ಚೆನ್ನೈ: ಭಾರತ ತಂಡದ ಮಾಜಿ ನಾಯಕ ಎಂಎಸ್ ಧೋನಿಗೂ ಐಪಿಎಲ್ ಫ್ರಾಂಚೈಸಿ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್ಕೆ) ತಂಡಕ್ಕೂ ಅವಿನಾಭಾವ ಸಂಬಂಧ. ಐಪಿಎಲ್ ಆರಂಭಗೊಂಡ ದಿನದಿಂದಲೂ ಸಿಎಸ್ಕೆ ತಂಡ ಮುನ್ನಡೆಸಿರುವ ಏಕೈಕ ನಾಯಕ ಎನಿಸಿಕೊಂಡಿರುವ ಧೋನಿ, ಕ್ರಿಕೆಟ್ನಿಂದ ನಿವೃತ್ತಿ ಹೊಂದಿದ ಬಳಿಕವೂ ತಂಡದೊಂದಿಗೆ ಮುಂದುವರಿಯುವುದು ಖಚಿತವಾಗಿದೆ. ಮುಂದಿನ 10 ವರ್ಷಗಳ ಕಾಲ ತಂಡದೊಂದಿಗೆ ಇರಲಿರುವ ಧೋನಿ, ಅದು ಟೀಮ್ ಬಾಸ್ ಆಗಿರಲಿದ್ದಾರೆ ಎಂದು ತಂಡದ ಸಿಇಒ ಕಾಶಿ ವಿಶ್ವನಾಥನ್ ತಿಳಿಸಿದ್ದಾರೆ.
ಇದನ್ನೂ ಓದಿ: ಆಡದಿದ್ದರೂ ಅಗ್ರ 10ರೊಳಗೆ ಕಾಣಿಸಿಕೊಂಡ ಜೋಶ್ನಾ ಚಿನ್ನಪ್ಪ
ಕಡಲನಗರಿ ಚೆನ್ನೈ ನಗರದ ಡ್ರೀಮ್ ಬಾಯ್, ಥಲಾ (ನಾಯಕ), ಆಗಿರುವ ಧೋನಿ, ಮುಂದಿನ ದಿನಗಳಲ್ಲೂ ಆ ನಗರದೊಂದಿಗೆ ಮುಂದುವರಿಯಲಿದ್ದಾರೆ. ಕ್ರಿಕೆಟ್ ಆಡದಿದ್ದರೂ ಸಿಎಸ್ಕೆಯೊಂದಿಗೆ ಧೋನಿ ಮುಂದುವರಿಯಲಿದ್ದಾರೆ ಎಂದು ಮಾಲೀಕ ಎನ್.ಶ್ರೀನಿವಾಸನ್ ಈ ಮೊದಲೇ ಹೇಳಿಕೊಂಡಿದ್ದರು. ಇದೀಗ ಸಿಇಒ ಕೂಡ ಶ್ರೀನಿ ಮಾತನ್ನೇ ಪುನರುಚ್ಚಿಸಿದ್ದಾರೆ. ಕ್ರಿಕೆಟ್ ಜೀವನದ ಸಂಧ್ಯಾಕಾಲದಲ್ಲಿರುವ ಧೋನಿ, ಇದುವರೆಗೂ 10 ಆವೃತ್ತಿಗಳಲ್ಲಿ ಸಿಎಸ್ಕೆ ತಂಡ ಮುನ್ನಡೆಸಿದ್ದು, ಇದರಲ್ಲಿ 3 ಬಾರಿ ಚಾಂಪಿಯನ್ ಆಗಿದೆ. ಎಲ್ಲ ಆವೃತ್ತಿಗಳಲ್ಲೂ ಕನಿಷ್ಠ ಅಗ್ರ 4ನೇ ಸ್ಥಾನ ಪಡೆದಿದೆ.
ಇದನ್ನೂ ಓದಿ: VIDEO: ಸೌರವ್ ಗಂಗೂಲಿಗೆ ಗಾಡ್ ಆಫ್ ಆಫ್-ಸೈಡ್ ಎಂದು ಬಿರುದು ನೀಡಿದ್ದು ಯಾರು ಗೊತ್ತೆ..?
ಮಂಗಳವಾರ ಧೋನಿ ಅವರ 39ನೇ ಹುಟ್ಟುಹಬ್ಬದ ಅಂಗವಾಗಿ ಸ್ಟಾರ್ ಸ್ಪೋರ್ಟ್ಸ್ ತಮಿಳು ಚಾನೆಲ್ನಲ್ಲಿ ಮಾತನಾಡಿದ ಸಿಎಸ್ಕೆ ಸಿಇಒ, ಭವಿಷ್ಯದಲ್ಲೂ ತಂಡ ಧೋನಿ ಜತೆಗಿರಲಿದೆ ಎಂದು ಹೇಳಿದರು. ಚೆನ್ನೈ ಫೇರಿಟ್ ಮಗ ಆಗಿರುವುದರರಿಂದ ಅವರನ್ನು ಥಲಾ ಎಂದು ಕರೆಯಲಾಗುತ್ತದೆ ಎಂದರು.
PHOTOS| ವಿಶ್ವದ ವೇಗದ ಓಟಗಾರ ಉಸೇನ್ ಬೋಲ್ಟ್ ಪುತ್ರಿಯ ಮೊದಲ ಚಿತ್ರ, ಹೆಸರು ಪ್ರಕಟ