ನವದೆಹಲಿ: ಭಾರತಕ್ಕೆ, ಅಮೆರಿಕಾ ನೀಡಲಿರುವ ವೆಂಟಿಲೇಟರ್ಗಳಿಗೆ 2.6 ಮಿಲಿಯನ್ ಡಾಲರ್ ಮೊತ್ತ ಪಾವತಿಸಬೇಕು ಎನ್ನುವ ಮಾಧ್ಯಮಗಳ ವರದಿ ಸುಳ್ಳು ಎಂದು ಯುನೈಟೆಡ್ ಸ್ಟೇಸ್ ಫಾರ್ ಇಂಟರ್ನ್ಯಾಷನಲ್ ಡೆವಲಪ್ಮೆಂಟ್ (ಯುಎಸ್ಎಐಡಿ) ತಿಳಿಸಿದೆ.
ಯುನೈಟೆಡ್ ಸ್ಟೇಸ್ ಫಾರ್ ಇಂಟರ್ನ್ಯಾಷನಲ್ ಡೆವಲಪ್ಮೆಂಟ್ (ಯುಎಸ್ಎಐಡಿ) ನಿರ್ದೇಶಕರು ಈ ಬಗ್ಗೆ ಸ್ಪಷ್ಟೀಕರಣ ನೀಡಿ ಅಮೆರಿಕಾ ಭಾರತಕ್ಕೆ ದೇಣಿಗೆಯಾಗಿ ವೆಂಟಿಲೇಟರ್ಗಳನ್ನು ನೀಡುತ್ತಿದೆ. ಮಾಧ್ಯಮಗಳಲ್ಲಿ ಹಣ ಪಾವತಿ ಮಾಡಲಾಗುತ್ತದೆ ಎಂಬ ವರದಿ ಸುಳ್ಳು ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ ಮೊಮ್ಮಗಳು ಬ್ಯಾಂಕಿಗೆ ಹಾಜರು; ಅಜ್ಜಿಯ ಹಣೆ ಮೇಲೆ ಬೆವರು!
ಕರೊನಾ ವೈರಸ್ ವಿರುದ್ಧ ಭಾರತ ನಡೆಸಿರುವ ಹೋರಾಟಕ್ಕೆ ಶ್ಲಾಘನೆ ವ್ಯಕ್ತಪಡಿಸಿದ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ರಾಷ್ಟ್ರಕ್ಕೆ ವೆಂಟಿಲೇಟರ್ಗಳನ್ನು ದೇಣಿಗೆ ನಿಡುವುದಾಗಿ ಘೋಷಿಸಿದ್ದರು. ಆದರೆ ರಾಷ್ಟ್ರದ ಮಾಧ್ಯಮಗಳಲ್ಲಿ ವೆಂಟಿಲೇಟರ್ಗಳನ್ನು ಅಮೆರಿಕಾ ದೇಣಿಯಾಗಿ ನೀಡುತ್ತಿಲ್ಲ ಬದಲಿಗೆ ಹಣ ಪಡೆಯಲಿದೆ. ಇದಕ್ಕಾಗಿ ರಾಷ್ಟ್ರ 2.6 ಮಿಲಿಯನ್ ಡಾಲರ್ ಹಣ ಪಾವತಿ ಮಾಡಬೇಕು ಎಂಬ ವರದಿ ಬಿತ್ತರ ಮಾಡಿದ್ದವು.
ಅಮೆರಿಕಾ ನೀಡುವ ಪ್ರತಿ ವೆಂಟಿಲೇಟರ್ಗೆ ಸಾಗಾಣಿಕೆ ವೆಚ್ಚ ಇಲ್ಲದೆ 9.6 ಲಕ್ಷ ರೂಪಾಯಿ ವೆಚ್ಚವಾಗುತ್ತದೆ. ಭಾರತಕ್ಕೆ ಅಮೆರಿಕಾ ಉಚಿತವಾಗಿ ವೆಂಟಿಲೇಟರ್ ನೀಡುವುದಾಗಿ ತಿಳಿಸಿ ಹಣ ಪಡೆಯುತ್ತಿದೆ ಎಂದು ಮಾಧ್ಯಮಗಳಲ್ಲಿ ವರದಿ ಬಿತ್ತರವಾಗಿತ್ತು. ಇದನ್ನು ಗಂಭೀರವಾಗಿ ಪರಿಗಣಿಸಿದ ಅಮೆರಿಕಾ ಸ್ಪಷ್ಟೀಕರಣ ನೀಡಿದೆ.
ಅಮೆರಿಕಾ ಭಾರತಕ್ಕೆ 200 ವೆಂಟಿಲೇಟರ್ಗಳನ್ನು ಉಚಿತವಾಗಿ ನೀಡಲಿದೆ. ಮೊದಲ ಹಂತವಾಗಿ 50 ವೆಂಟಿಲೇಟರ್ಗಳಿ ಶೀಘ್ರವೇ ಭಾರತ ತಲುಪಲಿದೆ ಎಂದು ಟ್ರಂಪ್ ಘೋಷಿಸಿದ್ದರು. (ಏಜೆನ್ಸೀಸ್)
VIDEO| ನಿನ್ನೆ ದೇವೇಗೌಡರ ಜತೆ ಡಿಕೆಶಿ ಭೋಜನ; ಇವತ್ತು ಎಚ್ಡಿಕೆ ಜತೆ ಡಿಕೆ ಸುರೇಶ್ ಕ್ಷೇತ್ರ ಪ್ರವಾಸ!