ಬೆಂಗಳೂರು: ಸಾಮಾನ್ಯವಾಗಿ ತಾಯಿ-ತಂದೆಯರು ಅಷ್ಟಮಿ ಸಂದರ್ಭದಲ್ಲಿ ಮಕ್ಕಳಿಗೆ ರಾಧೆ-ಕೃಷ್ಣರ ವೇಷ ತೊಟ್ಟು ಸಂಭ್ರಮಿಸುತ್ತಾರೆ. ಆದರೆ ಇಲ್ಲಿ ನಟಿ ಶ್ವೇತಾ ಶ್ರೀವಾತ್ಸವ್ ತಮ್ಮ ಪುತ್ರಿ ಅಶ್ಮಿತಾ ಶ್ರೀವಾತ್ಸವ್ಗೆ ಕೃಷ್ಣನ ವೇಷ ತೊಡಿಸುವ ಜೊತೆಗೆ ತಾವೂ ವೇಷ ಧರಿಸಿ ಸಂಭ್ರಮಿಸಿದ್ದಾರೆ.
ಮಗಳಿಗೆ ಅಷ್ಟಮಿಯ ಸಂಭ್ರಮದ ಕ್ಷಣಗಳನ್ನು ಸ್ಮರಣೀಯಗೊಳಿಸುವ ಸಲುವಾಗಿಯೇ ನಟಿ ಶ್ವೇತಾ ಶ್ರೀವಾತ್ಸವ್ ವಿಶೇಷವಾದ ಫೋಟೋಶೂಟ್ವೊಂದನ್ನು ಮಾಡಿಸಿದ್ದಾರೆ. ಅದರಲ್ಲಿ ಅವರು ದೇವಕಿಯಂತೆ, ಪುತ್ರಿ ಅಶ್ಮಿತಾ ಶ್ರೀಕೃಷ್ಣನಂತೆ ಕಂಗೊಳಿಸಿದ್ದಾರೆ. ಈ ಸುಂದರ ಫೋಟೋಗಳನ್ನು ಮಂಜು ಅವರು ಸೆರೆಹಿಡಿದಿದ್ದು, ಈ ಫೋಟೋಶೂಟ್ಗಾಗಿ ಮಧುಮಿತಾ, ನಮ್ರತಾ, ವೈಷ್ಣವಿ ಹಾಗೂ ವೀಣಾ ಅವರು ಶ್ವೇತಾ ಶ್ರೀವಾತ್ಸವ್ಗೆ ನೆರವಾಗಿದ್ದಾರೆ.
