ನವದೆಹಲಿ: ತಂತ್ರಜ್ಞಾನ ಬೆಳವಣಿಗೆ ಕಾಣುತ್ತಿರುವ ಹಂತದಲ್ಲೇ ಸೈಬರ್ ಅಪರಾಧಗಳು ಮತ್ತಷ್ಟು ಹೆಚ್ಚಾಗುತ್ತಿವೆ. ಇಲ್ಲಿ ತನಕ ಸರ್ಕಾರದ ವೆಬ್ಸೈಟ್ಗಳನ್ನು ಹ್ಯಾಕ್ ಮಾಡಿದ ಸೈಬರ್ ಕ್ರಿಮಿನಲ್ಸ್ ಈಗ ಭಾರತೀಯರ ಆಧಾರ್ ವಿವರಗಳನ್ನು ಹ್ಯಾಕ್ ಮಾಡಿದ್ದಾರೆ. ಬರೋಬ್ಬರಿ 81.5ಕೋಟಿ ಭಾರತೀಯರ ಸೂಕ್ಷ್ಮ ಮಾಹಿತಿಯು ಡಾರ್ಕ್ ವೆಬ್‌ನಲ್ಲಿ ಕಾಣಿಸಿಕೊಂಡಿದೆ, ಇದು ಗೌಪ್ಯವಾಗಿರಬೇಕಾದ ಡೇಟಾ ವಿವರದ ಉಲ್ಲಂಘನೆಯನ್ನು ದೃಢಪಡಿಸುತ್ತದೆ.
ಇದನ್ನೂ ಓದಿ: 2021ರಲ್ಲಿ ಐಫೋನ್ನ ಮಹತ್ವದ ಬದಲಾವಣೆಗೆ ಕಾರಣವೇ ಪೆಗಾಸಸ್ ಸ್ಪೈವೇರ್! ಪೆಗಾಸಸ್ ಅಂದ್ರೆ ವಿಶ್ವವೇ ಬೆದರುವುದೇಕೆ?
ಅಮೆರಿಕಾದ ರಿಸೆಕ್ಯುರಿಟಿ ಎಂಬ ಸೈಬರ್ ಸೆಕ್ಯುರಿಟಿ ಏಜೆನ್ಸಿಯು ಡೇಟಾ ವಿವರ ಲೀಕ್ ಆಗಿರುವ ಬಗ್ಗೆ ವಿವರವಾದ ವರದಿಯನ್ನು ಪೋಸ್ಟ್ ಮಾಡಿದೆ. ಅದರ ಪ್ರಕಾರ, ‘pwn0001’ ಹೆಸರನ್ನು ಬಳಸುವ ಹ್ಯಾಕರ್ ಅ.9 ರಂದು ಆಧಾರ್ ಮತ್ತು ಪಾಸ್‌ಪೋರ್ಟ್ ವಿವರಗಳು, ಹೆಸರುಗಳು, ಫೋನ್ ಸಂಖ್ಯೆಗಳು ಮತ್ತು ಲಕ್ಷಾಂತರ ಭಾರತೀಯರ ತಾತ್ಕಾಲಿಕ ಮತ್ತು ಶಾಶ್ವತ ವಿಳಾಸಗಳನ್ನು ಒಳಗೊಂಡಿದೆ.
ಹ್ಯಾಕರ್ ಗಳು 815 ಮಿಲಿಯನ್(81.5 ಕೋಟಿ) ಭಾರತೀಯರ ದಾಖಲೆಗಳು ಲಭ್ಯವಿದ್ದು, ಈ ಡೇಟಾ ವಿವರವನ್ನು 80000 ಯುಎಸ್ ಡಾಲರ್(66.60ಲಕ್ಷ ರೂ.)ಗೆ ಮಾರಾಟ ಮಾಡುತ್ತಿರುವುದಾಗಿ ಪ್ರಚಾರ ಮಾಡಿದರು. ಲೀಕಾದ ವಿವರಗಳು ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರೀಸರ್ಚ್(ಐಸಿಎಂಆರ್)ನಲ್ಲಿನ ಭಾರತೀಯರಿಗೆ ಸಂಬಂಧಿಸಿದ್ದವು ಎಂದು ತಿಳಿದುಬಂದಿದೆ. ಈ ವಿಷಯದ ಬಗ್ಗೆ ಸೆಂಟ್ರಲ್ ಬ್ಯೂರೋ ಆಫ್ ಇನ್ವೆಸ್ಟಿಗೇಷನ್(ಸಿಬಿಐ) ತನಿಖೆ ನಡೆಸುತ್ತಿದೆ.
ಇಲ್ಲಿಯವರೆಗೆ, ಸರ್ಕಾರದಿಂದ ಡೇಟಾ ಉಲ್ಲಂಘನೆಯ ಬಗ್ಗೆ ಯಾವುದೇ ಅಧಿಕೃತ ದೃಢೀಕರಣವಿಲ್ಲ. ಡಾರ್ಕ್ ವೆಬ್‌ನಲ್ಲಿ ಮಾರಾಟಕ್ಕೆ ನೀಡಲಾಗುತ್ತಿರುವ ಭಾರತೀಯರ ಆಧಾರ್ ಕಾರ್ಡ್‌ಗಳು ಸೇರಿದಂತೆ ವೈಯಕ್ತಿಕ ಮಾಹಿತಿ (PII) ದಾಖಲೆಗಳನ್ನು ಏಜನ್ಸಿ ಗುರುತಿಸಿದೆ.
ಹ್ಯಾಕರ್ ಸಂಗ್ರಹಿಸಿರುವ ಕೆಲವು ಆಧಾರ್ ಕಾರ್ಡ್ ಐಡಿಗಳನ್ನು ಏಜನ್ಸಿ ಪರಿಶೀಲಿಸಿದೆ ಮತ್ತು ಅವುಗಳು ನಿಜವೆಂದು ಕಂಡುಬಂದಿದೆ ಎಂದು ಹೇಳಿದೆ.
ವರದಿಯ ಪ್ರಕಾರ, ಈ ಸೋರಿಕೆಯು pwn0001 ಸೋರಿಕೆಗಿಂತ ಹೆಚ್ಚಿನ ವೈಯಕ್ತಿಕ ಮಾಹಿತಿಯನ್ನು ಹೊಂದಿದೆ.
ಇದು ಆಧಾರ್ ಐಡಿಗಳು, ವೋಟರ್ ಐಡಿಗಳು ಮತ್ತು ಡ್ರೈವಿಂಗ್ ಲೈಸೆನ್ಸ್ ದಾಖಲೆಗಳನ್ನು ಹೊಂದಿದೆ. ತಂಡವು “PREPAID” ಪದದೊಂದಿಗೆ ಕೆಲವು ದಾಖಲೆಗಳನ್ನು ಕಂಡುಹಿಡಿದಿದೆ. ಪ್ರಿ-ಪೇಯ್ಡ್ ಸಿಮ್ ಕಾರ್ಡ್‌ಗಳನ್ನು ಒದಗಿಸುವ ಕಂಪನಿಯಿಂದ ಡೇಟಾ ಸೋರಿಕೆಯಾಗಿದೆ ಎಂದರ್ಥ. ಈ ಕಂಪನಿಗಳು ತಮ್ಮ ಮೊಬೈಲ್ ಸೇವೆಗಳನ್ನು ಪ್ರಾರಂಭಿಸುವ ಮೊದಲು ತಮ್ಮ ಗ್ರಾಹಕರನ್ನು ಪರೀಕ್ಷಿಸಲು ವೈಯಕ್ತಿಕ ಮಾಹಿತಿಯನ್ನು ಸಂಗ್ರಹಿಸುತ್ತವೆ.
ದೀಪಿಕಾ ‘ಮುಕ್ತ ಸಂಬಂಧ’ ಹೇಳಿಕೆ ಟೀಕಿಸಿದ ನೆಟ್ಟಿಗರು: ಸುಪ್ರಿಯಾ ಶ್ರಿನಾತೆ ಅಸಮಾದಾನ