ವಿಯೆನ್ನಾ: ವಿಯೆನ್ನಾ ನಗರದ ವ್ಯಾಪ್ತಿಯಲ್ಲಿ ವಿದ್ಯುತ್ಚಾಲಿತ ಬೈಕ್ ಸೇರಿ ಎಲ್ಲ ಬಗೆಯ ಬೈಕ್ಗಳ ಸಂಚಾರವನ್ನು ಸಂಪೂರ್ಣ ನಿಷೇಧಿಸಲು ವಿಯೆನ್ನಾ ನಗರದ ಸ್ಥಳೀಯ ಆಡಳಿತ ಸಂಸ್ಥೆ ನಿರ್ಧರಿಸಿದೆ. ವಿಶ್ವಪ್ರಖ್ಯಾತ ಕೆಟಿಎಂ ಬೈಕ್ಗಳ ತವರಿನಲ್ಲಿ ಈಗಾಗಲೆ ಈ ನಿರ್ಧಾರ ಜಾರಿಗೆ ಬಂದಿದೆ.
ಯುರೋಪ್ನಲ್ಲಿ ಪ್ರಾಕೃತಿಕವಾಗಿ ಅತ್ಯಂತ ಸುಂದರ ಮತ್ತು ಸೊಬಗಿನ ನೋಟವನ್ನು ಒದಗಿಸುವ ಆಸ್ಟ್ರೀಯಾದ ಟೈರಾಲ್ ರಾಜ್ಯದಲ್ಲಿ ಕೂಡ ಬೈಕ್ಗಳ ಸಂಚಾರವನ್ನು ನಿಷೇಧಿಸಲಾಗಿದೆ. ಸಾಮಾನ್ಯವಾಗಿ ಪ್ರವಾಸಿಗರು ಪ್ರಕೃತಿಯ ಈ ಸೊಬಗಿನ ನೋಟವನ್ನು ಕಣ್ತುಂಬಿಕೊಳ್ಳಲು ಈ ರಾಜ್ಯದಲ್ಲಿ ಬೈಕ್ ಸವಾರಿ ಮಾಡುತ್ತಿದ್ದರು. ಆದರೆ, ಇನ್ನುಮುಂದೆ ಅವರಿಗೆ ಇದಕ್ಕೆ ಅವಕಾಶ ಇರುವುದಿಲ್ಲ.
ಅಷ್ಟೇ ಅಲ್ಲ, ವಿಯೆನ್ನಾ ನಗರದ ಹೃದಯ ಭಾಗದಲ್ಲಿ ಕಾರುಗಳ ಮುಕ್ತ ವಲಯವನ್ನು ರೂಪಿಸಲಾಗಿದ್ದು, ಈ ಪ್ರದೇಶಗಳಲ್ಲಿ ಎಲ್ಲ ಬಗೆಯ ಕಾರುಗಳ ಸಂಚಾರವನ್ನು ಕೂಡ ಸಂಪೂರ್ಣವಾಗಿ ನಿಷೇಧಿಸಲಾಗಿದೆ. ಆದರೆ ನಗರವನ್ನು ಸುತ್ತಲೂ ಆವರಿಸಿರುವ ರಿಂಗ್ ರಸ್ತೆಯಲ್ಲಿ ಎಲ್ಲ ಬಗೆಯ ವಾಹನಗಳ ಸಂಚಾರಕ್ಕೆ ಮುಕ್ತ ಅವಕಾಶ ನೀಡಲಾಗಿದೆ.
ಇದನ್ನೂ ಓದಿ: ಆಡಿನ ತಂದೆ ಯಾರು ಎಂದು ತಿಳಿಯಲು ಕೋರ್ಟ್‌ ಮೊರೆ ಹೋಗಿರುವ ಮಹಿಳೆ!
ವಾಹನಗಳ ನಿಷೇಧಿತ ವಲಯದಲ್ಲಿ ವಾಸವಾಗಿರುವ, ವಾಹನ ನಿಲುಗಡೆಗಾಗಿ ತಮ್ಮದೇ ಆದ ಗ್ಯಾರೇಜ್ ಅನ್ನು ಹೊಂದಿರುವವರು ಈ ಪ್ರದೇಶಕ್ಕೆ ತೆರಳಿ ವಾಹನಗಳನ್ನು ನಿಲುಗಡೆ ಮಾಡಬಹುದಾಗಿದೆ. ನಿಲುಗಡೆಯ ಪರವಾನಗಿ ಹೊಂದಿರುವ ವಾಹನಗಳ ಮಾಲಿಕರಿಗೂ ಈ ವಲಯದಲ್ಲಿ ವಾಹನ ನಿಲುಗಡೆಗೆ ಅವಕಾಶ ನೀಡಲಾಗಿದೆ.
ವಿವಿಧ ವಸ್ತುಗಳ ಮಾರಾಟ ಪ್ರತಿನಿಧಿಗಳು ಮತ್ತು ಕಚೇರಿಯ ಅವಧಿಯಲ್ಲಿ ಸದಾ ಹೊರಗೆ ಓಡಾಡಿಕೊಂಡು ಕೆಲಸ ಮಾಡಬೇಕಾಗಿರುವಂಥವರ ವಾಹನಗಳ ಸಂಚಾರಕ್ಕೆ ಈ ನಿಷೇಧ ಅನ್ವಯಿಸುವುದಿಲ್ಲ. ಪ್ರಯಾಣಿಕರ ಟ್ಯಾಕ್ಸಿಗಳು, ಹೋಟೆಲ್ಗಳಲ್ಲಿ ತಂಗಿರುವ ಪ್ರವಾಸಿಗರ ವಾಹನಗಳಿಗೂ ನಿಷೇಧಿತ ವಲಯದಲ್ಲಿ ಈ ನಿರ್ಬಂಧದಿಂದ ವಿನಾಯ್ತಿ ನೀಡಲಾಗಿದೆ.
ಪರಿಸರ ಹಾಗೂ ಶಬ್ಧ ಮಾಲಿನ್ಯ ಉಂಟು ಮಾಡದ ವಿದ್ಯುತ್ ಚಾಲಿತ ಬೈಕ್ ಮತ್ತು ಕಾರುಗಳನ್ನು ನಿಷೇಧಿತ ವಾಹನಗಳ ಪಟ್ಟಿಗೆ ಸೇರ್ಪಡೆಗೊಳಿಸಿರುವುದು ಸ್ಥಳೀಯ ಜನರನ್ನು ಕೆರಳಿಸಿದೆ. ಆದರೂ ಸಾರ್ವಜನಿಕರ ಆಕ್ಷೇಪಕ್ಕೆ ಮಾನ್ಯತೆ ನೀಡದೆ, ಪ್ರತಿಭಟನೆಗೂ ಅವಕಾಶ ನೀಡದೆ, ತಮ್ಮ ನಿರ್ಧಾರವನ್ನು ದಿಟ್ಟವಾಗಿ ಜಾರಿಗೊಳಿಸಲು ಸ್ಥಳೀಯ ಆಡಳಿತ ಸಂಸ್ಥೆಯ ಪ್ರತಿನಿಧಿಗಳು ನಿರ್ಧರಿಸಿದ್ದಾರೆ.
ಕೋವಿಡ್ನಿಂದ ದೇಶದಲ್ಲಿ ಲಕ್ಷಾಂತರ ಜನರೇನೂ ಸತ್ತಿಲ್ಲ… ಲಾಕ್ಡೌನ್ ಬೇಡ: ಪ್ರತಾಪ್ಸಿಂಹ