ರಾಜಕಾರಣದಲ್ಲಿ ದುಡ್ಡು ಮಾಡಲು, ಸಂಪತ್ತು ಲೂಟಿ ಮಾಡಬೇಕು ಎಂದು ನಾನು ಬಂದಿಲ್ಲ. ದೇವಸ್ಥಾನದಲ್ಲೇ ನಿಂತು ವೇಣುಗೋಪಾಲನ ಮೇಲೇ ಆಣೆ ಮಾಡುವೆ. ಪಕ್ಷಕ್ಕೆ ಗೌರವ ಕೊಡೋದು ನನ್ನ ಧರ್ಮ. ನಾನು ನಾಲ್ಕು ಗೋಡೆ ಮಧ್ಯೆ ನನ್ನ ಭಾವನೆ, ಕಷ್ಟ, ನನ್ನ ಕ್ಷೇತ್ರದ ಭವಿಷ್ಯದ ಬಗ್ಗೆ ಯಾರಿಗೆ ಹೇಳಬೇಕೋ ಅಲ್ಲಿ ಹೇಳಿಕೊಂಡಿದ್ದೇನೆ. ನಾನು ಏನನ್ನೂ ಬಹಿರಂಗವಾಗಿ ಹೇಳಿಲ್ಲ. ಒಳ್ಳೆತನ, ಒಳ್ಳೆಯ ವಿಚಾರಕ್ಕೆ, ಕ್ಷೇತ್ರದ ಹಿತದೃಷ್ಟಿಯಿಂದ ಯಾವುದೇ ಕಾರಣಕ್ಕೂ ನೀನು ಇಟ್ಟ ಹೆಜ್ಜೆಯನ್ನು ಹಿಂದಿಡಬೇಡ, ನೀನು ಮುಂದುವರಿ ಎಂದು ಆ ಗೋಪಾಲಕೃಷ್ಣ ಹೇಳಿದ್ದಾನೆ. ನನಗೆ ರಾಜಕೀಯದಲ್ಲಿ ರಕ್ಷಕರಿಲ್ಲ. ಯಾವ ನಾಯಕರೂ ನನ್ನ ಬೆನ್ನಿಗೆ ಇಲ್ಲ. ಆದರೆ, ಆ ದೇವರು ನನಗೆ ರಕ್ಷಣೆ ಕೊಡುತ್ತಾನೆ ಎಂದು ಆನಂದ್ ಸಿಂಗ್ ಹೇಳಿದರು.
