ಹಾಂಗ್ಕಾಂಗ್: ಟಾಯ್ಲೆಟ್ ಪೇಪರ್ನ್ನು ಅಂಗಡಿಗಳಿಗೆ ಡೆಲಿವರಿ ಮಾಡುವ ವ್ಯಕ್ತಿಗೆ ಚಾಕು ತೋರಿಸಿ ಟಾಯ್ಲೆಟ್ ಪೇಪರ್ನ್ನೇ ಕದ್ದಿರುವ ಘಟನೆ ಹಾಂಗ್ಕಾಂಗ್ನಲ್ಲಿ ನಡೆದಿದೆ.
ಚೀನಾದಲ್ಲಿ ಕೊರೊನಾ ವೈರಸ್ ತನ್ನ ಮೃತ್ಯು ರೂಪ ತೋರಿಸಿರುವುದುರಿಂದಾಗಿ ಅನೇಕ ಕಾರ್ಖಾನೆಗಳು ಮುಚ್ಚಿವೆ. ಟಾಯ್ಲೆಟ್ ಪೇಪರ್, ಸ್ಯಾನಿಟರಿ ಪ್ಯಾಡ್ ಸೇರಿದಂತೆ ಅನೇಕ ವಸ್ತುಗಳ ಕಾರ್ಖಾನೆಗಳು ಮುಚ್ಚಿದ್ದು ಲಭ್ಯವಿರುವ ಸಾಮಾಗ್ರಿಗಳ ಬೆಲೆಯೂ ಗಗನಕ್ಕೇರಿದೆ. ಹೀಗಿರುವಾಗ ಟಾಯ್ಲೆಟ್ ಪೇಪರನ್ನೇ ಕದಿಯುವ ಪ್ಲ್ಯಾನ್ನ್ನು ಕಳ್ಳರ ಗುಂಪೊಂದು ಮಾಡಿದೆ.
ಇಂದು ಬೆಳಗ್ಗೆ ಮೋಂಗ್ಕಾಕ್ನ ಸೂಪರ್ ಮಾರ್ಕೆಟ್ ಬಳಿ ಟಾಯ್ಲೆಟ್ ಪೇಪರ್ ಡೆಲಿವರಿ ಮಾಡುವ ವ್ಯಕ್ತಿ ಹೋಗುತ್ತಿರುವಾಗ ಮೂರು ಜನ ಕಳ್ಳರ ಗ್ಯಾಂಗ್ ಆತನನ್ನು ಅಡ್ಡಗಟ್ಟಿದೆ. ಚಾಕು ತೋರಿಸಿ ಆತನ ಬಳಿ ಇದ್ದ ಟಾಯ್ಲೆಟ್ ಪೇಪರ್ನ್ನು ಕದ್ದೊಯ್ದಿದೆ. ಸುಮಾರು 130 ಡಾಲರ್ ಬೆಲೆಯ ಟಾಯ್ಲೆಟ್ ಪೇಪರ್ನ್ನು ಕದ್ದಿರುವುದಾಗಿ ಹೇಳಲಾಗಿದೆ.
ಸದ್ಯ ಪೊಲೀಸರು ತನಿಖೆ ನಡೆಸುತ್ತಿದ್ದು ಕಳ್ಳರಿಗಾಗಿ ಹುಡುಕಾಟ ಆರಂಭಿಸಿದ್ದಾರೆ. (ಏಜೆನ್ಸೀಸ್)