ಧಾರವಾಡ: ಇಂದು ಧಾರವಾಡದ ವಿಧಿ ವಿಜ್ಞಾನ ವಿವಿ ಕ್ಯಾಂಪಸ್‌ನ ಶಂಕು ಸ್ಥಾಪನೆಯನ್ನು ಗೃಹಮಂತ್ರಿ ಅಮಿತ್ ಷಾ ನಡೆಸಿದ್ದು ಶಂಕುಸ್ಥಾಪನೆಗೂ ಮುಂಚೆ ವಿಧಿಯುಕ್ತ ಪೂಜೆಯನ್ನು ನಡೆಸಲಾಯಿತು.
ಪೂಜಾ ವಿಧಿಯನ್ನು ವಿಧಿವಿಜ್ಞಾನ ವಿವಿ ಧಾರವಾಡ ಕ್ಯಾಂಪಸ್ ಉಸ್ತುವಾರಿ ಮಂಜುನಾಥ್ ನೆರವೇರಿಸಿದರು. ಈ ಹಿನ್ನೆಲೆಯಲ್ಲಿ ಅಮಿತ್ ಶಾ ಪೂಜೆಯಲ್ಲಿಯೂ ಭಾಗಿಯಾಗಿದ್ದು ಅಮಿತ್ ಷಾಗೆ ಸಿಎಂ ಬಸವರಾಜ ಬೊಮ್ಮಾಯಿ, ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ, ಗೃಹ ಸಚಿವ ಅರಗ ಜ್ಞಾನೇಂದ್ರ, ಹಾಲಪ್ಪ ಆಚಾರ ಸಾಥ್ ನೀಡಿದ್ದಾರೆ.
ಮೊದಲ ಇಟ್ಟಿಗೆ ಇಟ್ಟು ಶಿಲಾನ್ಯಾಸ ಮಾಡಿದ ಅಮಿತ್ ಷಾ, ಮಂಗಳಾರತಿ ಬೆಳಗಿದರು. ಪೂಜೆಯ ಬಳಿಕ ಅಮಿತ್ ಷಾ ಸಹಿ ಪ್ರಸಾದವನ್ನು ಸ್ವೀಕರಿಸಿದ್ದು ಪ್ರಹ್ಲಾದ್ ಕೋಶಿ ಜೊತೆಗೆ ಹಂಚಿಕೊಂಡು ತಿಂದಿದ್ದಾರೆ.
ಇದೇ ಸಂದರ್ಭ ಅಮಿತ್ ಷಾ ಶಂಕುಸ್ಥಾಪನೆಯ ಅಡಿಗಲ್ಲನ್ನೂ ಅನಾವರಣ ಮಾಡಿದ್ದಾರೆ. ಹೀಗೆ ಪೋರೆನ್ಸಿಕ್ ವಿವಿ ಕ್ಯಾಂಪಸ್ ಶಂಕುಸ್ಥಾಪನೆ ಪೂರ್ಣಗೊಂಡಿದ್ದು ಕೃಷಿ ವಿವಿ ರೈತ ಜ್ಞಾನಾಭಿವೃದ್ಧಿ ಕೇಂದ್ರದಲ್ಲಿ ವೇದಿಕೆಯತ್ತ ಅಮಿತ್ ಷಾ ತೆರಳಿದರು.