ನವದೆಹಲಿ: ಕಳೆದ ಬಾರಿ ಅಮೆಜಾನ್ ಗ್ರೇಟ್ ಇಂಡಿಯನ್ ಸೇಲ್ನಿಂದ ವಂಚಿತರಾಗಿದ್ದೀರಾ… ಚಿಂತಿಸಬೇಡಿ ಈ ಬಾರಿ ನಿಮಗಾಗಿ ಮತ್ತೊಮ್ಮೆ ಗ್ರೇಟ್ ಇಂಡಿಯನ್ ಸೇಲ್ ಅನ್ನು ಅಮೆಜಾನ್ ಹೊತ್ತು ತರಲಿದ್ದು, ಸ್ಮಾರ್ಟ್ಫೋನ್ಸ್, ಲ್ಯಾಪ್ಟಾಪ್ಸ್ ಮತ್ತು ಟಿವಿ ಸೇರಿದಂತೆ ಅನೇಕ ವಸ್ತುಗಳನ್ನು ಉತ್ತಮ ರಿಯಾಯಿತಿ ದರದಲ್ಲಿ ಮಾರಾಟ ಮಾಡಲಿದೆ.
ಹೌದು, ಜನವರಿ 19 ರಿಂದ ಜನವರಿ 22ರವರೆಗೆ ಅಮೆಜಾನ್ ಗ್ರೇಟ್ ಇಂಡಿಯನ್ ಸೇಲ್ ಇರಲಿದೆ. ವಿಶೇಷವಾಗಿ ಅಮೆಜಾನ್ ಪ್ರೈಮ್ ಬಳಕೆದಾರರಿಗೆ ಮುಂಚಿತವಾಗಿಯೇ ಅವಕಾಶ ಮಾಡಿಕೊಡಲಾಗಿದ್ದು, ಜನವರಿ 18ರ ಮಧ್ಯರಾತ್ರಿಯಿಂದಲೇ ಶುರುವಾಗಲಿದೆ.
ವಿವಿಧ ಸ್ಮಾರ್ಟ್ಫೋನ್ಗಳ ಮೇಲೆ ಶೇ 40ರವರೆಗೂ, ಎಲೆಕ್ಟ್ರಾನಿಕ್ಸ್ ಮತ್ತು ಟಿವಿ ಮೇಲೆ ಶೇ 60ರವರೆಗಿನ ರಿಯಾಯಿತಿ ದರದಲ್ಲಿ ಅಮೆಜಾನ್ ಮಾರಾಟ ಮಾಡಲಿದೆ. ಇದರೊಂದಿಗೆ ವಿವಿಧ ಬ್ರ್ಯಾಂಡ್ಗಳ ಮೇಲೆ ಒಳ್ಳೆಯ ಆಫರ್ಗಳನ್ನು ಒದಗಿಸಲಾಗುತ್ತಿದೆ. ಒನ್ಪ್ಲಸ್ ಸ್ಯಾಮ್ಸಂಗ್, ಕ್ಸಿಯೋಮಿ, ಆ್ಯಪಲ್, ವಿವೋ, ಒಪ್ಪೋ, ನೋಕಿಯಾ, ಹಾನರ್ ಮತ್ತು ಹುವಾಯಿ ಬ್ರ್ಯಾಂಡ್ಗಳು ಗ್ರಾಹಕರಿಗಾಗಿ ಉತ್ತಮ ಆಫರ್ ನೀಡಲಿವೆ.
ಸ್ಮಾರ್ಟ್ಫೋನ್ಗಳಾದ ಕ್ಸಿಯೋಮಿ ರೆಡ್ಮಿ ನೋಟ್ 8 ಪ್ರೊ, ದಿ ಒನ್ಪ್ಲಸ್ 7ಟಿ, ದಿ ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಂ30 ಮತ್ತು ವಿವೋ ಯು20 ಗ್ರೇಟ್ ಇಂಡಿಯನ್ ಸೇಲ್ ಭಾಗವಾಗಿರಲಿದೆ.
ಮೊಬೈಲ್ ಬಿಡಿಭಾಗಗಳೂ ಕೂಡ ರಿಯಾಯಿತಿ ದರದಲ್ಲಿ ದೊರೆಯಲಿದ್ದು, 69 ರೂ.ನಿಂದ ಶುರುವಾಗಲಿದೆ. ಇದಲ್ಲದೆ, ಹೆಡ್ಫೋನ್ಸ್, ಲ್ಯಾಪ್ಟಾಪ್ ಮತ್ತು ಟ್ಯಾಬ್ಲೆಟ್ ಬಿಡಿಭಾಗಗಳು ಮತ್ತು ಪೆನ್ಡ್ರೈವ್ಸ್ ಹಾಗೂ ಮೊಮೊರಿ ಕಾರ್ಡ್ ಕೇವಲ 299, 99 ಮತ್ತು 199 ರೂ.ನಿಂದ ಆರಂಭವಾಗಲಿದೆ.
ಎಸ್ಬಿಐ ಕ್ರೆಡಿಟ್ ಕಾರ್ಡ್ಸ್ ಮತ್ತು ಇಎಂಐಗೆ ತಕ್ಷಣ 10 ರಷ್ಟು ರಿಯಾಯಿತಿ ದೊರೆಯಲಿದೆ. ಬಜಾಜ್ ಫಿನ್ಸರ್ವ್ ಇಎಂಐ ಕಾರ್ಡ್ ಮೂಲಕ ನೋ ಕಾಸ್ಟ್ ಇಎಂಐ ಪಡೆಯಬಹುದಾಗಿದೆ. ಐಸಿಐಸಿಐ ಬ್ಯಾಂಕ್ನ ಡೆಬಿಟ್ ಮತ್ತು ಕ್ರೆಡಿಟ್ ಎರಡು ಕಾರ್ಡ್ಗಳಲ್ಲಿಯೂ ಇಎಂಐ ಸೌಲಭ್ಯ ಪಡೆಯಬಹುದಾಗಿದೆ.
ಹೊಸದಾಗಿ ಆರ್ಡರ್ ಮಾಡಿದ ಗ್ರಾಹಕರಿಗೆ ಉಚಿತ ಡೆಲಿವರಿ ಸೇರಿದಂತೆ ವಿಮಾನ, ಬಸ್ ಹಾಗೂ ಸಿನಿಮಾ ಟಿಕೆಟ್ ಬುಕ್ಕಿಂಗ್ಗೆ 2 ಸಾವಿರ ರೂ.ವರೆಗೂ ಕ್ಯಾಶ್ಬ್ಯಾಕ್ ಪಡೆಯಬಹುದಾಗಿದೆ. ಇದಷ್ಟೇ ಅಲ್ಲದೆ, ಫ್ಯಾಷನ್, ದಿನನಿತ್ಯ ಬಳಕೆ ವಸ್ತು, ಸೌಂದರ್ಯ, ಕಿರಾಣಿ ಸೇರಿದಂತೆ ಹಲವು ವಸ್ತುಗಳಿಗೆ ಭಾರಿ ರಿಯಾಯಿತಿಯನ್ನು ಈ ಬಾರಿಯ ಗ್ರೇಟ್ ಇಂಡಿಯನ್ ಸೇಲ್ನಲ್ಲಿ ನೀಡಲಾಗುತ್ತಿದೆ. (ಏಜೆನ್ಸೀಸ್)