ನವದೆಹಲಿ: ಉತ್ತರಪ್ರದೇಶದ ಸಂಸದನಿಂದ ಅತ್ಯಾಚಾರಕ್ಕೊಳಗಾದ ಯುವತಿಗೆ ನ್ಯಾಯ ಸಿಗುತ್ತಿಲ್ಲ ಎಂದು ಸುಪ್ರೀಂ ಕೋರ್ಟ್ ಎದುರಿಗೆ ಬೆಂಕಿಗೆ ಆಹುತಿಯಾಗಿದ್ದ 27 ವರ್ಷದ ಯುವಕ ಶನಿವಾರ ಸಾವಪ್ಪಿದ್ದಾನೆ. ಅವನೊಂದಿಗೆ ಬೆಂಕಿ ಹಚ್ಚಿಕೊಂಡಿದ್ದ 24 ವರ್ಷದ ಸಂತ್ರಸ್ತೆಯು ಶೇಕಡ 80 ರಷ್ಟು ಸುಟ್ಟ ಗಾಯಗಳೊಂದಿಗೆ ವೆಂಟಿಲೇಟರ್ ಆಧಾರದೊಂದಿಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಳೆ ಎನ್ನಲಾಗಿದೆ.
ದೆಹಲಿ ವಿವಿ ಪದವೀಧರನಾದ ಮೃತನು ಆಗಸ್ಟ್ 16 ರಂದು, ತನ್ನ ಸ್ನೇಹಿತೆಯಾದ ರೇಪ್ ಸಂತ್ರಸ್ತೆಯೊಂದಿಗೆ ದೆಹಲಿಗೆ ಬಂದಿದ್ದ. ಸುಪ್ರೀಂ ಕೋರ್ಟ್ನ ಗೇಟ್ ನಂ.4 ಹೊರಗೆ ಬೆಂಕಿ ಹಚ್ಚಿಕೊಳ್ಳುವ ಮುನ್ನ ಈರ್ವರೂ ಫೇಸ್ಬುಕ್ ಲೈವ್ನಲ್ಲಿ ಮಾಡಿದ ವಿಡಿಯೋದಲ್ಲಿ ಬಹುಜನ್ ಸಮಾಜ್ ಪಾರ್ಟಿ(ಬಿಎಸ್ಪಿ)ಯ ಸಂಸದ ಅತುಲ್ ರೈ ಯುವತಿಯನ್ನು 2019 ರ ಜೂನ್ನಲ್ಲಿ ಬಲಾತ್ಕಾರ ಮಾಡಿದ್ದಾಗಿ ಆರೋಪಿಸಿದ್ದರು. ಈ ಬಗ್ಗೆ ಯುಪಿ ಪೊಲೀಸರು ಒಂದು ವರ್ಷದಿಂದ ಯಾವುದೇ ಕ್ರಮ ತೆಗೆದುಕೊಳ್ಳುತ್ತಿಲ್ಲ ಎಂದು ದೂರಿದ್ದರು ಎಂದು ವರದಿಗಳು ತಿಳಿಸಿವೆ.
ಇದನ್ನೂ ಓದಿ: ಅಪ್ರಾಪ್ತ ಬಾಲಕಿಗೆ ಕಿರುಕುಳ: ಪೊಲೀಸ್ ಪೇದೆ ಬಂಧನ, ಕರ್ತವ್ಯದಿಂದ ಅಮಾನತು
ಮೈಮೇಲೆ ಸೀಮೆಎಣ್ಣೆ ಸುರಿದುಕೊಂಡು ಬೆಂಕಿ ಹಚ್ಚಿಕೊಂಡ ಈ ಯುವಕ ಮತ್ತು ಯುವತಿಯನ್ನು ನಗರದ ರಾಮ್ ಮನೋಹರ್ ಲೋಹಿಯ ಆಸ್ಪತ್ರೆಗೆ ಸೇರಿಸಲಾಗಿತ್ತು. ಯುವಕನಿಗೆ ತಕ್ಷಣವೇ ಅಗತ್ಯ ಶಸ್ತ್ರಚಿಕಿತ್ಸೆ ಮಾಡಿ ಶುಶ್ರೂಷೆ ನೀಡಿದರೂ, ಚಿಕಿತ್ಸೆ ಫಲಿಸದೆ ಶನಿವಾರ ಬೆಳಿಗ್ಗೆ ಮೃತಪಟ್ಟಿದ್ದಾನೆ ಎಂದು ಆಸ್ಪತ್ರೆಯ ವೈದ್ಯರು ತಿಳಿಸಿದ್ದಾರೆ. (ಏಜೆನ್ಸೀಸ್)
ಇವರು ತಾಲಿಬಾನ್ ಬಗ್ಗೆ ಪೋಸ್ಟ್ ಮಾಡಿ, ಪೊಲೀಸರ ಅತಿಥಿಯಾದರು!