ಇಸ್ಲಮಾಬಾದ್: ಭಾರತದಲ್ಲೇ ನೆಲೆಸಿರುವ ವೃದ್ಧೆ ತಮ್ಮ ಇಳಿ ವಯಸ್ಸಿನಲ್ಲಿ ಪೂರ್ವಜನರ ಮನೆಗೆ ಭೇಟಿ ನೀಡಬೇಕೆಂಬ ಆಕೆಯ ಆಸೆ ಕೊನೆಗೂ ಈಡೇರಿದೆ. 92 ವರ್ಷದ ವೃದ್ಧೆ, ಬರೋಬ್ಬರಿ 75ವರ್ಷದ ಬಳಿಕ ಪಾಕಿಸ್ತಾನಕ್ಕೆ ಭೇಟಿ ನೀಡುತ್ತಿರುವುದು ಭಾರೀ ಕುತೂಹಲ ಮೂಡಿಸಿದೆ.
ರೀನಾ ಚಿಬರ್ ಎಂಬ 92 ವರ್ಷದ ವೃದ್ಧೆಗೆ ಪಾಕಿಸ್ತಾನದ ಹೈಕಮಿಷನ್ನಿಂದ ವೀಸಾ ಅನುಮತಿ ನೀಡಿದೆ. ಆಕೆಯ ಪೂರ್ವಜರ ಮನೆಗೆ ಭೇಟಿ ನೀಡಲು ಅನುಮತಿ ಕೋರಿದ್ದಕ್ಕಾಗಿ ಸಮ್ಮತಿ ಸೂಚಿಸಿದ್ದೇವೆ ಎಂದು ಪಾಕ್ ಅಧಿಕಾರಿಗಳು ತಿಳಿಸಿದ್ದಾರೆ.
ಮೂರು ತಿಂಗಳುಗಳ ಕಾಲ ವೀಸಾ ಅನುಮತಿ ನೀಡಲಾಗಿದ್ದು, ಅಲ್ಲಿಯವರೆಗೆ ಆಕೆ ಅಲ್ಲೇ ಇರಬಹುದು. ಅನುಮತಿ ಸಿಕ್ಕ ಬೆನ್ನಲ್ಲೇ ಶನಿವಾರವೇ ವೃದ್ಧೆ ವಾಘಾ-ಅಟ್ಟಾರಿ ಗಡಿಯ ಮೂಲಕ ಪಾಕಿಸ್ತಾನಕ್ಕೆ ಹೋಗುತ್ತಿರುವ ವೇಳೆ ತೆಗೆಸಿದ ಫೋಟೋಗೆ ಜಾಲತಾಣದಲ್ಲಿ ಭಾರೀ ಮೆಚ್ಚುಗೆ ವ್ಯಕ್ತವಾಗುತ್ತಿದ್ದು, ಈ ಫೋಟೋ ವೈರಲ್ ಆಗುತ್ತಿದೆ.
ಸದ್ಯ ವೃದ್ಧೆಯ ಪೂರ್ವಜರ ಮನೆ ಇರುವುದು ರಾವಲ್ಪಿಂಡಿಯ ಪ್ರೇಮ್ ನಿವಾಸ್ ಎಂಬಲ್ಲಿ, ತಮಗೆ ವೀಸಾ ಅನುಮತಿಗೆ ಸಹಕರಿಸಿದ ಭಾರತ ಹಾಗೂ ಪಾಕ್ ಅಧಿಕಾರಿಗಳಿಗೆ ಅಭಿನಂದನೆಗಳು ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.
ಭಾರತ ವಿಭಜನೆ ವೇಳೆ ನಮ್ಮ ಕುಟುಂಬ ಇಬ್ಭಾಗವಾಯಿತು. ಆಗ ನಾನು 15 ವರ್ಷದವಳಾಗಿದ್ದೆ, ಆ ಸಮಯದಲ್ಲಿ ನಮ್ಮ ಮನೆಯಲ್ಲಿ ಹಿಂದೂ-ಮುಸ್ಲಿಂ ಸ್ನೇಹಿತರೆಲ್ಲರೂ ಬರುತ್ತಿದ್ದರು. ತುಂಬಾ ಒಳ್ಳೆಯ ವಾತಾವರಣವಾಗಿತ್ತು ಎಂದಿರುವ ಅವರು, ಆಗ ಕಂಡಿದ್ದ ನಮ್ಮ ಮನೆಗೆ ಈಗ ಭೇಟಿ ನೀಡುತ್ತಿರುವುದಕ್ಕೆ ಭಾರೀ ಉತ್ಸುಕಳಾಗಿದ್ದೇನೆ ಎಂದು ರೀನಾ ಹೇಳಿಕೊಂಡಿದ್ದಾರೆ. (ಏಜೆನ್ಸೀಸ್)
VIDEO: ಇಲ್ಲಿದೆ ಚೆಸ್ ಬೋರ್ಡ್ನಂತೆ ಚಿತ್ರಿಸಲಾದ ಆಕರ್ಷಕ ಸೇತುವೆ!