ನವದೆಹಲಿ: ಅನೇಕ ಬ್ಯಾಂಕ್ಗಳಲ್ಲಿ ಕೋಟ್ಯಂತರ ಹಣವನ್ನು ಸಾಲ ಮಾಡಿ ಕಣ್ಮರೆಯಾಗಿರುವ ನೀರವ್ ಮೋದಿ ಮನೆಯಲ್ಲಿರುವ ಬೆಲೆ ಬಾಳುವ ವಸ್ತುಗಳನ್ನು ಗುರುವಾರದಂದು ಆನ್ಲೈನ್ನಲ್ಲಿ ಹರಾಜಿಗೆ ಹಾಕಲಾಗುವುದು.
ಕೋಟ್ಯಂತರ ರೂಪಾಯಿ ಬೆಲೆ ಬಾಳುವ ಪೇಂಟಿಂಗ್ಗಳು, ಕಾರು, ವಾಚು ಮತ್ತು ಬ್ಯಾಗ್ಗಳನ್ನು ಆನ್ಲೈನ್ನಲ್ಲಿ ಹರಾಜಿಗೆ ಹಾಕಲಾಗುವುದು. ಇಡಿ ಇಲಾಖೆಯ ವಶದಲ್ಲಿರುವ ವಸ್ತುಗಳಿಗೆ ಒಟ್ಟು ಎರಡು ಭಾಗದಲ್ಲಿ ಹರಾಜು ಪ್ರಕ್ರಿಯೆ ನಡೆಯಲಿದ್ದು ಮೊದಲನೇ ಭಾಗವು ಫೆ.27ಕ್ಕೆ ನಡೆಯಲಿದೆ. ಎರಡನೇ ಭಾಗವು ಮಾರ್ಚ್ 3-4 ಕ್ಕೆ ನಡೆಯಲಿದೆ.
ಮೊದಲನೇ ಹರಾಜು ಪ್ರಕ್ರಿಯೆಯಲ್ಲಿ ಒಟ್ಟು 15 ಪೇಂಟಿಂಗ್ಗಳು ಸೇರಿ ಅನೇಕ ವಸ್ತುಗಳನ್ನು ಮಾರಾಟ ಮಾಡಲಾಗುತ್ತಿದೆ. ಎಮ್.ಎಫ್ ಹುಸೇನ್ ಅವರ 1972ರ ವಿಶೇಷವಾದ ಪೇಂಟಿಂಗ್ ಎ ಬ್ಯಾಟಲ್ ಆಫ್ ಗಂಗಾ ಮತ್ತು ಜಮುನಾ ಮಹಾಭಾರತ ಮತ್ತು ಅಮೃತ ಶೇರ್ ಗಿಲ್ ಅವರ 1935ರ ಎ ಬಾಯ್ಸ್ ವಿತ್ ಲೆಮನ್ಸ್ ಪೇಂಟಿಂಗ್ನ್ನು ಹರಾಜು ಹಾಕಲಾಗುತ್ತಿದೆ. ಈ ಎರಡು ಪೇಂಟಿಂಗ್ಗಳು ಕನಿಷ್ಠ 12ರಿಂದ 18 ಕೋಟಿ ರೂಪಾಯಿಗೆ ಹರಾಜಾಗಲಿವೆ ಎಂದು ನಿರೀಕ್ಷಿಸಲಾಗಿದೆ.
ಉಳಿದಂತೆ 1972ರಲ್ಲಿ ಬರೆಯಲಾಗಿರುವ ವಿ.ಎಸ್.ಗೈಟೊಂಡೆ ಅವರ ಪೇಂಟಿಂಗ್ಗೆ ಮೂರು ಕೋಟಿ ರೂಪಾಯಿ, ಅರ್ಪಿತಾ ಸೀಮಗ್ ಅವರು 1996ರಲ್ಲಿ ರಚಿಸಿರುವ 27 ಡಕ್ಸ್ ಆಫ್ ಮೆಮೋರಿ ಪೇಂಟಿಂಗ್ಗೆ 1.2ರಿಂದ 1.8 ಕೋಟಿ ರೂಪಾಯಿ ಸಿಗಬಹುದು ಎನ್ನಲಾಗಿದೆ.
ಪೇಂಟಿಂಗ್ಗಳ ಹೊರೆತುಪಡಿಸಿ, ರೋಲ್ಸ್ ರಾಯ್ಸ್ ಘೋಸ್ಟ್ ಕಾರಿಗೆ ಅಂದಾಜು 75-95 ಲಕ್ಷ, ಪೋರ್ಷೆ ಪನಾಮೆರಾ ಕಾರಿಗೆ 15 ಲಕ್ಷ ರೂಪಾಯಿ ಸಿಗಬಹುದು ಎನ್ನುವ ನಿರೀಕ್ಷೆಯಿದೆ. ಇನ್ನುಳಿದಂತೆ ದುಬಾರಿ ವಾಚುಗಳು, ಬ್ಯಾಗ್ಗಳು ಹರಾಜಿನಲ್ಲಿ ಲಭ್ಯವಾಗಲಿವೆ. (ಏಜೆನ್ಸೀಸ್)