ನವದೆಹಲಿ: ಟೀಂ ಇಂಡಿಯಾ ಉಪನಾಯಕ ಕೆ.ಎಲ್ ರಾಹುಲ್ ಹಾಗೂ ಅತಿಯಾ ಶೆಟ್ಟಿ ಕಳೆದ ಕೆಲವು ಸಮಯದಿಂದ ಡೇಟಿಂಗ್ನಲ್ಲಿದ್ದಾರೆ. ರಾಹುಲ್-ಅತಿಯಾ ಜೋಡಿ ಒಟ್ಟಾಗಿ ಸಾಕಷ್ಟು ಕಡೆಗಳಲ್ಲಿ ಸುತ್ತಾಡಿದ್ದಾರೆ. ಈ ಫೋಟೋಗಳು ಸಾಕಷ್ಟು ವೈರಲ್ ಆಗಿತ್ತು. ಇದಾಗುತ್ತಿದ್ದಂತೆ ಇವರಿಬ್ಬರು ಸಧ್ಯದಲ್ಲೇ ಮದುವೆಯಾಗುತ್ತಾರೆ ಎಂಬ ಮಾತುಗಳು ಕೇಳಿ ಬಂದಿತ್ತು.
ಇದೀಗ ರಾಹುಲ್-ಅತಿಯಾ ಜೋಡಿ ಜನರಿ ಮೊದಲ ವಾರದಲ್ಲಿ ವಿವಾಹವಾಗಲ್ಲಿದ್ದಾರೆ ಎಂಬ ಸುದ್ದಿ ಕೇಳಿ ಬರುತ್ತಿದೆ. ಈಗಾಗಲೇ ಎರಡೂ ಕುಟುಂಬಗಳ ನಡುವೆ ಮಾತಕಥೆ ನಡೆದಿದ್ದು, ಹೊಸ ವರ್ಷದ ಆರಂಭದಲ್ಲಿ ಮದುವೆ ಕಾರ್ಯಕ್ರಮ ನಡೆಯಲಿದೆಯಂತೆ.
ಜನವರಿ ಮೊದಲ ವಾರದಲ್ಲಿ ವಿವಾಹ ಕಾರ್ಯಕ್ರಮ ನಡೆಯಲಿರುವುದರಿಂದ ರಾಹುಲ್ ಬಿಸಿಸಿಐನಿಂದಲೂ ರಜೆ ಕೇಳಿದ್ದಾರೆ. ಇದಕ್ಕೆ ಒಪ್ಪಿದ ಬಿಸಿಸಿ ರಾಹುಲ್ಗೆ ರಜೆ ನೀಡಿದೆ ಎಂದು ವರದಿಯಾಗಿದೆ. ಹೀಗಾಗಿ ಮದುವೆ ಸಿದ್ಧತೆಯ ಕಾರಣದಿಂದಲೇ ಇತ್ತೀಚೆಗೆ ಮುಕ್ತಾಯವಾದ ನ್ಯೂಜಿಲೆಂಡ್ ಸರಣಿಯಿಂದಲೂ ರಾಹುಲ್ ಹಿಂದೆ ಸರಿದಿದ್ದರು ಎನ್ನಲಾಗುತ್ತಿದೆ.
ರಾಹುಲ್-ಅತಿಯಾ ಜೋಡಿ ಡೇಟಿಂಗ್ನಲ್ಲಿದ್ದರು. ಇತ್ತೀಚೆಗೆ ಮುಕ್ತಾಯವಾದ ಟಿ-20 ವಿಶ್ವಕಪ್ ರಾಹುಲ್ ಜತೆಗೆ ಅತಿಯಾ ಕೂಡಾ ಆಸ್ಟ್ರೇಲಿಯಾಗೆ ಪ್ರಯಾಣಿಸಿದ್ದರು. ಬಾಂಗ್ಲಾದೇಶ ವಿರುದ್ಧದ ಪಂದ್ಯಂದು ಅತಿಯಾ ಮೈದಾನಕ್ಕೂ ಬಂದಿದ್ದರು. ಅಂತೆಯೇ ನ.05ರಂದು ಅತಿಯಾ ಹುಟ್ಟುಹಬ್ಬದಂದು ತಮ್ಮಿಬ್ಬರ ರೊಮ್ಯಾಟಿಂಕ್ ಫೋಟೋವೊಂದು ಪೋಸ್ಟ್ ಮಾಡಿ ರಾಹುಲ್ ಶುಭಾಶಯ ತಿಳಿಸಿದ್ದರು. (ಏಜೆನ್ಸೀಸ್)