ಬೆಂಗಳೂರು: ರ್ಯಾಪಿಡೋ ಬೈಕ್ ಚಾಲಕನೋರ್ವ, ಸ್ನೇಹಿತನೊಂದಿಗೆ ಸೇರಿಕೊಂಡು ಕೇರಳ ಮೂಲದ ಯುವತಿಯನ್ನು ತನ್ನ ಗರ್ಲ್ಫ್ರೆಂಡ್ ಸಮ್ಮುಖದಲ್ಲೇ ಅತ್ಯಾಚಾರ ಮಾಡಿದ್ದಾನೆ. ಈ ಪೈಶಾಚಿಕ ಕೃತ್ಯ ಕಳೆದ ಗುರುವಾರ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.
ಪ್ರಕರಣದ ಸಂಬಂಧ ಎಲೆಕ್ಟ್ರಾನಿಕ್ ಸಿಟಿ ಪೊಲೀಸರು ಆರೋಪಿಗಳಾದ ಬಿಹಾರ ಮೂಲದ ರ್ಯಾಪಿಡೋ ಬೈಕ್ ಚಾಲಕ ಶಹಬುದ್ದೀನ್ (26) ಮತ್ತು ಆತನ ಸ್ನೇಹಿತೆ, ಅರ್ಪತ್ ಶರೀಫ್ (24)ನನ್ನು ಬಂಧಿಸಿದ್ಧಾರೆ.
ಸಂತ್ರಸ್ತ ಯುವತಿ ಕುಡಿದ ಮತ್ತಿನಲ್ಲಿ ಬಾಯ್ ಫ್ರೆಂಡ್ ಮಿಟ್ ಮಾಡಲು ರ್ಯಾಪಿಡೋ ಬೈಕ್ ಬುಕ್ ಮಾಡಿದ್ದಳು. ದಾರಿ ಮಧ್ಯೆ ಯುವತಿ ಚಾಲಕ ಶಹಬುದ್ಧೀನ್ ಬಳಿ ಸಿಗರೇಟ್ ಕೇಳಿದ್ದಾಳೆ. ಹೀಗಾಗಿ ಬೈಕ್ ನಿಲ್ಲಿಸಿ ಶಹಬುದ್ಧೀನ್ ಸಿಗರೇಟ್ ತರಲು ಹೋಗಿದ್ದಾನೆ. ಈ ವೇಳೆ ಮೊಬೈಲ್ನಲ್ಲಿ ಫೋನ್ ಪೇ ಕೆಲಸ ಮಾಡಿಲ್ಲವೆಂದು, ತನ್ನ ಸ್ನೇಹಿತ ಅರ್ಪತ್ ಶರೀಫ್ಗೆ ಕರೆ ಮಾಡಿ ಹಣ ಕೇಳಿದ್ದಾನೆ.
ಅರ್ಪತ್ ಶರೀಫ್ ಹಣ ಯಾಕೆಂದು ಕೇಳಿದ್ದಾನೆ. ಆಗ ಶಹಬುದ್ಧೀನ್, ಹುಡುಗಿಯೊಬ್ಬಳನ್ನು ಡ್ರಾಪ್ ಮಾಡಲು ಹೋಗುತ್ತಿದ್ದೇನೆ. ಆಕೆ ಕುಡಿದ ಮತ್ತಿನಲ್ಲಿ ಸಿಗರೇಟ್ ಕೇಳಿದ್ದಾಳೆ ಎಂದು ಸಂಪೂರ್ಣ ವಿಷಯ ತಿಳಿಸಿದ್ದಾನೆ. ಈ ವೇಳೆ ಇವರಿಬ್ಬರು ಯುವತಿಯನ್ನು ಅತ್ಯಾಚಾರ ಮಾಡುವ ಪ್ಲಾನ್ ಮಾಡಿ, ಮಾತನಾಡಿಕೊಂಡಿದ್ದಾರೆ.
ಸ್ನೇಹಿತರಿಬ್ಬರು ಮಾತನಾಡಿಕೊಂಡಂತೆ ಅರೆ ಪ್ರಜ್ಞಾವಸ್ಥೆಯಲ್ಲಿದ್ದ ಯುವತಿಯನ್ನು ಶಹಬುದ್ಧೀನ್ ತನ್ನ ರೂಮಿಗೆ ಕರೆದೊಯ್ದಿದ್ದಾನೆ. ನಂತರ ಇಬ್ಬರು ಸೇರಿಕೊಂಡು ಆಕೆಯ ಮೇಲೆ ಪೈಶಾಚಿಕಿ ಕೃತ್ಯ ನಡೆಸಿದ್ದಾರೆ. ಈ ವೇಳೆ ಶಹಬುದ್ಧೀನ್ ಸ್ನೇಹಿತೆಯೂ ಇದ್ದಳು.
ಪಾನಮತ್ತಳಾಗಿ ಅರೆ ಪ್ರಜ್ಞಾವಸ್ಥೆಯಲ್ಲಿದ್ದ ಯುವತಿಯನ್ನು, ಪ್ರಜ್ಞೆ ಬಂದ ಬಳಿಕ ಬಿಟ್ಟು ಕಳುಹಿಸಿದ್ದಾರೆ. ಈ ವೇಳೆ ಏನೂ ಅರಿಯದಂತೆ ವರ್ತಿಸಿದ್ದಾರೆ.
ಮನೆಗೆ ಹೋದ ನಂತರ ಯುವತಿಗೆ ದೇಹದಲ್ಲಿ ನೋವು ಕಾಣಿಸಿಕೊಂಡಿದ್ದರಿಂದ, ತನ್ನ ಮೇಲೆ ಅತ್ಯಾಚಾರ ನಡೆದಿದೆ ಎಂಬ ಅನುಮಾನ ಬಂದಿದೆ. ಕೂಡಲೇ ತನ್ನ ಬಾಯ್ಫ್ರೆಂಡ್ಗೆ ಕರೆ ಮಾಡಿ, ಆಸ್ಪತ್ರೆಗೆ ದಾಖಲಾಗಿದ್ದಾಳೆ. ಈ ವೇಳೆ ಅತ್ಯಾಚಾರ ನಡೆದಿರುವುದು ಖಾತ್ರಿಯಾಗಿದೆ.
‘ಕಳೆದ ಶುಕ್ರವಾರ ನ. 25ರ ರಾತ್ರಿ ಈ ಘಟನೆ ನಡೆದಿದ್ದು, ಕೇರಳ ಮೂಲದ 22 ವರ್ಷದ ಯುವತಿ ಸ್ನೇಹಿತನ ಮನೆಯಿಂದ ತನ್ನ ಮನೆಗೆ ಹೋಗಲು ರ್ಯಾಪಿಡೋ ಬೈಕ್ ಬುಕ್ ಮಾಡಿದ್ದಾಳೆ. ಈ ವೇಳೆ ಯುವತಿಯನ್ನು ಬೈಕ್ ಮೇಲೆ ಕೂರಿಸಿಕೊಂಡ ಆರೋಪಿ ಶಹಬುದ್ಧೀನ್, ತನ್ನ ಸ್ನೇಹಿತನ ರೂಮ್ಗೆ ಕರೆದುಕೊಂಡು ಹೋಗಿದ್ದಾನೆ. ನಂತರ ಇಬ್ಬರೂ ಸೇರಿ ಯುವತಿ ಮೇಲೆ ಅತ್ಯಾಚಾರ ಮಾಡಿದ್ದಾರೆ. ಯುವಕರ ಪೈಶಾಚಿಕ ಕೃತ್ಯಕ್ಕೆ ಒರ್ಬ ಯುವತಿ ಕೂಡ ಸಾಥ್ ನೀಡಿದ್ದಾಳೆ. ಈ ಹಿನ್ನೆಲೆಯಲ್ಲಿ ಮೂವರನ್ನು ಬಂಧನ ಮಾಡಲಾಗಿದೆ’ ಎಂದು ನಗರ ಪೊಲೀಸ್ ಆಯುಕ್ತ ಪ್ರತಾಪ್ ರೆಡ್ಡಿ ತಿಳಿಸಿದ್ದಾರೆ.