ಸಕ್ಕಟ್ಟು ವಿಷ್ಣುಮೂರ್ತಿ ದೇಗುಲದ ಸಮೀಪದ ಕೊಳ್ಕೆಬೈಲು ಗದ್ದೆಯಲ್ಲಿ ಆರೇಳು ತಿಂಗಳ ಹಿಂದೆ ಆಳುಪ ದೊರೆ ವೀರ ಪಾಂಡ್ಯನ ಶಿಲಾ ಶಾಸನ ಪತ್ತೆಯಾಗಿತ್ತು. ಶಾಸನದ ಹೆಚ್ಚಿನ ಸಾಲುಗಳು ಸವೆದಿದ್ದು, ಆರಂಭದ 12 ಸಾಲುಗಳು ಭಾಗಶಃ ಗೋಚರಿಸುತ್ತವೆ. ಮೇಲ್ಭಾಗದಲ್ಲಿ ಶಿವಲಿಂಗ, ಇಕ್ಕೆಲಗಳಲ್ಲಿ ಸೂರ್ಯ-ಚಂದ್ರ, ರಾಜಕತ್ತಿ, ನಂದಾದೀಪ ಮತ್ತು ನಂದಿಯ ಉಬ್ಬು ಕೆತ್ತನೆ ಇದೆ. 1266ನೇ ತಾರಣ ಸಂವತ್ಸರದ ಶ್ರಾವನ ಬಹುಳ 13, ಸಿಂಹ ಮಾಸ, ವಡ್ಡವಾರ (ಗುರುವಾರ) ಎಂಬ ಕಲಮಾನದ ಉಲ್ಲೇಖವಿದೆ. ಶಾಸನದಲ್ಲಿ ಆಳುಪ ದೊರೆ ವೀರಪಾಂಡ್ಯ ದೇವನನ್ನು ಶ್ರಿ ಪಾಂಡ್ಯ ಚಕ್ರವರ್ತಿ, ಯರಿರಾಯ ಬಸವಸಂಕರ, ರಾಯಗಜಾಂಕುಸ’ ಎಂಬ ಬಿರುದು ಇರುವುದನ್ನೂ ಉಲ್ಲೇಖಿಸಲಾಗಿದೆ.
