಿಗೆ ಕುಳಿತು ಮಾತನಾಡುತ್ತಿರುವುದು ಇದೀಗ ಜಗಳಗಳಿಗೆ ಪ್ರಮುಖ ಕಾರಣವಾದಂತಿದೆ. ಇಷ್ಟು ದಿನ ತನಿಷಾ ಹಾಗೂ ಕಾರ್ತಿಕ್ ಜತೆಗಿದ್ದ ಸಂಗೀತಾ, ಒಂದಷ್ಟು ವಿಚಾರಗಳಿಗೆ ವಾಗ್ವಾದಕ್ಕಿಳಿದು ಇಬ್ಬರ ಸ್ನೇಹದಿಂದ ದೂರ ಉಳಿದಿದ್ದಾರೆ. ಇದೀಗ ಈ ವೈಮನಸ್ಸು ಟಾಸ್ಕ್ನಲ್ಲಿ ಕಾಣಿಸುತ್ತಿರುವುದು ಅಂಗೈ ಹುಣ್ಣಿಗೆ ಕನ್ನಡಿ ಏಕೆ ಎನ್ನುವಂತಿದೆ.
ನಿನ್ನೆಯ ಟಾಸ್ಕ್ನಲ್ಲಿ ವಿನಯ್ ಮತ್ತು ಕಾರ್ತಿಕ್ ನಡುವೆ ತೀವ್ರ ಮಾತಿನ ಚಕಮಕಿ ನಡೆದಿದ್ದು, ಹೊಡೆದಾಟ ಕೂಡ ಮಾಡಿಕೊಂಡರು ಎಂಬಂತೆ ಕಂಡಿದ್ದಂತು ಅಕ್ಷರಶಃ ಸತ್ಯ. ಕೋಪದ ಭರಾಟೆಯಲ್ಲಿ ಪದೇ ಪದೇ ಹೊರಬರುತ್ತಿರುವ ಕೆಟ್ಟ ಶಬ್ದಗಳ ಬಳಕೆ ಸದ್ಯ ಮನೆಯವರನ್ನು ಬೇಸರಕ್ಕೆ ದೂಡಿದ್ದು, ಈ ವಿಷಯ ನೋಡುಗರಿಗೂ ಒಂದು ರೀತಿ ಮುಜುಗರ ಉಂಟು ಮಾಡುತ್ತಿರಬಹುದು ಎಂದರೆ ತಪ್ಪಾಗಲಾರದು.
ಇದನ್ನೂ ಓದಿ: ಇತಿಹಾಸದಲ್ಲೇ ಪ್ರಪ್ರಥಮ ಬಾರಿಗೆ ಬೆಂಗಳೂರಿನಲ್ಲಿ ಕಂಬಳ; ಗೆದ್ದ ಕೋಣಗಳಿಗೆ ಕೊಡಲಾಗುವ ಬಹುಮಾನ ಎಷ್ಟು ಗೊತ್ತಾ?
ಇಂದು ಮತ್ತೊಂದು ಟಾಸ್ಕ್ನಲ್ಲಿ ಉಸ್ತುವಾರಿ ವಹಿಸಿದ್ದ ಪ್ರತಾಪ್ ಹಾಗೂ ಕ್ಯಾಪ್ಟನ್ ಮಧ್ಯೆ ಬಿರುಸಿನ ಮಾತು ನಡೆದಿದ್ದು, ಜೋಡಿಯಾಗಿ ಚೆಂಡನ್ನು ಕೋಲಿನಿಂದ ಹಿಡಿದು ತಮಗೆ ಮೀಸಲಿಟ್ಟಿರುವ ಬಾಕ್ಸ್ನೊಳಗೆ ಹಾಕಬೇಕು ಎಂಬುದು ಚುಟುವಟಿಕೆಯ ನಿಯಮ. ಈ ರೂಲ್ಸ್ನಲ್ಲಿ ಕಾರ್ತಿಕ್ ಎಡವಿದರು ಎಂದು ಪ್ರತಾಪ್ ಹೇಳಿದ್ದಕ್ಕೆ ‘ಹೋಗೋಲೋ ಆಯ್ತು’ ಎಂದು ಕಾರ್ತಿಕ್ ಹೇಳಿದರು.
ಕಾರ್ತಿಕ್ ಹೇಳಿಕೆಗೆ ತಕ್ಷಣವೇ ಪ್ರತಿಕ್ರಿಯಿಸಿದ ಪ್ರತಾಪ್, ‘ಹೋಗೋಲೋ ಅಂತೆಲ್ಲಾ ಹೇಳಬೇಡಿ’ ಎಂದು ಹೇಳಿದ್ದಾರೆ. ಜೋರು ಧ್ವನಿಯಲ್ಲಿ ಕೇಳಿಬಂದ ಕಾರ್ತಿಕ್ ಮಾತು ಯಾವ ಹಂತವನ್ನು ತಲುಪಿದೆ? ಭಾರೀ ಜಟಾಪಟಿಗೆ ಕಾರಣವಾಯಿತಾ? ಎಂಬುದನ್ನು ಇಂದಿನ ಸಂಚಿಕೆಯಲ್ಲಿ ತಿಳಿಯಬೇಕಿದೆ. ದಿನದ 24 ಗಂಟೆಗಳ ಲೈವ್ ಸ್ಟ್ರೀಮಿಂಗ್ ಜಿಯೋ ಸಿನಿಮಾದಲ್ಲಿ ಪ್ರಸಾರವಾಗುತ್ತಿದೆ.