ಬೆಂಗಳೂರು: ಖ್ಯಾತ ನಟ ಯಶ್ ನಗರ ನಂದಿಲಿಂಕ್ ಗ್ರೌಂಡ್ಸ್ನಲ್ಲಿ ಹತ್ತು ಸಾವಿರಕ್ಕೂ ಅಧಿಕ ಮಂದಿ ಅಭಿಮಾನಿಗಳ ಜೊತೆ ಮಧ್ಯರಾತ್ರಿಯಲ್ಲಿ ವಿಶೇಷವಾಗಿ ಹುಟ್ಟು ಹಬ್ಬ ಆಚರಿಸಿಕೊಂಡರು.
ನಟನಿಗಾಗಿ ಅಭಿಮಾನಿಗಳು ರಾಮ್ಭವನ್ ಸ್ವೀಟ್ಸ್ನಲ್ಲಿ ತಯಾರಿಸಿದ್ದ 5705 ಕೆಜಿ ತೂಕದ ವಿಶೇಷ ಕೇಕ್ ಕತ್ತರಿಸಿ ಹುಟ್ಟು ಹಬ್ಬ ಆಚರಿಸಿಕೊಂಡರು.
ವಿಶ್ವದಾಖಲೆ ಬರೆದ ಈ ಅಪರೂಪದ ಕಾರ್ಯಕ್ರಮಕ್ಕೆ ಪತ್ನಿ ರಾಧಿಕಾ ಸಾಕ್ಷಿಯಾದರು.
ನಂದಿಲಿಂಕ್ ಗ್ರೌಂಡ್ ಆವರಣದಲ್ಲಿ 10 ಸಾವಿರ ಮಂದಿ ಅಭಿಮಾನಿಗಳು ಇದ್ದರೆ, ಹೊರಗಡೆ 6 ಸಾವಿರಕ್ಕೂ ಅಧಿಕ ಮಂದಿ ಅಭಿಮಾನಿಗಳು ಕಿಕ್ಕಿರಿದಿದ್ದರು. ಅಭಿಮಾನಿಗಳನ್ನು ನಿಯಂತ್ರಿಸಲು ಪೊಲೀಸರು ಹರಸಾಹಸ ಪಟ್ಟರು.
ಆವರಣದೊಳಗೆ ಬಿಡುವಂತೆ ಪೊಲೀಸರ ಜೊತೆ ಅಭಿಮಾನಿಗಳು ವಾಗ್ವಾದಕ್ಕೆ ಇಳಿದಿದರು.