ನವದೆಹಲಿ: ಬಾಲಿವುಡ್ನ ಹೆಸರಾಂತ ನಟಿ, ಟಿವಿ ಸೀರಿಯಲ್ ಕಲಾವಿದೆ ರೂಪಾಲಿ ಗಂಗೂಲಿ ಇದೀಗ ಅಧಿಕೃತವಾಗಿ ಬಿಜೆಪಿ ಸೇರ್ಪಡೆಗೊಂಡಿದ್ದು, ಲೋಕಸಭಾ ಚುನಾವಣೆಯ ಸಮೀಪದಲ್ಲಿ ಪಕ್ಷ ಸೇರಿರುವುದು ಕಮಲಕ್ಕೆ ಮತ್ತಷ್ಟು ಬಲ ತುಂಬಿದಂತಾಗಿದೆ.
ಇದನ್ನೂ ಓದಿ: ಟಿ20 ವಿಶ್ವಕಪ್: ಸ್ಟೀವ್ ಸ್ಮಿತ್ರನ್ನು ಕೈಬಿಟ್ಟ ಆಸ್ಟ್ರೇಲಿಯಾ! ಮಿಚೆಲ್ ಮಾರ್ಷ್ ನಾಯಕ..
ಇಂದು ದೆಹಲಿಯಲ್ಲಿರುವ ಬಿಜೆಪಿಯ ಪ್ರಧಾನ ಕಛೇರಿಯಲ್ಲಿ ಪಕ್ಷ ಸೇರಿದ ನಟಿ, ಬಳಿಕ ಮಾತನಾಡಿ, “ಈ ಸ್ಥಾನದಲ್ಲಿರಲು ನನಗೆ ಬಹಳ ಸಂತೋಷವಿದೆ. ಈ ಕಾರ್ಯದಲ್ಲಿ ತೊಡಗಿಸಿಕೊಳ್ಳಲು ಪ್ರಧಾನಿ ನನಗೆ ಸ್ಪೂರ್ತಿ. ನಾನು ನರೇಂದ್ರ ಮೋದಿ ಅವರ ದೊಡ್ಡ ಅಭಿಮಾನಿ. ಬಿಜೆಪಿ ಮಾಡುತ್ತಿರುವ ಅದ್ಭುತ ಕೆಲಸ ಕಾರ್ಯಗಳೇ ಇಂದು ಪಕ್ಷ ಸೇರಲು ಕಾರಣ. ಇದಕ್ಕೆ ಮೋದಿ ಹಾಗೂ ಪಕ್ಷಕ್ಕೆ ಧನ್ಯವಾದ ತಿಳಿಸುತ್ತೇನೆ” ಎಂದಿದ್ದಾರೆ.