ಕೊಲಂಬಿಯಾ: ಸುಮಾರು ಎಂಟು ವರ್ಷಗಳಿಂದ ಪೊಲೀಸರ ಕೈಯಲ್ಲಿ ಭೇದಿಸಲಾಗದ ಪ್ರಕರಣವನ್ನು ಕೇವಲ ಆರು ವರ್ಷದ ಬಾಲಕ ಕ್ಷಣ ಮಾತ್ರದಲ್ಲಿ ಪ್ರಕರಣಕ್ಕೆ ತೆರೆ ಎಳೆಯುವ ಮೂಲಕ ಎಲ್ಲರನ್ನೂ ಚಕಿತಗೊಳಿಸಿದ್ದಾನೆ.
ಇದನ್ನೂ ಓದಿ: VIDEO| ಸಿಸಿಟಿವಿಯಲ್ಲಿ ಸೆರೆಯಾಯ್ತು ಪಾಕ್ ವಿಮಾನ ಪತನದ ಭೀಕರ ದೃಶ್ಯ…!
ಬಾಲಕನ ಹೆಸರು ನಾಕ್ಸ್ ಬ್ರೆವೆರ್. ಅಮೆರಿಕದ ಸೌಥ್ ಕರೊಲಿನಾದ ಜಾನ್ಸ್ ದ್ವೀಪದ ನಿವಾಸಿ. ಕರೊನಾ ವೈರಸ್ನಿಂದ ಹೇರಲಾಗಿದ್ದ ಲಾಕ್ಡೌನ್ ಸಮಯವನ್ನು ಕಳೆಯಲು ಮ್ಯಾಗ್ನೆಟ್ ಫಿಶಿಂಗ್ ಆರಂಭಿಸಿದ ಬ್ರೆವೆರ್, ಕೆರೆಯ ನೀರಿನ ತಳದಲ್ಲಿರುವ ಲೋಹದ ವಸ್ತುಗಳನ್ನು ಹುಡುಕಾಡಲು ಶುರುಮಾಡಿದ ಎಂದು ಕುಟುಂಬದವರು ತಿಳಿಸಿದ್ದಾರೆ.
ಒಂದು ದಿನ ತನ್ನ ಕುಟುಂಬದೊಂದಿಗೆ ವೈಟ್ನಿ ಕೆರೆಗೆ ತೆರಳಿದ ಬ್ರೆವರ್, ಮ್ಯಾಗ್ನೆಟಿಕ್ ಫಿಶಿಂಗ್ ಆರಂಭಿಸುತ್ತಾನೆ. ಒಮ್ಮೆ ನೀರಿಗೆ ಎಸೆದ ಮ್ಯಾಗ್ನೆಟ್ ಭದ್ರವಾಗಿ ಯಾವುದೋ ಭಾರವಾದ ವಸ್ತುವಿಗೆ ಅಂಟಿಕೊಂಡಂತೆ ಭಾಸವಾಗುತ್ತದೆ. ನಂತರ ಸಮೀಪದಲ್ಲಿದ್ದ ಜನರ ಸಹಾಯದಿಂದ ಮ್ಯಾಗ್ನೆಟ್ ಅನ್ನು ಮೇಲಕ್ಕೆ ಎಳೆಯುತ್ತಾರೆ. ಈ ವೇಳೆ ಬೀಗ ಹಾಕಿದ ಒಂದು ಲೋಹದ ಬಾಕ್ಸ್ ಪತ್ತೆಯಾಗುತ್ತದೆ. ತಕ್ಷಣ ಅದನ್ನು ತೆರೆದಾಗ ಅದರಲ್ಲಿದ್ದ ಜ್ಯುವೆಲ್ಲರಿ, ಕ್ರೆಡಿಟ್ ಕಾರ್ಡ್ ಮತ್ತು ಬ್ಯಾಂಕ್ ಚೆಕ್ಬುಕ್ ನೋಡಿ ಎಲ್ಲರೂ ದಂಗಾಗುತ್ತಾರೆ.
ಇದನ್ನೂ ಓದಿ: ವಿವಾಹಿತೆಯೊಂದಿಗೆ ಯುವತಿ ಆತ್ಮಹತ್ಯೆ: ಸಮಾಜ ಒಪ್ಪದ ಸಂಬಂಧವೇ ಇಬ್ಬರಿಗೂ ಮುಳುವಾಯಿತಾ?
ಈ ವೇಳೆ ನಾಕ್ಸ್ ಬ್ರೆವರ್ ತಂದೆ ಜೊನಾಥನ್ ಬ್ರೆವೆರ್ ಸ್ಥಳೀಯ ಪೊಲೀಸ್ ಅಧಿಕಾರಿಗಳಿಗೆ ಕರೆ ಮಾಡಿ ಮಾಹಿತಿ ಮುಟ್ಟಿಸುತ್ತಾರೆ. ತಕ್ಷಣ ಸ್ಥಳಕ್ಕೆ ಬಂದು ಪರಿಶೀಲಿಸಿದಾಗ ಆ ವಸ್ತುಗಳು ಕರೆಯಿಂದಾಚೆಗೆ ವಾಸಿಸುವ ಮಹಿಳೆಯೊಬ್ಬರಿಗೆ ಸೇರಿದ್ದು ಎಂದು ತಿಳಿಯುತ್ತದೆ. ಬರೋಬ್ಬರಿ 8 ವರ್ಷಗಳ ಹಿಂದೆ ಕಳುವಾಗಿದ್ದರ ಬಗ್ಗೆಯೂ ಆಕೆ ದೂರು ನೀಡಿರುತ್ತಾಳೆ.
ದರೋಡೆ ಮಾಡಿದವರು ಬಾಕ್ಸ್ನಿಂದ ಈಗಾಗಲೇ ಬೆಲೆಬಾಳುವ ವಸ್ತಗಳನ್ನೆಲ್ಲಾ ತೆಗೆದುಕೊಂಡು ಕೆಲ ವಸ್ತುಗಳನ್ನು ಹಾಗೇ ಬಿಟ್ಟು ನೀರಿಗೆ ಎಸೆದಿರುತ್ತಾರೆ. ಸದ್ಯ ಸಿಕ್ಕಂತಹ ವಸ್ತುಗಳನ್ನು ಬ್ರೆಸ್ಲೆಟ್ ಸಹಾಯದಿಂದ ಆಕೆಗೆ ಮರಳಿಸಿದ್ದು, ಆಕೆಯೂ ಸಹ ಬಾಲಕನನ್ನು ತಬ್ಬಿಕೊಂಡು ಧನ್ಯವಾದ ತಿಳಿಸಿದಳು ಎನ್ನುತ್ತಾರೆ ಜೊನಾಥನ್ ಬ್ರೆವರ್. (ಏಜೆನ್ಸೀಸ್)
ಇದನ್ನೂ ಓದಿ: ಪುರುಷರ ವಾರ್ಡ್ನಲ್ಲಿ ಒಳ ಉಡುಪು ಕಾಣುವಂತೆ ಪಾರದರ್ಶಕ ಪಿಪಿಇ ಗೌನ್ ತೊಟ್ಟ ನರ್ಸ್…!
ಪಾಕ್ ವಿಮಾನ ದುರಂತದಲ್ಲಿ 97 ಮಂದಿ ಸಾವಿಗೀಡಾದ್ರೂ ಇಬ್ಬರು ಮಾತ್ರ ಬದುಕುಳಿದಿದ್ಹೇಗೆ?