ಅಲ್ಜೀರಿಯಾ: ಹೊಟ್ಟೆ ನೋವೆಂದು ಆಸ್ಪತ್ರೆಗೆ ಹೋದ ವೃದ್ಧೆಯ ಗರ್ಭದಲ್ಲಿ ಸುಮಾರು 2 ಕೆಜಿ ತೂಕದ ‘ಕಲ್ಲಿನ ಮಗು'(stone baby) ಪತ್ತೆಯಾಗಿದೆ. ಆ ದೃಶ್ಯ ನೋಡಿ ವೈದ್ಯರೇ ಬೆಚ್ಚಿಬಿದ್ದಿದ್ದಾರೆ. ಯಾಕಂದ್ರೆ ಆ ಮಗು ತಾಯಿಯ ಗರ್ಭದಲ್ಲೇ ಕಲ್ಲಾಗಿ 35 ವರ್ಷದಿಂದ ಹೊಟ್ಟೆಯಲ್ಲೇ ಇದೆ. ಈ ಬಗ್ಗೆ ಆ ಮಹಿಳೆಗೂ ಗೊತ್ತಿರಲಿಲ್ಲ.
ವಿಚಿತ್ರ ಅನಿಸಿದರೂ ಇದು ಅಲ್ಜೀರಿಯಾದಲ್ಲಿ ಬೆಳಕಿಗೆ ಬಂದ ನೈಜ ಘಟನೆ. ವೈಜ್ಞಾನಿಕ ಲೋಕದಲ್ಲಿ ಸಾಕಷ್ಟು ಚಿತ್ರ-ವಿಚಿತ್ರ ಘಟನೆಗಳು ಸಂಭವಿಸಿ ಅಚ್ಚರಿ ಮೂಡಿಸುತ್ತಲೇ ಇರುತ್ತೆ. ಅಲ್ಜೀರಿಯಾದಲ್ಲಿ ಹೊಟ್ಟೆ ನೋವಿನಿಂದ ಬಳಲುತ್ತಿದ್ದ 73 ವರ್ಷದ ವೃದ್ಧೆಯೊಬ್ಬರು ಆಸ್ಪತ್ರೆಗೆ ಹೋಗಿದ್ದರು. ಸುಮಾರು ವರ್ಷಗಳಿಂದ ಅಂದ್ರೆ 30-35 ವರ್ಷದಿಂದ ಪದೇಪದೆ ಹೊಟ್ಟೆ ನೋವು ಕಾಣಿಸಿಕೊಳ್ಳುತ್ತಲೇ ಇದೆ. ಈಗ ಸಿಕ್ಕಾಪಟ್ಟೆ ಜಾಸ್ತಿ ಆಗಿದೆ ಎಂದು ವೈದ್ಯರ ಬಳಿ ಹೇಳಿಕೊಂಡರು. ಆಗ ವೈದ್ಯರು ಎಕ್ಸ್ ರೇ ಮಾಡಿದ್ದು, ವೃದ್ಧೆಯ ಹೊಟ್ಟೆಯಲ್ಲಿ ಬೃಹತ್ ಗಾತ್ರದ ಕಲ್ಲು ಇರುವುದು ಗೊತ್ತಾಗಿದೆ. ತಪಾಸಣೆ ಮುಂದುವರಿದಂತೆ ಅದು ಕಲ್ಲಿನ ಮಗು ಎಂಬುದು ಗೊತ್ತಾಗಿದೆ.
35 ವರ್ಷದ ಹಿಂದೆ ಈ ಮಹಿಳೆಗೆ ಒಮ್ಮೆ ಗರ್ಭಪಾತವಾಗಿತ್ತಂತೆ. ಬಳಿಕ ಗರ್ಭಿಣಿಯಾಗಿದ್ದರೂ ಅರಿವಿಗೆ ಬಂದಿಲ್ಲ. ಮಗು ಬೆಳವಣಿಗೆ ಆಗದೆ ಗರ್ಭಾವಸ್ಥೆ ವಿಫಲವಾಗಿದೆ. ಸಾಕಷ್ಟು ರಕ್ತ ಪೂರೈಕೆಯೂ ಆಗಿಲ್ಲ. ಆ ಭ್ರೂಣವನ್ನು ಹೊರ ಹಾಕಲು ದೇಹಕ್ಕೆ ಯಾವುದೇ ಮಾರ್ಗವಿಲ್ಲದೆ 6-7 ತಿಂಗಳ ಮಗು ನಿಧಾನವಾಗಿ ಕಲ್ಲಾಗಿ ಪರಿವರ್ತನೆಯಾಗಿದೆ. ಇದನ್ನು ‘ಲಿಥೋಪಿಡಿಯನ್’ ಎಂದು ವೈಜ್ಞಾಕವಾಗಿ ಕರೆಯುತ್ತಾರೆ. ಇಂತಹ ಕೇಸ್ಗಳು ಕಂಡು ಬರುವ ಮಹಿಳೆಯರಲ್ಲಿ ಯಾವುದೇ ಬಾಹ್ಯ ಲಕ್ಷಣವೂ ಕಾಣಿಸಿಕೊಳ್ಳದೆ ಅನೇಕ ವರ್ಷ ಅವರ ಹೊಟ್ಟೆಯಲ್ಲೇ ಇರುತ್ತಂತೆ. ಇಂತಹ ಪ್ರಕರಣಗಳು ಇದೇ ಮೊದಲಲ್ಲ. ಪ್ರಪಂಚದಾದ್ಯಂತ ಸುಮಾರು 250ಕ್ಕೂ ‘ಲಿಥೋಪಿಡಿಯನ್’ ಕೇಸ್ ಪತ್ತೆಯಾಗಿವೆ.
2013ರಲ್ಲಿ ಕೊಲಂಬಿಯಾದ 82 ವರ್ಷದ ವೃದ್ಧೆಯ ಹೊಟ್ಟೆಯಲ್ಲೂ ಕಲ್ಲಿನ ಮಗು ಇರುವುದು ಪತ್ತೆಯಾಗಿತ್ತು. 40 ವರ್ಷಗಳ ಕಾಲ ಈ ಮಹಿಳೆಯ ಹೊಟ್ಟೆಯಲ್ಲಿ ಕಲ್ಲಿನ ಮಗು ಇದ್ದರೂ ಅರಿವಿಗೆ ಬಂದಿರಲಿಲ್ಲ. ಹೊಟ್ಟೆ ನೋವೆಂದು ಆಸ್ಪತ್ರೆಗೆ ಹೋದಾಗ ಇದು ಲಿಥೋಪಿಡಿಯನ್ ಕೇಸ್ ಎಂಬುದು ಗೊತ್ತಾಗಿದ್ದನ್ನು ಸ್ಮರಿಸಬಹುದು. (ಏಜೆನ್ಸೀಸ್)
ಆನೇಕಲ್ನಲ್ಲಿ ಮಹಿಳೆಯ ಭೀಕರ ಹತ್ಯೆ! ಇಡೀ ದಿನ ಕಾದು ಆಕೆಯನ್ನ ಹೆದ್ದಾರಿಯಲ್ಲೇ ಕೊಂದ ಪ್ರಿಯಕರ
ಮನೆ ಅಂಗಳದಲ್ಲೇ ಅಪ್ಪು ಪುತ್ಥಳಿ ನಿರ್ಮಿಸಿಕೊಂಡ ಅಭಿಮಾನಿ! ಭಾವುಕರಾದ ಗ್ರಾಮಸ್ಥರು
ಹೊಲದಲ್ಲಿ ಮಗುವನ್ನ ಎಸೆದು ಹೋದ ಕಟುಕರು: ರಾತ್ರಿಯಿಡೀ ಕಾವಲು ಕಾದು ಮಗುವಿನ ಪ್ರಾಣ ಉಳಿಸಿದ ಬೀದಿನಾಯಿ!