ಅಯ್ಯೋ.. ಟಾಲಿವುಡ್​ನಲ್ಲಿ ರಶ್ಮಿಕಾ ಮಂದಣ್ಣ ಹೆಸರಲ್ಲಿ ಈ ರೀತಿ ನಡೆಯುತ್ತಿದೆಯಾ!!

ಬೆಂಗಳೂರು: ಸ್ಟಾರ್​ ಹೀರೋಗಳ ಕಟೌಟ್​ಗಳಿಗೆ ಕ್ಷೀರಾಭಿಷೇಕ ಮಾಡಿದ್ದನ್ನು ನೋಡಿದ್ದೇವೆ. ನೆಚ್ಚಿನ ನಟನ ಸಿನಿಮಾ ಬಿಡುಗಡೆ ಸಂದರ್ಭದಲ್ಲಿ ಚಿತ್ರಮಂದಿರದ ಬಳಿ ನಿಂತಿರುವ ಬೃಹತ್​ ಫೋಟೋಕ್ಕೂ ಹಾಲಿನ ಅಭಿಷೇಕ ಮಾಡುವ ಅಭಿಮಾನಿಗಳಿದ್ದಾರೆ. ಕಲಾವಿದರ ಫೋಟೋವನ್ನೇ ದೇವರಂತೆ ಪೂಜಿಸುವವರೂ ನಮ್ಮ ಮಧ್ಯೆ ಇದ್ದಾರೆ. ಅವರ ಹೆಸರಲ್ಲಿ ದೇವರ ಬಳಿ ನಿತ್ಯ ಅರ್ಚನೆ ಮಾಡಿಸುವವರೂ ಕಾಣಸಿಗುತ್ತಾರೆ. ಆದರೆ, ಈ ರೀತಿಯ ಅವಕಾಶ ನಾಯಕಿಯರಿಗೆ ಸಿಗುವುದು ತುಂಬ ವಿರಳ. ಹೀಗಿರುವಾಗಲೇ ಕಡಿಮೆ ಅವಧಿಯಲ್ಲಿ ಸ್ಟಾರ್​ ಆಗಿ ಗುರುತಿಸಿಕೊಂಡಿರುವ ಕನ್ನಡತಿ ರಶ್ಮಿಕಾ ಮಂದಣ್ಣಗೆ ಈಗ ರಾಭಿಷೇಕದ ಅಭಿಮಾನ ದೊರಕಿದೆ. ಅಂದರೆ, ತೆಲುಗು ನಾಡಿನ ಅಭಿಮಾನಿಯೊಬ್ಬ ರಶ್ಮಿಕಾ ಹೆಸರಲ್ಲಿ ದೇವರಿಗೆ ರಾಭಿಷೇಕ ಮಾಡಿಸಿದ್ದಾನೆ. ಈ ಭಕ್ತಿಗೆ ಸ್ವತಃ ರಶ್ಮಿಕಾ ಮೂಕವಿಸ್ಮಿತರಾಗಿದ್ದಾರೆ.
ನರಸಿಂಹಸ್ವಾಮಿ ಮತ್ತು ರಾವೇಂದ್ರ ಮೂರ್ತಿಗೆ ರಶ್ಮಿಕಾ ಮಂದಣ್ಣ ಹೆಸರಲ್ಲಿ ಕ್ಷೀರಾಭಿಷೇಕ ಮಾಡಿಸಿರುವ ಅಭಿಮಾನಿ, ಆ ವಿಡಿಯೋವನ್ನು ಟ್ವಿಟರ್​ನಲ್ಲಿ ರಶ್ಮಿಕಾಗೂ ಟ್ಯಾಗ್​ ಮಾಡಿ ಶೇರ್​ ಮಾಡಿಕೊಂಡಿದ್ದಾರೆ. ಈ ವಿಡಿಯೋ ನೋಡಿದ ರಶ್ಮಿಕಾ, “ನನ್ನ ಹೆಸರಲ್ಲಿ ಕ್ಷೀರಾಭಿಷೇಕ ಮಾಡಿಸುವಷ್ಟು ನಾನೇನು ಮಾಡಿಲ್ಲ. ಆದರೂ ನಿಮ್ಮ ಪ್ರೀತಿಗೆ ಧನ್ಯವಾದಗಳು’ ಎಂದಿದ್ದಾರೆ. ಈ ರೀತಿಯ ಹಾಲಿನ ಅಭಿಷೇಕ ಮಾಡಿಸಿದ್ದಕ್ಕೆ ಒಂದಷ್ಟು ಮಂದಿ ಮೆಚ್ಚುಗೆ ಸೂಚಿಸಿದರೆ, ಮತ್ತೆ ಕೆಲವರು ಇಷ್ಟೆಲ್ಲ ಬೇಕಿತ್ತ ಎಂದು ಕಿಚಾಯಿಸಿದ್ದಾರೆ. ಭಾನುವಾರವಷ್ಟೇ ರಶ್ಮಿಕಾ 24ನೇ ಜನ್ಮ ದಿನವನ್ನು ಆಚರಿಸಿಕೊಂಡರು. ಲಾಕ್​ಡೌನ್​ ಹಿನ್ನೆಲೆಯಲ್ಲಿ ಮನೆಯಿಂದ ಆಚೆ ಬರದೆ, ಸರಳವಾಗಿ ಕುಟುಂಬದ ಜತೆ ಸೆಲೆಬ್ರೆಟ್​ ಮಾಡಿದರು.