ವುಹಾನ್: ಮಹಿಳೆಯೊಬ್ಬಳು ಕೊರೊನಾ ವೈರಸ್ನಿಂದ ಬಚಾವಾಗುವ ಸಲುವಾಗಿ ಜಿರಾಫೆ ವೇಷ ತೊಟ್ಟಿರುವ ವಿಡಿಯೋ ಇದೀಗ ವೈರಲ್ ಆಗಿದೆ.
ಚೀನಾದ ಮಹಿಳೊಬ್ಬಳು ತನ್ನ ಕುಟುಂಬದವರಿಗೆ ಔಷಧಗಳನ್ನು ತೆಗೆದುಕೊಳ್ಳಬೇಕಿತ್ತಂತೆ. ಆದರೆ ಹೊರಗೆ ಹೋಗಲು ಕೊರೊನಾ ಭಯ. ಆಕೆಯ ಮಾಸ್ಕ್ನ ವ್ಯಾಲಿಡಿಟಿ ಮುಗಿದಿದ್ದ ಕಾರಣ ಮಾಸ್ಕ್ ತೊಟ್ಟು ಹೋಗುವುದಕ್ಕೂ ಸಾಧ್ಯವಾಗಿರಲಿಲ್ಲ. ದೇಶದಲ್ಲಿ ಮಾಸ್ಕ್ಗಳಿಗೆ ಅಭಾವ ಬಂದಿದ್ದರಿಂದಾಗಿ ಹೊಸ ಮಾಸ್ಕ್ನ್ನು ಸಹ ಕೊಳ್ಳಲಾಗಿಲ್ಲ. ಹಾಗಾಗಿ ಹೊಸ ಉಪಾಯವೊಂದನ್ನು ಮಾಡಿದ ಆಕೆ, ಆನ್ಲೈನ್ನಲ್ಲಿ ಎರಡು ಜಿರಾಫೆ ಉಡುಗೆಯನ್ನು ಬುಕ್ ಮಾಡಿದ್ದಾಳೆ.
ಜಿರಾಫೆ ಉಡುಗೆಯನ್ನು ಆನ್ಲೈನ್ ಮೂಲಕ ಕೊಂಡುಕೊಂಡ ಮಹಿಳೆ ಅದನ್ನು ತೊಟ್ಟುಕೊಂಡು ಆಸ್ಪತ್ರೆಗೆ ಹೋಗಿ ಔಷಧಗಳನ್ನು ತೆಗೆದುಕೊಂಡು ಬಂದಿದ್ದಾಳೆ.
ಅಡಿಯಿಂದ ಮುಡಿವರೆಗೆ ಮುಚ್ಚಿರುವ ಜಿರಾಫೆ ಬಟ್ಟೆ ತೊಟ್ಟು ಆಕೆ ಆಸ್ಪತ್ರೆಯಲ್ಲಿ ನಡೆದಾಡುತ್ತಿರುವ ವಿಡಿಯೋ ವೈರಲ್ ಆಗಿದೆ. (ಏಜೆನ್ಸೀಸ್)