ಮುಂಬೈ: ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಸಾಲು ಸಾಲು ಸಿನಿಮಾಗಳಲ್ಲಿ ಬಿಜಿಯಾಗಿದ್ದು, ಅವರ ನಟನೆಯ ಬಡೆ ಮಿಯಾನ್ ಛೋಟೆ ಮಿಯಾನ್ ಸಿನಿಮಾ ಬಿಡುಗಡೆಗೆ ರೆಡಿಯಾಗಿದೆ. ಈ ಸಿನಿಮಾದಲ್ಲಿ ನಟ ಟೈಗರ್ ಶ್ರಾಪ್ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.
ಇಂದು ಈ ಚಿತ್ರದ ಟ್ರೈಲರ್ ರಿಲೀಸ್ ಈವೆಂಟ್ ಮುಂಬೈನಲ್ಲಿ ಅದ್ಧೂರಿಯಾಗಿ ನಡೆಯಿತು. ಈ ಚಿತ್ರದ ನಟಿಯಲ್ಲಿ ಒಬ್ಬರಾದ ಅಲಯಾ ಎಫ್ ತುಂಬಾ ಗ್ಲಾಮರಸ್ ಆಗಿ ಈವೆಂಟ್ ಆಗಮಿಸಿದ್ದರು. ಕಪ್ಪು ಬಣ್ಣದ ಪಾರದರ್ಶಕ ಉಡುಗೆ ಜತೆಗೆ ಹಸಿರು ಬಣ್ಣದ ಸ್ಕರ್ಟ್ ಧರಿಸಿದ್ದರು.
ಟ್ರೈಲರ್ ಬಿಡುಗಡೆ ಬಳಿಕ ವೇದಿಕೆ ಮೇಲೆ ಕ್ಯಾಮೆರಾಗೆ ಪೋಸ್ ನೀಡುವಾಗ ತನ್ನ ಪಕ್ಕದಲ್ಲೇ ನಿಂತಿದ್ದ ನಟಿ ಅಲಯಾ ಎಫ್ ಅವರ ಡ್ರೆಸ್ ಮೇಲೆ ತನಗೆ ಗೊತ್ತಿಲ್ಲದೆ ಅಕ್ಷಯ್ ಕಾಲಿಟ್ಟಿದ್ದರು. ಇದನ್ನು ಗಮನಿಸಿದ ಅಲಯಾ ಡ್ರೆಸ್ ಬಿಡಿಸಿಕೊಳ್ಳಲು ಪರದಾಡಿದರು. ಎಲ್ಲಿ ಡ್ರೆಸ್ ಜಾರಿ ಬಿಡುತ್ತದೆಯೋ ಎಂಬ ಭಯದಲ್ಲೇ ಅಲಯಾ ತನ್ನ ಡ್ರೆಸ್ ಅನ್ನು ಬಿಗಿಯಾಗಿ ಹಿಡಿದುಕೊಂಡಿದ್ದರು. ಕೊನೆಗೆ ಹೇಗೋ ಅಕ್ಷಯ್ ಕಾಲಿನಿಂದ ತನ್ನ ಡ್ರೆಸ್ ಬಿಡಿಸಿಕೊಂಡು ಅಲಯಾ ನಿಟ್ಟುಸಿರು ಬಿಟ್ಟರು. ಆದರೆ, ಡ್ರೆಸ್ ಕಾಲಿಗೆ ಸಿಕ್ಕಿಕೊಂಡಿರುವುದು ಅಕ್ಷಯ್ ಗಮನಕ್ಕೆ ಬರಲೇ ಇಲ್ಲ. ಅವರು ತಮ್ಮ ಪಕ್ಕದಲ್ಲಿದ್ದ ಮತ್ತೊಬ್ಬ ನಟಿ ಹಾಗೂ 2017ರ ಭುವನ ಸುಂದರಿ ಮಾನುಸಿ ಚಿಲ್ಲರ್ ಜತೆ ಮಾತಿನಲ್ಲಿ ಮುಳುಗಿದ್ದರು.
ಈ ಪ್ರಸಂಗಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ನಟಿ ಅಲಯಾ ಪರದಾಟವನ್ನು ನೋಡಿ ನೆಟ್ಟಿಗರು ನಕ್ಕಿದ್ದಾರೆ. ಅಯ್ಯೋ ನಟಿ ಇಂಥಾ ಗತಿ ಬರಬಾರದಿತ್ತು ಎಂದು ಕಾಲೆಳೆದಿದ್ದಾರೆ. ಸರಿಯಾಗಿ ಡ್ರೆಸ್ ಮಾಡಿದ್ದರೆ ಇಂಥಾ ಸ್ಥಿತಿ ಬರುತ್ತಿರಲಿಲ್ಲ ಎಂದು ಕೆಲ ನೆಟ್ಟಿಗರು ನಟಿಗೆ ಸಲಹೆ ನೀಡಿದ್ದಾರೆ.
ಸಿನಿಮಾ ವಿಚಾರಕ್ಕೆ ಬಂದರೆ, ಬಡೆ ಮಿಯಾನ್ ಛೋಟೆ ಮಿಯಾನ್ ಸಿನಿಮಾ ಏಪ್ರಿಲ್ 10 ಕ್ಕೆ ಚಿತ್ರಮಂದಿರಕ್ಕೆ ಅಪ್ಪಳಿಸಲಿದೆ. ಈ ಸಿನಿಮಾ ಅಜಯ್ ದೇವಗನ್ ಅವರ ಮೈದಾನ್ ಸಿನಿಮಾ ಜತೆ ಬಾಕ್ಸ್ಆಫೀಸ್ನಲ್ಲಿ ಪೈಪೋಟಿಗೆ ಇಳಿಯಲಿದೆ. (ಏಜೆನ್ಸೀಸ್)
ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಬಿಗಿಲ್ ಪಾಂಡಿಯಮ್ಮ! ವಯಸ್ಸು ಕೇಳಿ ದಂಗಾದ ಅಭಿಮಾನಿಗಳು
ಈ ಒಂದು ಕಾರಣಕ್ಕೆ ಬಾಲಿವುಡ್ ಸಿನಿಮಾಗಳಲ್ಲಿ ನಟಿಸಲ್ಲ! ಕೊನೆಗೂ ಮೌನ ಮುರಿದ ತ್ರಿಷಾ