ಬಿಗ್ ಬಾಸ್ ಮನೆಯಲ್ಲಿ ಶುರುವಾದ ದಿವ್ಯಾ ಉರುಡುಗ ಹಾಗೂ ಅರವಿಂದ್ ಕೆಪಿ ಪ್ರೇಮಕಥೆ ಒಟ್ಟಿಗೆ ಸಿನಿಮಾ ಮಾಡುವ ಹಂತಕ್ಕೆ ಬೆಳೆದಿದೆ. ಈ ಲವ್ ಬರ್ಡ್ಸ್ ಇತ್ತೀಚಿಗೆ ಭಾರೀ ಸುದ್ದಿಯಲ್ಲಿದ್ದಾರೆ. ಯಾಕೆ ಗೊತ್ತಾ? ಕಳೆದ ಕೆಲ ದಿನಗಳ ಹಿಂದೆ ದಿವ್ಯಾ ಉರುಡುಗ ಸೀರೆಯೊಂದನ್ನ ಉಟ್ಟು ಏನೋ ಅನೌನ್ಸ್ ಮಾಡುತ್ತೀವಿ ಅರವಿಂದ್ ಬಂದ ತಕ್ಷಣವೇ ಹೇಳುತ್ತೇವೆ ಎಂಬ ವಿಡಿಯೋವೊಂದ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಆದರೆ ವಿಡಿಯೋ ಕೊನೆಯಲ್ಲಿ ಅರವಿಂದ್ ಬರೋದೇ ಇಲ್ಲ.
ಇದೀಗ ನಟಿ ದಿವ್ಯಾ ಉರುಡುಗ ಅದರ ಮುಂದುವರಿದ ಭಾಗವಾಗಿಬ ಸಾಮಾಜಿಕ ಜಾಲತಾಣದಲ್ಲಿ ಹೊಸ ವಿಡಿಯೋವೊಂದನ್ನ ಶೇರ್ ಮಾಡಿದ್ದಾರೆ. ವಿಡಿಯೋದಲ್ಲಿ ಅರವಿಂಸದ್ ಕೆ.ಪಿ. ಕಾರ್ನಲ್ಲಿ ಕುಳಿತಿದ್ದು, ದಿವ್ಯಾ ಮೊನ್ನೆ ಯಾಕೆ ಬರಲಿಲ್ಲ ಎಲ್ಲರೂ ಏನು ಅನೌನ್ಸ್ಮೆಂಟ್ ಮತ್ತೆ ಯಾವಾಗ ಅನೌನ್ಸ್ಮೆಂಟ್ ಎಂದು ಅರವಿಂದ್ ಅವರನ್ನ ಪ್ರಶ್ನಿಸುತ್ತಾರೆ?
ಅದಕ್ಕೆ ಅರವಿಂದ್ ಇನ್ವಿಟೇಶನ್ ರೆಡಿಯಾಗಿದೆ ಅಂತೆ ಇನ್ವಿಟೇಶನ್ ಜತೆಯಲ್ಲೇ ಅನೌನ್ಸ್ಮೆಂಟ್ ಮಾಡೋಣ ಅಂತಾರೆ. ಅದಕ್ಕೆ ದಿವ್ಯಾ ಉರುಡುಗ ಪ್ರತಿಕ್ರಯಿಸಿದ್ದು, ನೀವೆಲ್ಲರೂ ಮದುವೆ ಯಾವಾಗ ಯಾವಾಗ ಅಂತ್ಹೇಳಿ ಕೇಳುತ್ತಿದ್ರಿ ಸೋ ನಾವು ಇನ್ವಿಟೇಶನ್ ಜತೆಯಲ್ಲೇ ಅನೌನ್ಸ್ ಮಾಡುತ್ತೀವಿ ಎಂದಿದ್ದಾರೆ.
ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಜನರು ಮದುವೆಯ ದಿನಾಂಕವನ್ನ ಇನ್ವಿಟೇಶನ್ ಜತೆಯಲ್ಲೇ ಅನೌನ್ಸ್ ಮಾಡಲಿದ್ದಾರೆಯೇ ಎಂದು ಪ್ರಶ್ನಿಸುತ್ತಿದ್ದಾರೆ.
ಒಟ್ಟಿನಲ್ಲಿ ಅರವಿಂದ್ ಹಾಗೂ ದಿವ್ಯಾ ಉರುಡುಗ ಅಭಿಮಾನಿಗಳು ಇವರಿಬ್ಬರ ಮದುವೆ ನೋಡಲು ಕಾತುರದಿಂದ ಕಾದು ಕುಳಿತಿದ್ದಾರೆ.
ನಟಿ ದಿವ್ಯಾ ಉರುಡುಗ ಹಾಗೂ ಅರವಿಂದ್ ವಿಶೇಷ ದಿನಗಳನ್ನು ಸಂಭ್ರಮದಿಂದ ಆಚರಿಸುತ್ತಾರೆ. ಇಬ್ಬರೂ ಕೂಡ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಆ್ಯಕ್ಟಿವ್ ಆಗಿದ್ದು, ಫೋಟೋಗಳನ್ನು ಹಂಚಿಕೊಳ್ತಾರೆ.
ಗ್ ಬಾಸ್ ಮನೆಯಲ್ಲಿ ಅರಳಿದ ದಿವ್ಯಾ-ಅರವಿಂದ್ ಪ್ರೀತಿ ಇದೀಗ ಎತ್ತರಕ್ಕೆ ಬೆಳೆದಿದೆ. ಆಗಾಗೆ ಪಾರ್ಟಿ, ಟ್ರಿಪ್ ಅಂತ ಇಬ್ಬರೂ ಒಟ್ಟಿಗೆ ಕಾಣಿಸಿಕೊಳ್ತಾರೆ. ಈ ಲವ್ ಬರ್ಡ್ ಸಿನಿಮಾದಲ್ಲೂ ಬ್ಯುಸಿ ಆಗಿದ್ದಾರೆ.