ಯುನೈಟೆಡ್ ಸ್ಟೇಟ್ಸ್: 22 ವರ್ಷದ ವ್ಯಕ್ತಿಯೊರ್ವನ ಶ್ವಾಸಕೋಶದಲ್ಲಿ ಕೃತಕ ಬೆಳ್ಳಿ ಹಲ್ಲುಗಳು ಸಿಲುಕಿ ಹಾಕಿಕೊಂಡಿರುವ ಘಟನೆ ಯುನೈಟೆಡ್ ಸ್ಟೇಟ್ಸ್ನಲ್ಲಿ ನಡೆದಿದೆ. ಈ ಕುರಿತ ಎಕ್ಸ್-ರೇ ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.
ಇದನ್ನೂ ಓದಿ: ಕಾಶ್ಮೀರದ ಸಮಸ್ಯೆ ಬಗ್ಗೆ ಚೀನಾ ಮಾತನಾಡುತ್ತಿರುವುದು ಬಿಜೆಪಿ ಕೊಡುಗೆ: ಮೆಹಬೂಬ ಮುಫ್ತಿ
ಘಟನೆಯ ಕುರಿತು ಕೇಸ್ ಸ್ಟಡಿ ಕ್ಯೂರಿಯಸ್ ಜರ್ನಲ್ ಆಫ್ ಮೆಡಿಕಲ್ ಸೈನ್ಸ್ನಲ್ಲಿ ಪ್ರಕಟವಾಗಿದ್ದು, ವಿಸ್ಕಾನ್ಸಿನ್ನ 22 ವರ್ಷದ ವ್ಯಕ್ತಿಯೋರ್ವ ಅಪಘಾತದಲ್ಲಿ ತನ್ನ ಹಲ್ಲುಗಳನ್ನು ಕಳೆದುಕೊಂಡಿದ್ದರಿಂದ ಆತನಿಗೆ ಕೃತಕ ಬೆಳ್ಳಿ ಹಲ್ಲುಗಳನ್ನು ಜೋಡಿಸಲಾಗಿತ್ತು. ಹಲವು ದಿನಗಳ ನಂತರ ಆ ವ್ಯಕ್ತಿ ಆಕಸ್ಮಿಕವಾಗಿ ಇದನ್ನು ನುಂಗಿದ್ದು, ಅದು ಶ್ವಾಸಕೋಶದ ಶ್ವಾಸನಾಳದಲ್ಲಿ ಸಿಲುಕಿಕೊಂಡು ಜೀವನ್ಮರಣ ಹೋರಾಟವನ್ನು ಮಾಡುತ್ತಿದ್ದ.
ಹಲವಾರು ಪರೀಕ್ಷೆಗಳನ್ನು ನಡೆಸಿದ ವೈದ್ಯರ ತಂಡವು ಬ್ರಾಂಕೋಸ್ಕೋಪಿ ನಡೆಸಿ ಈ ಕೃತಕ ಹಲ್ಲುಗಳನ್ನು ತೆಗೆದು ಹಾಕುವಲ್ಲಿ ಯಶಸ್ವಿಯಾಗಿದ್ದು, ಅನ್ನನಾಳದ ಮೂಲಕ ಮತ್ತು ಜೀರ್ಣಾಂಗ ವ್ಯವಸ್ಥೆಗೆ ಹಾದುಹೋಗುವ ಬದಲು ಈ ಕೃತಕ ಹಲ್ಲುಗಳು ಅವನ ಶ್ವಾಸಕೋಶಕ್ಕೆ ಸಿಲುಕಿ ಹಾಕಿಕೊಂಡಿತ್ತು. ಹಾಗಾಗಿ ಅವನಿಗೆ ಉಸಿರಾಟದ ತೊಂದರೆ ಎದುರಾಗಿತ್ತು ಸದ್ಯ, ಅವನ ಆರೋಗ್ಯದಲ್ಲಿ ಚೇತರಿಕೆ ಕಂಡು ಬಂದಿದೆ ಎಂದಿದ್ದಾರೆ.(ಏಜೆನ್ಸೀಸ್)