ಕೋಲ್ಕತ: ಕರೊನಾ ವೈರಸ್ ವಿಶ್ವದಾದ್ಯಂತ ಹರಡಿಕೊಂಡಿದೆ. ಈ ವೈರಸ್ಗೆ ಯಾವುದೇ ಔಷಧ ಇಲ್ಲವೆಂದು ವೈದ್ಯರು ತಿಳಿಸುತ್ತಿದ್ದರೂ ಕೆಲವು ಕಡೆಗಳಲ್ಲಿ ಕೆಲ ಮೂಢನಂಬಿಕೆಗಳನ್ನು ಜನರು ನಂಬಿಕೊಂಡಿದ್ದಾರೆ. ಗೋಮೂತ್ರ ಸೇವನೆಯಿಂದ ಕರೊನಾ ವೈರಸ್ ದೂರಾಗುತ್ತದೆ ಎಂದು ನಂಬಿರುವ ಕೆಲ ಜನರು ನಿನ್ನೆ ಕೊಲ್ಕತ್ತಾದಲ್ಲಿ ಗೋಮೂತ್ರ ಸೇವನಾ ಕಾರ್ಯಕ್ರಮವನ್ನು ನಡೆಸಿದ್ದಾರೆ.
ಕೋಲ್ಕತ ಜೋರಸಂಕೊ ಪ್ರದೇಶದಲ್ಲಿರುವ ಗೋಶಾಲೆಯೊಂದರಲ್ಲಿ ನಿನ್ನೆ ಗೋಮೂತ್ರ ಸೇವನಾ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ಅನೇಕರು ಈ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದು ಗೋಮೂತ್ರ ಸೇವಿಸಿ, ತಾವು ಕರೊನಾ ಇಂದ ದೂರಾಗಿದ್ದೇವೆ ಎನ್ನುವ ನಂಬಿಕೆಯೊಂದಿಗೆ ಮನೆಗೆ ತೆರಳಿದ್ದಾರೆ. ಗೋಮೂತ್ರದಲ್ಲಿ ರೋಗನಿರೋಧಕ ಶಕ್ತಿ ಇರುತ್ತದೆ. ಇದರಿಂದಾಗಿ ಕರೊನಾ ನಮ್ಮ ದೇಹದೊಳಗೆ ಬರುವುದಿಲ್ಲ. ಈ ಗೋಮೂತ್ರದಿಂದ ಪವಾಡವೇ ನಡೆಯುತ್ತದೆ ಎಂದು ಗೋಮೂತ್ರ ಹಂಚಿಕೆ ಮಾಡಲಾಗಿದೆ.
ಪ್ರಪಂಚದೆಲ್ಲೆಡೆ ಹರಡಿಕೊಂಡಿರುವ ಕರೊನಾ ವೈರಸ್ಗೆ ಯಾವುದೇ ಮದ್ದಿಲ್ಲ ಎಂದು ತಿಳಿಸಲಾಗುತ್ತಿದ್ದರೂ ಈ ರೀತಿಯಲ್ಲಿ ಜನರು ನಡೆದುಕೊಂಡಿರುವುದನ್ನು ರಾಜಕೀಯ ಪಕ್ಷಗಳಾಗಿರುವ ಟಿಎಂಸಿ ಮತ್ತು ಕಾಂಗ್ರೆಸ್ ಟೀಕಿಸಿದೆ. ಇದು ಕೇಸರಿ ಪಡೆಗಳದ್ದೇ ಕೆಲಸ, ಗೋವುಗಳ ಕುರಿತಾಗಿ ಇರುವ ಗೀಳಿನಿಂದ ಅವರು ಹೀಗೆ ಮಾಡುತ್ತಿದ್ದಾರೆ ಎಂದು ಕಾಂಗ್ರೆಸ್ನ ಮುಖ್ಯಸ್ಥ ಮನೋಜ್ ಚಕ್ರವರ್ತಿ ಟೀಕಿಸಿದ್ದಾರೆ. ಇಚು ನಾಚಿಕೆಗೇಡಿನ ಕೆಲಸ ಮಾತ್ರವಲ್ಲ ಅಪರಾಧ. ಇಂತಹ ಬಲೆಗೆ ಬೀಳದಂತೆ ಎಚ್ಚರ ವಹಿಸಿ ಎಂದು ನಾನು ಜನರಲ್ಲಿ ಕೋರಿಕೊಳ್ಳುತ್ತೇನೆ ಎಂದು ರಾಜ್ಯ ಸಂಸದೀಯ ವ್ಯವಹಾರಗಳ ಸಚಿವ ಪಾರ್ಥಾ ಚಟರ್ಜಿ ಹೇಳಿದ್ದಾರೆ. ಬಿಜೆಪಿ ಮಾತ್ರ ಈ ವಿಚಾರದಲ್ಲಿ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. (ಏಜೆನ್ಸೀಸ್)
ಕಲಬುರಗಿಯಲ್ಲಿ ಕರೊನಾ ಸೋಂಕಿತನಿಗೆ ಚಿಕಿತ್ಸೆ ನೀಡಿದ್ದ ವೈದ್ಯನಿಗೂ ಕರೊನಾ ಸೋಂಕು
ಯುವ ಕಾಂಗ್ರೆಸ್ ಮುಖಂಡರ ಹೊಡೆದಾಟ; ಕ್ಷೇತ್ರ ಪ್ರಧಾನ ಕಾರ್ಯದರ್ಶಿಗೆ ಹಲ್ಲೆ, ನಾಲ್ವರ ವಿರುದ್ಧ ಮೊಕದ್ದಮೆ