ದುಬೈ: ಐಪಿಎಲ್ ಹರಾಜಿನಲ್ಲಿ ಎಲ್ಲ ತಂಡಗಳು ಸಮರ್ಥ ಆಟಗಾರರನ್ನು ಖರೀದಿಸಿದ ಸಂತೃಪ್ತಿಯಲ್ಲಿದ್ದರೆ, ಪಂಜಾಬ್ ಕಿಂಗ್ಸ್ ತಂಡ ಗೊಂದಲಕ್ಕೀಡಾಗಿ ಬೇರೆ ಆಟಗಾರನನ್ನು ಖರೀದಿಸುವ ಮೂಲಕ ಯಾಮಾರಿದೆ ಎಂದು ವರದಿಯಾಗಿದೆ.
ದೇಶೀಯ ಆಟಗಾರರ ಮಾರಾಟದ ಕೊನೇ ಸುತ್ತಿನಲ್ಲಿ ಶಶಾಂಕ್ ಸಿಂಗ್ ಎಂಬ ಆಟಗಾರ ಹರಾಜಿಗೆ ಬಂದಾಗ ಪಂಜಾಬ್ ಕಿಂಗ್ಸ್ ತಂಡದ ಸಹ-ಮಾಲಕಿ ಪ್ರೀತಿ ಝಿಂಟಾ 20 ಲಕ್ಷ ರೂ. ಮೂಲಬೆಲೆಗೆ ಬಿಡ್ ಸಲ್ಲಿಸಿದರು. ಆದರೆ ಆ ಶಶಾಂಕ್ ಸಿಂಗ್ ತಾನು ಕಣ್ಣಿಟ್ಟಿದ್ದ ಆಟಗಾರ ಅಲ್ಲ ಎಂಬುದು ಪಂಜಾಬ್ ತಂಡಕ್ಕೆ ಬಿಡ್ ಪ್ರಕ್ರಿಯೆ ಮುಗಿದ ನಂತರ ಗೊತ್ತಾಯಿತು. ಹರಾಜುಗಾರ್ತಿ ಮಲ್ಲಿಕಾ ಸಾಗರ್ಗೆ ಪಂಜಾಬ್ ತಂಡ ಈ ಬಗ್ಗೆ ಮಾಹಿತಿ ನೀಡಿದರೂ, ಅವರು ಬಿಡ್ ವಾಪಸ್ ಪಡೆಯಲು ಅಥವಾ ಶಶಾಂಕ್ ಸಿಂಗ್ರನ್ನು ಮರು ಹರಾಜಿಗೆ ಒಳಪಡಿಸಲು ನಿರಾಕರಿಸಿದರು.
ಪಂಜಾಬ್ ತಂಡ ಬಿಡ್ ಸಲ್ಲಿಸಿದ್ದು ಛತ್ತೀಸ್ಗಢದ 32 ವರ್ಷದ ಆಲ್ರೌಂಡರ್ ಶಶಾಂಕ್ ಸಿಂಗ್ಗೆ ಆಗಿತ್ತು. ಆದರೆ ಅದು ಖರೀದಿಸಲು ಬಯಸಿದ್ದು ಬಂಗಾಳದ 20 ವರ್ಷದ ಬ್ಯಾಟರ್ ಶಶಾಂಕ್ ಸಿಂಗ್ ಆಗಿತ್ತು. ಅವರೂ 20 ಲಕ್ಷ ರೂ. ಮೂಲಬೆಲೆ ಹೊಂದಿದ್ದರು. ಆದರೆ ಹರಾಜಿನಲ್ಲಿ ಗೊಂದಲ ಮಾಡಿಕೊಂಡಿರುವ ವರದಿಯನ್ನು ತಳ್ಳಿಹಾಕಿರುವ ಪಂಜಾಬ್ ಕಿಂಗ್ಸ್ ಫ್ರಾಂಚೈಸಿ, ತನಗೆ ಬೇಕಾದ ಆಟಗಾರನನ್ನೇ ಖರೀದಿಸಿರುವುದಾಗಿ ಸ್ಪಷ್ಟನೆ ನೀಡಿದೆ.
ರಚಿನ್ ರವೀಂದ್ರ ಖರೀದಿಗೆ ಆಸಕ್ತಿ ತೋರಿಸದ ಆರ್ಸಿಬಿ; ಕಮ್ಮಿನ್ಸ್ಗಾಗಿ ಭಾರಿ ಪೈಪೋಟಿ!