ಬೆಂಗಳೂರು: ಕರೊನಾ ಲಾಕ್ಡೌನ್ನಲ್ಲಿ ನೌಕರಿ ಕಳೆದುಕೊಂಡುವರನ್ನೇ ಟಾರ್ಗೆಟ್ ಮಾಡಿ ಸೈಬರ್ ವಂಚಕರು, ವಂಚನೆಗೆ ಇಳಿದಿದ್ದಾರೆ. ವಿಡಿಯೋ, ಫೋಟೋ ಲೈಕ್, ಶೇರ್ ಮಾಡಿದರೆ ಹಣ ಕೊಡುವುದಾಗಿ ಆಮಿಷವೊಡ್ಡಿ ನೂರಾರು ಮಂದಿಗೆ ವಂಚನೆ ಮಾಡಿರುವುದು ಬೆಳಕಿಗೆ ಬಂದಿದೆ.
ಹೊಸಕೆರೆಹಳ್ಳಿಯ ಕೆ.ಪಿ.ವೀಣಾ (42) ವಂಚನೆಗೆ ಒಳಗಾದವರು. ವೀಣಾ ಎಂಬಾಕೆ ಸ್ನೇಹಿತೆ “ಟಿಟಿ ಆ್ಯಡ್ ಆ್ಯಪ್ನ್ನು ಮೊಬೈಲ್ಗೆ ಲಿಂಕ್ ಕಳುಹಿಸಿ ಇದನ್ನು ಡೌನ್ಲೋಡ್ ಮಾಡಿಕೊಂಡು 3 ಸಾವಿರ ರೂ. ಶುಲ್ಕ ಪಾವತಿಸಿ ನೋಂದಣಿ ಮಾಡಿಕೊಳ್ಳಬೇಕು. ಆನಂತರ ಅದರಲ್ಲಿ ಬರುವ ವಿಡಿಯೋವನ್ನು ಲೈಕ್ ಮಾಡಿ ಸ್ಕ್ರೀನ್ ಶಾಟ್ ತೆಗೆದು ವಾಪಸ್ ವಾಟ್ಸ್ಆ್ಯಪ್ನಲ್ಲಿ ಕಳುಹಿಸಿದರೆ 1 ಲೈಕ್ಗೆ 2 ರೂ. ನೀಡಲಾಗುತ್ತದೆ. ಹೆಚ್ಚು ಹೆಚ್ಚು ಮಾಡಿದರೆ ಕೈತುಂಬ ಹಣ ಸಂಪಾದನೆ ಮಾಡಬಹುದು” ಎಂದು ಹೇಳಿದ್ದರು. ಇದನ್ನು ನಂಬಿದ ವೀಣಾ, ಟಿಟಿ ಆ್ಯಡ್ ಆ್ಯಪ್ ಡೌನ್ಲೋಡ್ ಮಾಡಿಕೊಂಡು ವಾಲೆಟ್ನಲ್ಲಿ 3 ಸಾವಿರ ರೂ. ಪಾವತಿ ಮಾಡಿ ನೋಂದಣಿ ಮಾಡಿಕೊಂಡಿದ್ದರು.
ವಾಟ್ಸ್ಆ್ಯಪ್ ಗ್ರೂಪ್ಗೆ ವೀಣಾ ಸ್ಕ್ರೀನ್ಶಾಟ್ಗಳನ್ನು ಕಳುಹಿಸಿದ್ದರು. ಅದಾದ ನಂತರ ಹೆಚ್ಚು ಹೆಚ್ಚು ವಿಡಿಯೋ ಖರೀದಿಸಿದರೆ ಹೆಚ್ಚು ಹಣ ಬರಲಿದೆ ಎಂದು ಆಮಿಷವೊಡ್ಡಲಾಗಿದೆ. ಅದಕ್ಕಾಗಿ ವೀಣಾ, ಮತ್ತೆ 36,900 ರೂ. ಪಾವತಿ ಮಾಡಿದ್ದರು. ಇದಾದ ಮೇಲೆ ವೀಣಾ ನಂಬರ್ನ್ನು ಕದೀಮರು ಬ್ಲಾಕ್ ಮಾಡಿ ಸಂಪರ್ಕ ಕಡಿತ ಮಾಡಿದ್ದರು. ನೊಂದ, ವೀಣಾ ತನ್ನ ಸ್ನೇಹಿತೆಗೆ ಪ್ರಶ್ನಿಸಿದಾಗ ಅವರಿಗೂ ವಂಚನೆ ಮಾಡಿರುವುದು ಗೊತ್ತಾಗಿ ಕೊನೆಗೆ ಠಾಣೆಗೆ ಬಂದು ದೂರು ನೀಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ದಣ ವಿಭಾಗ ಸಿಇಎನ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಬಾಸ್ ಮರ್ಮಾಂಗವನ್ನೇ ಕತ್ತರಿಸಿ ಪೊಲೀಸರಿಗೆ ಕರೆ ಮಾಡಿದ ಮಹಿಳೆ! ಕಾರಣ ಕೇಳಿ ಬೆಚ್ಚಿಬಿದ್ದ ಪೊಲೀಸ್