ಮಂಡ್ಯ: ರೆಬೆಲ್ಸ್ಟಾರ್, ಮಂಡ್ಯದ ಗಂಡು ಅಂಬರೀಷ್ (ಮಳವಳ್ಳಿ ಹುಚ್ಚೇಗೌಡ ಅಮರನಾಥ್) ಅವರ ಜನ್ಮದಿನವಿಂದು. ತನ್ನಿಮಿತ್ತ ಇಂದು ಅಂಬರೀಷ್ ಅವರ ಹುಟ್ಟೂರಿನಲ್ಲಿ ಪತ್ನಿ ಸುಮಲತಾ ಅಂಬಿ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಸಲ್ಲಿಸಿ ಪೂಜೆ ಮಾಡಿ ಗೌರವ ಸಲ್ಲಿಸಿದರು.
ಅಂಬಿಯ ಹುಟ್ಟೂರಾದ ಮಂಡ್ಯ ಜಿಲ್ಲೆಯ ಮದ್ದೂರು ತಾಲೂಕಿನ ದೊಡ್ಡರಸಿನಕೆರೆಗೆ ಪುತ್ರ ಅಭಿಷೇಕ್ ಜತೆ ತೆರಳಿದ ಸುಮಲತಾ ಅಲ್ಲಿ ನೆರೆದ ಅಭಿಮಾನಿಗಳೊಂದಿಗೆ ಸೇರಿ ಅಂಬರೀಷ್ ಜನ್ಮದಿನವನ್ನು ಆಚರಣೆ ಮಾಡಿದರು.
ಕೇಕ್ ಕತ್ತರಿಸಿದ ಸುಮಲತಾ, ಅಭಿಷೇಕ್ ಬಳಿಕ ಅದನ್ನು ಅಲ್ಲಿ ನೆರೆದಿದ್ದ ಮಕ್ಕಳಿಗೆ ತಿನಿಸಿದರು. ನೆರೆದಿದ್ದ ಅಭಿಮಾನಿಗಳು ಅಂಬರೀಷ್ಗೆ ಜೈಕಾರ ಕೂಗಿ ಅಭಿಮಾನ ಮೆರೆದರು. ಸುಮಲತಾ, ಅಭಿಷೇಕ್ ಜತೆ ನಿರ್ಮಾಪಕ ರಾಕ್ಲೈನ್ ವೆಂಕಟೇಶ್, ನಟ ದೊಡ್ಡಣ್ಣ ಮುಂತಾದವರು ಉಪಸ್ಥಿತರಿದ್ದರು.