ಮುಂಬೈ: ತಮಿಳಿನ ಖ್ಯಾತ ನಿರ್ದೇಶಕ ಶಂಕರ್ ಅವರ ಸೂಪರ್ ಹಿಟ್ ಚಿತ್ರಗಳ ಪೈಕಿ ಒಂದು ‘ಅನ್ನಿಯನ್’. ವಿಕ್ರಮ್ ಅಭಿನಯದ ಈ ಚಿತ್ರ ತಮಿಳಿನಲ್ಲಿ ಹಿಟ್ ಆಗುವುದರ ಜತೆಗೆ ತೆಲುಗು ಮತ್ತು ಹಿಂದಿಗೂ ‘ಅಪರಿಚಿತುಡು’ ಮತ್ತು ‘ಅಪರಿಚಿತ್’ ಎಂಬ ಹೆಸರಿನಲ್ಲಿ ಡಬ್ ಆಗಿತ್ತು.
ಇದನ್ನೂ ಓದಿ: ಸಾರಿಗೆ ನೌಕರರಿಂದ ನಟ ಯಶ್ಗೆ ಬಂತಂತೆ ಈ ಪತ್ರ: ನಿಜನಾ? ಸುಳ್ಳಾ…? ನೂರೆಂಟು ಪ್ರಶ್ನೆ…!
ಈಗ ಇದೇ ಚಿತ್ರವು, ಹಿಂದಿಯಲ್ಲಿ ಹೊಸದಾಗಿ ರೀಮೇಕ್ ಆಗುವುದಕ್ಕೆ ಸಜ್ಜಾಗಿದೆ. ಬಾಲಿವುಡ್ನ ಸದ್ಯದ ಸೆನ್ಸೇಷನ್ ಎಂದನಿಸಿಕೊಂಡಿರುವ ರಣವೀರ್ ಸಿಂಗ್ ಈ ಚಿತ್ರದಲ್ಲಿ ನಟಿಸುತ್ತಿದ್ದು, ಮೂಲ ಚಿತ್ರವನ್ನು ನಿರ್ದೇಶಿಸಿದ್ದ ಶಂಕರ್ ಅವರೇ ಈ ಚಿತ್ರವನ್ನೂ ನಿರ್ದೇಶನ ಮಾಡುತ್ತಿದ್ದಾರೆ. ಅವರಿಬ್ಬರನ್ನೂ ಈ ಚಿತ್ರದಲ್ಲಿ ಜತೆಗೂಡಿಸುತ್ತಿರುವುದು ಪೆನ್ ಮೂವೀಸ್ನ ಜಯಂತಿಲಾಲ್ ಗಢ.
ಇದು ಶಂಕರ್ ಅವರ ಎರಡನೆಯ ಹಿಂದಿ ಚಿತ್ರವಾಗಿದ್ದು, ಇದಕ್ಕೂ ಮುನ್ನ ತಮ್ಮ ‘ಮುದಲ್ವನ್’ ಚಿತ್ರವನ್ನು ಹಿಂದಿಯಲ್ಲಿ ‘ನಾಯಕ್’ ಹೆಸರಿನಲ್ಲಿ ರೀಮೇಕ್ ಮಾಡಿದ್ದರು. ಇದಲ್ಲದೆ ಅವರು ಹಲವು ಚಿತ್ರಗಳಿದ್ದು ಹಿಂದಿ ಸೇರಿದಂತೆ ಬೇರೆ ಭಾಷೆಗಳಿಗೆ ಡಬ್ ಆಗಿವೆ.
ಇದನ್ನೂ ಓದಿ: ಲವ್ ಮಾಕ್ಟೈಲ್ ಜೋಡಿಗೆ ಕರೊನಾ ಪಾಸಿಟಿವ್
‘ಅನ್ನಿಯನ್’ ಚಿತ್ರವು 16 ವರ್ಷಗಳ ಹಿಂದೆ ಬಿಡುಗಡೆಯಾಗಿತ್ತು. ಈಗ ಅದೇ ಕಥೆಯನ್ನು ಇಂದಿನ ಸ್ಥಿತಿಗತಿಗಳಿಗೆ ತಕ್ಕಂತೆ ಬದಲಾವಣೆ ಮಾಡಿ ಚಿತ್ರ ನಿದೇರ್ಶಿಸುವುದಕ್ಕೆ ಹೊರಟಿದ್ದಾರೆ ಶಂಕರ್. ಈ ಚಿತ್ರ ಮುಂದಿನ ವರ್ಷ ಪ್ರಾರಂಭವಾಗಲಿದ್ದು, ಅಷ್ಟರಲ್ಲಿ ಶಂಕರ್ ಮತ್ತು ರಣವೀರ್ ಇಬ್ಬರೂ ತಮ್ಮ ಬೇರೆ ಕೆಲಸಗಳನ್ನು ಮುಗಿಸಿಕೊಂಡು, ಈ ಚಿತ್ರದಲ್ಲಿ ತೊಡಗಿಸಿಕೊಳ್ಳಲಿದ್ದಾರೆ.