ಮೆಲ್ಬೋರ್ನ್: ವರ್ಷದ ಮೊದಲ ಗ್ರಾಂಡ್ ಸ್ಲಾಂ ಟೆನಿಸ್ ಟೂರ್ನಿ ಆಸ್ಟ್ರೆಲಿಯನ್ ಓಪನ್ಗೆ ವೇದಿಕೆ ಸಜ್ಜಾಗಿದ್ದು, ಭಾನುವಾರದಿಂದ ಮೆಲ್ಬೋರ್ನ್ ಪಾರ್ಕ್ನಲ್ಲಿ ರ್ಯಾಕೆಟ್ ಸಮರ ನಡೆಯಲಿದೆ. ಹಾಲಿ ಚಾಂಪಿಯನ್ ವಿಶ್ವ ನಂ.1 ಆಟಗಾರ ಸೆರ್ಬಿಯಾದ ನೊವಾಕ್ ಜೋಕೊವಿಕ್ ಪ್ರಶಸ್ತಿ ಉಳಿಸಿಕೊಳ್ಳುವುದರ ಜತೆಗೆ ಗ್ರಾಂಡ್ ಸ್ಲಾಂ ಪ್ರಶಸ್ತಿ ಗೆಲುವಿನ ಓಟವನ್ನು 25ಕ್ಕೆ ವಿಸ್ತರಿಸುವ ಹಂಬಲದಲ್ಲಿದ್ದಾರೆ.
ಮೆಲ್ಬೋರ್ನ್ನಲ್ಲಿ ದಾಖಲೆಯ 10 ಬಾರಿ ಪ್ರಶಸ್ತಿ ಜಯಿಸಿರುವ ಜೋಕೋ ೇವರಿಟ್ ಎನಿಸಿದ್ದಾರೆ. ಆದರೆ 24 ಗ್ರಾಂಡ್ ಸ್ಲಾಂ ಒಡೆಯನಿಗೆ ಸವಾಲೊಡ್ಡಬಲ್ಲ ಸ್ಪೇನ್ನ ಕಾಲೋರ್ಸ್ ಅಲ್ಕರಾಜ್ ಟೂರ್ನಿಯಲ್ಲಿ 2ನೇ ಶ್ರೇಯಾಂಕ ಪಡೆದಿದ್ದು, ಇವರಿಬ್ಬರು ೈನಲ್ನಲ್ಲಿ ಮುಖಾಮುಖಿಯಾಗುವಂಥ ಡ್ರಾವನ್ನೂ ಪಡೆದುಕೊಂಡಿದ್ದಾರೆ. ಮಹಿಳೆಯರ ವಿಭಾಗದಲ್ಲಿ ಬೆಲಾರಸ್ ಬೆಡಗಿ ಅರಿನಾ ಸಬಲೆಂಕಾ ಹಾಲಿ ಚಾಂಪಿಯನ್ ಎನಿಸಿದ್ದಾರೆ.
22 ಗ್ರಾಂಡ್ ಸ್ಲಾಂ ಪ್ರಶಸ್ತಿ ವಿಜೇತ ಸ್ಪೇನ್ ರೆಲ್ ನಡಾಲ್ ಗಾಯದ ಸಮಸ್ಯೆಯಿಂದ ಟೂರ್ನಿಯಿಂದ ಹಿಂದೆಸರಿದಿದ್ದಾರೆ, ಇದರಿಂದ ವರ್ಷದ ಬಳಿಕ ಅವರ ಪುನಾರಾಗಮನವೂ ಮುಂದೂಡಿಕೆಯಾಗಿದೆ. ಮೂರು ವರ್ಷಗಳ ಬಳಿಕ ಟೂರ್ನಿಯ ಸಿಂಗಲ್ಸ್ ವಿಭಾಗದಲ್ಲಿ ಭಾರತೀಯ ಆಟಗಾರ ಸುಮಿತ್ ನಗಾಲ್ ಆಡಲಿದ್ದಾರೆ. ಪುರುಷರ ಸಿಂಗಲ್ಸ್ನಲ್ಲಿ 36 ವರ್ಷದ ಜೋಕೋ ಮೊದಲ ಸುತ್ತಿನಲ್ಲಿ 18 ವರ್ಷದ, ಕ್ರೋವೇಷಿಯಾದ ಡಿನೊ ಪ್ರಿಜಿಮಿಕ್ ಸವಾಲು ಎದುರಿಸಲಿದ್ದಾರೆ. ಇನ್ನೊಂದು ಗ್ರಾಂಡ್ ಸ್ಲಾಂ ಪ್ರಶಸ್ತಿ ಗೆದ್ದರೆ ಪುರುಷರ ಹಾಗೂ ಮಹಿಳೆಯರ ಸಿಂಗಲ್ಸ್ನಲ್ಲಿ ಸಾರ್ವಕಾಲಿಕ ಅತಿಹೆಚ್ಚು ಪ್ರಶಸ್ತಿ ಜಯಿಸಿದ ವಿಶ್ವದ ಮೊದಲ ಆಟಗಾರ ಎನಿಸಲಿದ್ದಾರೆ. ಗ್ರೀಸ್ನ ಸಿಸಿಪಾಸ್, ನಾರ್ವೆಯ ಕ್ಯಾಸ್ಪರ್ ರುಡ್, ರಷ್ಯಾದ ಡೆನಿಲ್ ಮೆಡ್ವೆಡೇವ್, ಇಟಲಿಯ ಜನ್ನಿಕ್ ಸಿನ್ನರ್, ಅಮೆರಿಕದ ಟೇಲರ್ ಫ್ರಿಟ್ಜ್, ಬೆನ್ ಶೆಲ್ಟನ್ರಿಂದ ನಿಕಟ ಪೈಪೋಟಿ ಎದುರಾಗುವ ನಿರೀೆ ಇದೆ.